SURAT I PAULUS KON JAMAAT RUM 15:19 - Alkitab Singog In Mongondow Masa In Tanaa

¹⁹ inta mokoherang totok kon intau bo diá in poporupaan. Tua mita in nobaḻí sin kawasa in Roho i Allah. Habar Mopia soaḷ ki Kristus aindon pinohabarku komintan kon intau mita, pinangkoipamai kon Yerusalem nodapot in Ilirikum.

SURAT I PAULUS KON JAMAAT RUM 15:19 ပူးပေါင်းရင်းမြစ်များ

MATIUS 12:28

Táe aka Akuoi moguntun kon dimukud moraat takin nomaké in kawasa Roho i Allah. Yo tua in mangaḻenea ki Allah aindon namangoi nomarenta kon i monimu.

YOHANES 4:48

Ki Yesus in noguman kon pogawai in komaḻig tatua, “Aka moiko bo diá nokoontong kon inta mokoherang mita, yo tantú diábí in moiko mopirisaya.”

OUMAN IN RASUL MITA 1:8

Tongá moiko in mokouḻíbí kon kawasa, aka Roho i Allah mamangoidon kon i monimu bo moikodon nion in mobaḻí sakusi-Ku kon Yerusalem, kon bayongan butá in Yudea, kon Samaria, bo modapot in popod in dunia.”

OUMAN IN RASUL MITA 13:14

Nongkon Perga, ki Paulus bo yobayatnea mita nongingguput kon bobayáan monia noidapot kon Antiokhia inta kon Pisidia. Onda intua kon singgai in Sabat mosia in minayá in baḷoi pososambayangan bo iḻimitú mako kon tua.

OUMAN IN RASUL MITA 13:51

Dá sinopiran in rasul mita tatua kon tayowon intau moantó tatua in ḷobud inta nongoikompit kon sioḷ monia saḷaku tompoingat kon i monia, bodongka minayá in Ikonium.

OUMAN IN RASUL MITA 14:10

bo noguman noropot, “Sindogdon kotuḻid!” Intau tatua iḷumanduk in sinimindog bo minayá.

OUMAN IN RASUL MITA 14:20

táe naonda in iḻipung intau mita inta mopirisaya, sia in nobangon bo bui sinumuot in kotá. Nopoikoḷomai kon singgai sia in minayádon in Derbe takin i Barnabas.

OUMAN IN RASUL MITA 14:25

Bo naonda in nopaḷutdon nopoyaput in Habar Mopia kon Perga, mosia minayá in Atalia, inta kon pintad.

OUMAN IN RASUL MITA 14:6

Táe kinotaauan i Paulus bo i Barnabas in tomayá monia tatua, dá minayá in taya dua bo sinimí kon Listra bo Derbe.

OUMAN IN RASUL MITA 15:12

Dá bayongan in intau inta noyosipun kon tua komintan in nongoibió. Bo umurandon inindongogan monia in onu inta inouman i Barnabas bo i Paulus tua. Mosia in nongonguman kon bayongan tanda inta totok in mokoherang kon intau, inta ain inaidan i Allah kon i monia kon yua-yuak in intau inta deeman Yahudi.

OUMAN IN RASUL MITA 16:18

Tongonumai degá nosinggai in bobay tatua umuran momaḷú natua. Diádon nokotahang in ki Paulus in mokidongogmai kon pomaḷúannea natua dá binobuinea bo poḷat noguman kon dimukud tatua, “Podoyon kon tangoi Yesus Kristus akuoi in moguman kon inimu ḷuaidon nongkon bobay tanion!” Dá kon dodaipa doman in tatua iḷumuai in dimukud moraat tatua nongkon bobay tatua.

OUMAN IN RASUL MITA 17:10

Doḷom tua ki Paulus bo ki Silas pinotabádon in bayongan intau inta mopirisaya kon kotá tatua, sinbá mayádon in Berea. Noiyaputmai kon tua mosia in minayá in baḷoi pososambayangan intau Yahudi.

OUMAN IN RASUL MITA 17:15

Naonda in ki Paulus inatodon dapot kon Atena, utat mita inta norogatod tatua in nobuidon kon Berea takin nodia kon koyow i Paulus sinbá ki Silas bo ki Timotius in musti ḷagi momatuk kon inia.

OUMAN IN RASUL MITA 18:1

Onda intua ki Paulus in nonaḷámaidon kon Atena bo minayá in Korintus.

OUMAN IN RASUL MITA 18:19

Naonda in noiyaputdon kon Epesus, sinaḷáanmaidon i Paulus in ki Priskila bo ki Akwila, bo sinumuot in baḷoi pososambayangan mososiritaanmai in intau mita in Yahudi kon tua.

OUMAN IN RASUL MITA 19:1

Wakutu in ki Apolos kon Korintuspa, ki Paulus in koyogot domandon minaya-mayá mako in ḻipu-ḻipúannea inta totok nongoyayú kon daerah tatua bo sia in noiyaputdon kon Epesus. Kon tua noyodungkuḷ in sia in tongonumai intau inta nopirisayadon kon i Yesus.

