SURAT I PAULUS KON JAMAAT RUM 14:23 - Alkitab Singog In Mongondow Masa In Tanaa

²³ Táe intau inta moondo-ondok in mokaan kon onu inta motaau kaanon, tongá pangabisannea in nokaan doman kon kaanon tatua, yo potaḷáan i Allah in sia, sin tua inaidannea diá pinodoyon kon koyakinannea soaḷ onu in noitutui bo onu inta noitaḷá. Onuka in aidan takin diá podoyon kon koyakinan yo dosabí intua!

SURAT I PAULUS KON JAMAAT RUM 14:23 ပူးပေါင်းရင်းမြစ်များ

SURAT I PAULUS KON JAMAAT RUM 13:2

Tuamai intau inta momaḷawang kon pomarenta in notongkaibí in nomaḷawang kon onu inta ain sinantú i Allah. Bo ki ine in mogaid kon natua hukumonbí.

SURAT I PAULUS KON JAMAAT RUM 14:5

Oyúon in intau monganggap kon oyúonbí in tobatú singgai inta totok in moponting nongkon singgai ibanea, táe oyúonbí doman intau monganggap kon notongkaibí in bayongan singgai. Pomayádon mako in mosia monantú kon onu in koyakinan monia tontaní.

KORINTUS 1 8:7

Umpaka natua, táe diábí komintan intau in nonotaau kon soaḷ tatua. Sin umaaipa doman masa in tanaa oyúonpa in umuran mosumba kon berhala mita. Tuamai oyúonpa doman in raian kon kaanon inta ain pinosumba kon berhala in kaanonbí doman in berhala. Manangka intua aka kaanon monia in kaanon tatua yo porasaan monia in baradosaanbí in mosia; tua komintan popisíbí in diápa noguyang in pirisaya monia.

TITUS 1:15

Bayongan in yagi-yagi in nodaritbí aka kon intau mita inta nodarit in raian. Táe aka kon i monia inta raian mokotor bo inta diá mopirisaya kon i Tuhan, yo diábí in tobatúmai in modarit, sin raian bo gina monia in komintan domandon mokotor!

IBRANI 11:6

Aka diá in pirisaya, dá diábí in tobatúmai intau motaau moposanang kon gina i Allah. Sin ki ine in mamangoi kon i Allah mustibí mopirisaya kon ki Allah tua in oyúonbí. Bo intau inta totu-totuu motayak kon i-Nia in ogoian-Neabí in onu inta sinayaknea tatua.”