SURAT I PAULUS KON JAMAAT RUM 14:19 - Alkitab Singog In Mongondow Masa In Tanaa

¹⁹ Tuamai koḻigai bá tayakon naton onu inta mokopoangoi kon dodamean bo mosibiagan.

SURAT I PAULUS KON JAMAAT RUM 14:19 ပူးပေါင်းရင်းမြစ်များ

MAZMUR 133:1

Dondong i Daud mayá in Baḷoi Tuhan. Totuu mopia bo mosanang, aka umat i Allah mobiag mototabian!

MAZMUR 34:14

Dika mosingog kon inta mongoraat, bo dika moibog kon tompobaḻik.

MATIUS 5:9

Pia in kamang in intau inta moibog in dodamean; sin mosia tua in tangoion ki adí mita i Allah!

MARKUS 9:50

Simuton tua in mopiabí, táe aka moḷiaudon yo onu i motaau pogibung monimu bui kon tua? Dá tuamai kobaḻíbí in moiko ná simuton bo kobiagbí moyotakin, takin popiaan bo totabian.”

SURAT I PAULUS KON JAMAAT RUM 12:18

Moiko musti moramuji mobiag mopopiaan takin bayongan in intau.

SURAT I PAULUS KON JAMAAT RUM 15:2

Mustibí in kita moposanang doman in gina i utat naton, sin kopiaan doman monia, bá koyakinan monia in modugang doman moropot.

KORINTUS 1 10:23

Kain intau, “Kita in motaaubí mogaid kon onukadon in kino ibog naton.” Totuubí doman! Táe onu in aidan naton tua, diábí komintan baraguna. “Kita in motaaubí in mogaid kon onukadon in kinoibog naton” – táe onu in kinoibog naton tua, diábí komintan mokobiag kon i naton.

KORINTUS 1 10:33

Kobiagdon ná akuoi. Kon soaḷ yagi-yagi, ramujionku totok sinbá mokosanang kon bayongan intau. Bo tua in deemanbí tongá kopontinganku tontaní, táe kopontinganbí in bayongan intau sinbá mosaḷamat in mosia.

KORINTUS 1 14:26

Dá uḻe utat mita, onu in mangaḻe intua komintan? Aka moiko moyosipun sin mosumba kon i Tuhan, oyúon in modondong, oyúon in motundú, oyúon mopoyaput in habar nongkon i Allah, oyúon in mosingog kon bonu in bahasa inta mokoherang bo oyúon doman in moginsilang kon onu inta pinoguman in intau tatua. Táe tua komintan in mustibí aidan sin motundú kon ponompia kon i monia komintan.

KORINTUS 1 14:3

Táe aka intau inta mopoyaput in habar nongkon i Allah, yo tua in mopoyaputbí in habar kon intau; sin moginrigon kon pirisaya monia, mobogoi in ropot bo mohibur kon i monia.

KORINTUS 1 14:4

Intau inta momaké in bahasa inta mokoherang, tongábí moginrigon kon pirisayanea tontaní, táe intau inta mopoyaput in habar nongkon i Allah in motuḷungbí kon jamaat sinbá mobiag.

KORINTUS 1 14:5

Mopiabí doman in ginaku aka moiko in motaau moposingog in bahasa inta mokoherang. Táe mopia-piabí kon motaau mopoyaput in habar nongkon i Allah. Sin intaubí inta motaau mopoyaput in habar nongkon i Allah in moponti-ponting nongkon intau inta nonotaau kon bahasa inta mokoherang; koḻikudbí in aka kotaauannea in mangaḻe in bahasa tatua, sahingga in komangaḻean doman in jamaat intua bo modugang morigon in pirisaya monia.

KORINTUS 1 7:15

Tongá aka intau inta diá mopirisaya kon i Yesus monaḷámaidon kon i buḷoinea bobay andeka kon i buḷoinea ḷoḷaki inta ain nopirisaya kon i Yesus, yo donaaibí mako bo dikabí ampagan sin diábí nongonu. Sin ibogon i Allah in mobiagbí motobatú in moiko komintan.

KORINTUS 1 8:1

Yo tanaa in soaḷ kaanon inta inogoi saḷaku sosumba kon berhala. Oo, totuubí in kain intau, “Kita in komintan bidon nongopandoi.” Táe pandoi tatua in nokopobaḻídon kon intau mokaḷakuang, táe aka tabi, yo mokobiag kon intau.

KORINTUS 2 12:19

Motaaubí singogon nami kon noonggot bidon moiko in umuran nosangka mako kon i nami, kon kami tantú mobela kon oaid nami inta diá mopia kon tayowon monimu. Kon tayowon i Allah bo kinotaauanbí i Kristus. Kami moguman kon i monimu, kon bayongan naa, uḻe, utat mita inta kinotabiku, inaidan nami naa lantaranbí bá mobiag bo modugang in pirisaya monimu.

KORINTUS 2 13:11

Naa in tongginaku pangabisan kon i monimu utatku mita, mokoposanangdon kon gina bo poramujidon sinbá umuran mobiag mosompurna. Umuran kon gina-gina mako in tongginaku mita naa. Umuran motobatú kon gina bo kon raian bo umuran mototabian. Sin ki Allah inta nobaḻí dodoyonan totabi bo kobiagan inta mopia, umuran kotaki-takin monimu.

EPESUS 4:12

Mosia naa in inogoi i Allah sinbá umat i Allah tokotompiaan sinbá mosia in motaau mogaid kon oaidan i Tuhan bo moduḷu moposindog in awak i Kristus.

EPESUS 4:29

Aka mosingog in moiko yo dika mosingog kon inta moraat, singogdon in onu inta mokobaraguna moginropot kon pirisaya bo singog mita tonggina inta motaau potuḷung kon intau ibanea. Sin singog mita inta baraguna in mokopoangoi kon kopiaan kon i monia inta mokodongog.

TIMOTIUS 1 1:4

Poguman kon i monia kon donaaibí tongá umuran monarukiramai kon ouman mita inta diá totuu bo soaḷ ouman kinobaḻian inta diá in gogainea. Tua komintan in tongábí mokopomuká kon ropatoi inta diá in baragunanea bo deemanbí inta mokobiag motompia podudui in kasaḷamatan inta inogoi i Allah kon intau inta mopirisaya kon i-Nia.

TIMOTIUS 2 2:22

Tuamai in dika ná ibogpa in tayowmobiag mita, inta moibo-ibog in diá mopia, táe poramuji mobiag podudui kon inta kinoibog i Allah. Mokopotoindudui kon onu in sinundú i Tuhan, bo motabi kon tumpaḷa intau bo gina in umuran mosanang. Kobiagbí natua takin mosia inta umuran mokuani mokituḷung kon i Tuhan takin gina motuḻid.

IBRANI 12:14

Poramuji umuran mobiag motompia takin bayongan intau. Poramuji doman mobiag mokudus takin i Tuhan. Sin diábí in tobatúmai intau mokoontong kon i Tuhan aka diá mobiag natua.

PETRUS 1 3:11

Sia musti mokopoyayú kon inta moraat bo mogaid kon inta mopia; sia in musti totu-totuu moramuji sinbá mokouḻí kon dodamean.