OUMAN IN RASUL MITA 20:20

Táe umpakabí natua yo diábí kon dodai in onda in akuoi nogogai nopotaau kon onu inta mokobaraguna kon i monimu. Tua komintan ain pinotaauku kon i monimu bo ain doman sinundúku kon i monimu kon tayowon in intau mobarong andeka kon baḷo-baḷoiannea.

OUMAN IN RASUL MITA 20:6

Táe naonda in nopaḷutdon singgai moḷoben Roti Diá Koragi tatua, kami nongkon Pilipi sinumakoi kon uangga. Opat nosinggai in binayáan nami bo noiyaput kon Troas bo noyodungkuḷ monia kon tua. Pitu nosinggai in kami kon tua.

SURAT I PAULUS KON JAMAAT RUM 15:13

Poigumon mako kon i Allah, inta tampat pohoharapan monimu, sinbá Sia in mobogoi kon i monimu in gina mosanang bo kobiagan motompia sin moiko in mopirisaya kon i-Nia. Poigumon doman mako sinbá moiko in umuran kawasaan in Roho i Allah, sahingga in modugangdon moḷoben in harapan monimu kon i Allah.

SURAT I PAULUS KON JAMAAT RUM 15:16

Binaḻí-Neadon in akuoi mogogaid kon oaidan i Kristus sin pinotabá minayá kon intau mita inta deeman Yahudi. Bo akuoi in nogaidon naonda bo imang, inta nopoyaput in Habar Mopia nongkon i Allah, sinbá intau mita inta deeman Yahudi in mobaḻí tobatú sosumba kon i Allah inta motaau tarimaan-Nea. Poigumondon mako bá baḻíondon in Roho i Allah in mosia tobatú sosumba kon i Allah tontaní.

SURAT I PAULUS KON JAMAAT RUM 15:24

Igumonku mako aka kon binayáanku mopobayá in Spanyol, yo moiandupa in akuoi kon tampat monimu bá moyodungkuḷpa in kita takin pia in gina umpaka diá moonggot. Mopaḷut mako kon tua haraponku moiko in motaaupa motuḷung kon inakó mongingguput kon bobayáanku mopobayá in Spanyol.

KORINTUS 1 2:4

Bo habar inta pinoyaputku kon i monimu tua in deemanbí tongá pinotaauku takin tosingogon inta mokosanang kon gina pinodudui in kabijaksanaan in intau, táe noidoyonbí kon koyakinan kon Rohobí i Allah in nongawasa.

KORINTUS 2 12:12

Bayongan inta mokoherang, inta diá mita in poḻiu tua bo oaidan inta moḷoben, takin kasabaran moḷoben pinoontongdon bá ontongon doman monimu kon akuoi naa in totu-totuubí rasul.

GALATIA 3:5

Ki Allah ain nobogoi in Roho-Nea kon i monimu bo ain nogaid kon soaḷ mita inta mokoherang kon sigad monimu. Yo degá inaidan i Allah intua sin moiko in dinumudui kon hukum i Musa? Andeka moiko in nokidongog kon Habar Mopia tatua bo nopirisaya kon i Kristus?

KOLOSE 1:25

Akuoi in binaḻí i Allah mogogaid-Nea sin kopontingan monimu saḷaku jamaat-Nea. Akuoi in mustibí mopoyaput in bayongan habar nongkon i Allah,

TESALONIKA 1 1:5

Sin kami in nopoyaput in Habar Mopia kon i monimu deemanbí pinodoyon kon pandoi nami, táe pinodoyonbí kon kawasa in Roho i Allah inta umuran kotaki-takin nami. Bo totokbí iyakin nami kon totuubí in Habar Mopia tatua. Kinotaauan bidon monimu in kobobiag nami wakutu in kotaki-takinpa monimu. Kami in umuran noramuji in nogaid sin kopontingan monimu.

TIMOTIUS 2 4:17

Táe akuoi in umuranbí iḷukadan i Tuhan; bo inogoian-Neadon in ropot in akuoi sahingga in nokosanggupdon nopoyaput in Habar Mopia tatua, sinbá kodongogan domandon in bayongan intau inta deeman Yahudi, sahingga in akuoi noipilatdon nongkon onu inta mokobodito kon inakó.

IBRANI 2:4

Koḻikud intua, iniropotan doman i Allah in bayongan inta ain inouman in intau mita tatua takin nopoontong in noyagi-yagimai aid inta mokoherang totok kon intau bo soaḷ mita inta diá in poḻiuan bo poḷat nosila-silai mako kon onu inta pinonotabi in Roho i Allah podudui in ibog-Nea tontaní.

PETRUS 1 1:12

Ki Allah ain noguman kon nabi mita tatua, kon onu in pinomia monia tatua, deemanbí inaidan monia sin kopontingan monia tontaní, táe kopontinganbí monimu, tua in soaḷ mita inta tanaa mako ain dinongog monimu notarang nongkon intau mita inta nopoyaput in Habar Mopia soaḷ ki Yesus Kristus. Mosia in nopoyaput intua komintan kon i monimu takin kawasa in Roho i Allah inta pinotabá-Nea mangoi nongkon soroga. Bo umpakabí malaekat mita yo moibogbí doman totok monotaau kon habar inta pinoyaput monia tua.