SURAT I PAULUS KON JAMAAT RUM 15:13 - Alkitab Singog In Mongondow Masa In Tanaa

¹³ Poigumon mako kon i Allah, inta tampat pohoharapan monimu, sinbá Sia in mobogoi kon i monimu in gina mosanang bo kobiagan motompia sin moiko in mopirisaya kon i-Nia. Poigumon doman mako sinbá moiko in umuran kawasaan in Roho i Allah, sahingga in modugangdon moḷoben in harapan monimu kon i Allah.

SURAT I PAULUS KON JAMAAT RUM 15:13 ပူးပေါင်းရင်းမြစ်များ

YESAYA 55:12

Moiko in monaḷámai kon Babel takin pia in gina, bo inatod iḻumuai takin nosaḷamat. Buḷud bo tombuḷudnea in moḷunganga bo morogiow, pangkoi in kayu mita kon gobá in mononggoḷokap.

YEREMIA 14:8

Tongábi Iko tontaní in nobaḻí kamang Israel, inta noposaḷamat kon inami nongkon anib. Táe nongonu sin Iko in naondabí bo intau ango-angoi kon butá nami, naonda bo mobobayá inta tongá nongandup togobii bo minayá bui?

YOËL 3:16

Ki Tuhan in nopodongog in singog-Nea noḷangon nongkon Sion, buḷud-Nea; nongkon Yerusalem modoradádon in singog-Nea. Ḷangit bo butá moḻiai popisí-Nea. Táe ki Tuhan in umuranbí moduḷu bo moḷukad kon Israel, umat-Nea.

YOHANES 14:1

“Donaai mohawatir in ginamu,” guman i Yesus kon i monia. “Popirisayadon kon i Allah, bo popirisaya kon i-Nakó doman.

YOHANES 14:27

Kobiagan moonow bo motompia taḷaan-Ku kon i monimu. Dodamean-Kubí tontaní in ogoi-Ku kon inimu. Onu in ogoi-Ku tua deemanbí ná inta inogoi in dunia naa kon i monimu. Dika moḻia-ḻiaw in gina bo dika moondok.

SURAT I PAULUS KON JAMAAT RUM 12:12

Utat, poharapdon kon i Tuhan takin ḷunganga in gina, mokoposabar aka koantugan in susa, bo umuran posambayang.

SURAT I PAULUS KON JAMAAT RUM 14:17

Sin aka ki Allah in momarenta kon kobiagan intau, yo soaḷ onu in motaau kaanon ande inumonnea, tua in diábí moponting. Inta moponting in soaḷbí intau inta dumudui kon onu in kinoibog i Allah in mokorasabí kon moonow in gina bo motarima kon kasanangan gina inta inogoi in Roho i Allah, tua in moponting.

SURAT I PAULUS KON JAMAAT RUM 15:19

inta mokoherang totok kon intau bo diá in poporupaan. Tua mita in nobaḻí sin kawasa in Roho i Allah. Habar Mopia soaḷ ki Kristus aindon pinohabarku komintan kon intau mita, pinangkoipamai kon Yerusalem nodapot in Ilirikum.

SURAT I PAULUS KON JAMAAT RUM 15:5

Poigumon mako ki Allah inta nobogoi in kasabaran bo ropot kon intau, umuran doman motuḷung kon i monimu, sinbá moiko in mobiag motobatú kon gina bo dumudui kon onu inta ain inaidan i Yesus Kristus.

KORINTUS 1 2:4

Bo habar inta pinoyaputku kon i monimu tua in deemanbí tongá pinotaauku takin tosingogon inta mokosanang kon gina pinodudui in kabijaksanaan in intau, táe noidoyonbí kon koyakinan kon Rohobí i Allah in nongawasa.

KORINTUS 2 9:8

Sin ki Allah in mokawasabí mobogoi in barakat kon i monimu, sinbá tantú oyúon in pakéon monimu; bo bá tantú oyúon in pogaid monimu kon inta mopia bo potuḷung kon intau.

GALATIA 5:22

Tongá intau mita inta kinawasa in Roho i Allah, yo nanaabí in aidan monimu: Oyúon totabian, umuran mosanang in gina bo moonow in gina, oyúon kasabaran, mopia in gina, umuran mopia kon tumpaḷa intau, motoindudui,

EPESUS 1:2

Akuoi ki Paulus, inta nobaḻí rasul i Kristus Yesus sin pinodoyon kon ibog i Allah tontaní, akuoi in umuran mopoigum mako in doa sinbá ki Allah, ki Amá naton bo ki Tuhan Yesus Kristus mobogoi in barakat bo kobiagan motompia kon i monimu.

TESALONIKA 1 1:5

Sin kami in nopoyaput in Habar Mopia kon i monimu deemanbí pinodoyon kon pandoi nami, táe pinodoyonbí kon kawasa in Roho i Allah inta umuran kotaki-takin nami. Bo totokbí iyakin nami kon totuubí in Habar Mopia tatua. Kinotaauan bidon monimu in kobobiag nami wakutu in kotaki-takinpa monimu. Kami in umuran noramuji in nogaid sin kopontingan monimu.

TIMOTIUS 1 1:1

Timotius, adíku kon bonu in pirisaya kon i Tuhan! Surat tanaa in nongkon inakó, ki Paulus inta nobaḻí rasul i Yesus Kristus podudui in ibog i Allah, inta Mopoposaḷamat naton, bo podudui in parenta i Yesus Kristus oandoḷan kobiagan naton. Poigumon mako tua, ki Allah ki Amá naton bo ki Yesus Kristus, ki Tuhan naton in umuran mobogoi in barakat, totabi bo kobiagan motompia kon inimu.

IBRANI 6:11

Ibogon nami bá moiko komintan in umuran morigon in gina bo totu-totuu mopirisaya kon wakutu in mobiagpa, sahingga in moiko motarima kon onu inta i harap mako monimu tua.

PETRUS 1 1:8

Bo umpakabí moiko in diápa dodai onda nokoontong kon inia, táe moiko in motabibí bo umuran mopirisaya kon i-Nia. Manangka intua moḷungangabí totok in gina monimu, ḷunganga in gina inta diábí in poporupaan.

SAMUEL 1 1:18

Tubag i Hana, “Igumon mako in akuoi mokouḻí kon totabi i Amá.” Onda intua minayá in sia, bo nongaan; bo diádon noajar in ginanea.