SURAT I PAULUS KON JAMAAT RUM 14:14 - Alkitab Singog In Mongondow Masa In Tanaa

¹⁴ Popisí in akuoi bo notobatúdon i Tuhan Yesus, dá mopirisayabí totok in akuoi kon diábí in tobatúmai monajis. Soaḷ tatua najis podudui intau tobatú, aka tua inanggapnea najis.

SURAT I PAULUS KON JAMAAT RUM 14:14 ပူးပေါင်းရင်းမြစ်များ

MARKUS 7:2

Mosia in nokoontong kon tongonumai in murí i Yesus in nongaan táe diá muna nonomok, ná inta kon atorang in agama.

OUMAN IN RASUL MITA 10:28

Bo sia in noguman kon i monia, “Utat mita, kinotaauan bidon monimu kon ilarangbí in agama Yahudi in mamangoi mokipodungkuḷ andeka moyobayat in intau mita ibanea. Táe aindon pinoguman i Allah kon inakó kon diábí in motaau monganggap kon ibanea tua in najis andeka haram.

SURAT I PAULUS KON JAMAAT RUM 14:2

Oyúon in intau kopendirian kon sia in motaaubí mokaan kon bayongan in yagi-yagi. Táe intau inta diápa moyakin kon onu inta pinirisayanea tatua; kinotaauannea in tongábí kuyat in motaau kaanonnea.

SURAT I PAULUS KON JAMAAT RUM 14:20

Ḷukadaibí sinbá diá tongá soaḷ kokaanon, iko momoguyaat kon onu inta ain inaidan i Allah. Komintan kaanon diábí in pinoton, motaaubí modait kaanon, táe aka onu in kinaanmu tua mokopopisí kon intau ibanea baradosaan, dá iko in kotaḷá.

SURAT I PAULUS KON JAMAAT RUM 14:23

Táe intau inta moondo-ondok in mokaan kon onu inta motaau kaanon, tongá pangabisannea in nokaan doman kon kaanon tatua, yo potaḷáan i Allah in sia, sin tua inaidannea diá pinodoyon kon koyakinannea soaḷ onu in noitutui bo onu inta noitaḷá. Onuka in aidan takin diá podoyon kon koyakinan yo dosabí intua!

KORINTUS 1 10:25

Moiko in motaaubí in mokaan kon onukabí in pinotaḷui kon pasar in ponoyá. Kumudungbí in motaḷui, dikabí morai kon yagi-yagi umpaka oyúon in mokobogat mita kon bonu in ginamu.

KORINTUS 1 8:10

Nanaa i makusudku: Aka kuma moiko inta aindon nopirisaya totu-totuu bo indoianmai iḻimitúbí mako bo mongaan kon bonu in baḷoi pobobogoian kon sosumba kon berhala, bo inontong in intau mita inta diápa noguyang in pirisayanea. Dá tantú oaidmu tatua in mobogoi bidon in contoh kon intau ibanea sahingga in nobarani intau tatua nokaan kon kaanon inta inogoidon pinosumba kon berhala?

KORINTUS 1 8:7

Umpaka natua, táe diábí komintan intau in nonotaau kon soaḷ tatua. Sin umaaipa doman masa in tanaa oyúonpa in umuran mosumba kon berhala mita. Tuamai oyúonpa doman in raian kon kaanon inta ain pinosumba kon berhala in kaanonbí doman in berhala. Manangka intua aka kaanon monia in kaanon tatua yo porasaan monia in baradosaanbí in mosia; tua komintan popisíbí in diápa noguyang in pirisaya monia.

TIMOTIUS 1 4:4

Bayongan inta pinomia i Allah tua in mopiabí, bo diábí tobatúmai in motaau anggapon haram aka tua komintan tarimaan naton takin mopoyaput in sukur kon i Allah.

TITUS 1:15

Bayongan in yagi-yagi in nodaritbí aka kon intau mita inta nodarit in raian. Táe aka kon i monia inta raian mokotor bo inta diá mopirisaya kon i Tuhan, yo diábí in tobatúmai in modarit, sin raian bo gina monia in komintan domandon mokotor!