SURAT I PAULUS KON JAMAAT RUM 14:13 - Alkitab Singog In Mongondow Masa In Tanaa

¹³ Manangka intua donaaidon mosipotaḷáan in kita. Táe aidai in naa, poramuji sinbá moiko in diá mogaid kon onukadon inta mokopopisí kon i utatmu inta tumpaḷa Keresten in mogaid kon inta moitaḷá.

SURAT I PAULUS KON JAMAAT RUM 14:13 ပူးပေါင်းရင်းမြစ်များ

SAMUEL 2 12:14

Tongá popisí in ki Tuang ain nopoompámai kon i Tuhan pinongin oaid tatua, dá ki adí ḷoḷaki i Tuang inta bagupa pinononggadí tatua in matoibí.”

YESAYA 57:14

Oyúon in noguman, “Aidaidon bo sadiadon in daḷan kon umat-Ku, Posídon in bayongan in tuḷamboi.”

YEHEZKIEL 14:3

“Ei intau inta ilo-ilow, intau mita tanaa in noposarakandon in awaknea mita kon berhala nodapot in mosia in irumobudon kon dosa. Yo umpaka dá moibog in Akuoi poḻibóan monia?

IMAMAT 19:14

Dika mogodi-godimai kon intau bongoḷ bo dika mopoḷamboi in batu kon tayowon intau bilog. Moiko mustibí mohoromat bo motoguondok kon i-Nakó, sin Akuoi in ki Tuhan Allahmu.

MATIUS 16:23

Ki Yesus nobobui bo nosingog kon inia, “Bayádon iko, Ibilis! Sin iko in umuran moḷamboi kon i-Nakó, iko in deemanbí momikir kon onu inta pinikir i Allah, táe tongábí momikir kon inta popikiron in intau!”

MATIUS 18:7

Totuu kon mobodito in dunia naa popisí in totundú inta mokopopisí kon intau mita baradosaan. Memang oyúonbí in wakutu pogaidan kon mokobaradosa kon intau, táe moboditodon in intau inta mogaid kon tua!

MATIUS 7:1

“Donaai moiko mohakim, sinbá moiko in diá doman hakimon.

LUKAS 12:57

“Bo nongonu sin diábí kotaauan monimu in momiḻí tontaní kon inta mopia?

LUKAS 17:2

Intau natua in maníka bo popotogotan in gantung kon sigogownea, bo ḷadungon kon dagat dika in mobiag in sia bo tongá mokopopisí kon intau mita mointok tanaa mogaid kon dosa.

SURAT I PAULUS KON JAMAAT RUM 11:9

Ki Daud in noguman doman nanaa, “Pomayádon mako in rame monia tua mobaḻí naonda bo poyogaḷap kon i monia tontaní bo mobaḻí bubú inta koḷabúan monia bo morimumud!

SURAT I PAULUS KON JAMAAT RUM 14:10

Dá utatku mita! Onubí in mangaḻenea kita in mopotaḷá kon intau mita inta tumpaḷa mopirisaya kon i Kristus? Bo onubí in mangaḻenea ki utat in mopoompámai kon inia? Kita komintan in mayábí kon tayowon i Allah sin hakimon.

SURAT I PAULUS KON JAMAAT RUM 14:3

Intau inta mokaan kon onukadon donaaibí in mopoompámai kon intau inta tongá mokaan kon kaanon inta ain sinantúnea motaau kaanon. Ná doman tua, intau inta tongá mokaan kon onu inta ain sinantúnea motaau kaanon, donaaibí mopotaḷá kon intau inta mokaan kon bayongan yagi-yagi, sin ain sinarima i Allah in sia.

SURAT I PAULUS KON JAMAAT RUM 14:4

Ki inebí in iko utat, sahingga in musti mopotaḷá kon ata intau ibanea? Moibanting ande moisindog in ata tatua, tua in urusanbí i tuangnea. Bo totuubí kon ata tatua in moisindogbí motorindog, sin mokomampubí in ki Tuhan in moḷukad sahingga in sia tantú simindog motorindog.

SURAT I PAULUS KON JAMAAT RUM 16:17

Utatku mita! Indongogaipa in tongginaku tanaa: Mokopoingatdon kon intau mita inta moibog moropatoi kon jamaat bo inta mopotombauk in pirisaya intau kon i Tuhan. Sin soaḷ tatua in noyoposibí in inta ain sinundú kon i monimu. Dikadon moyobayat in intau mita natua!

KORINTUS 1 10:32

Kobiag mokopotompia bá diá tongá mokobaradosa kon bayongan in intau; pinomayá intau in Yahudi ande Yunani ande jamaat i Allah.

KORINTUS 1 11:13

Raika monimu: Umpaka yo mopia in bobay inta mosambayang kon i Allah kon tayowon intau mobayong bo diá mogi koḷob in uḷu?

KORINTUS 2 5:14

Tabibí i Kristus in nongawasa kon i nami, bo kinomangaḻean bidon nami kon aka tobatú intau inta ain minatoi sin motobut kon taḷá in bayongan intau, yo tua in mangaḻenea komintan intau ain bidon minatoi.

KORINTUS 2 6:3

Doíbí in kami aka oaidan nami bo potaḷáan. Manangka intua kami in tantúbí moramuji kon diá mobogoi in alasan kon tobatúmai intau in mogaid kon soaḷ tatua.

PILIPI 1:10

Sahingga in kotaauandon monimu in momiḻí kon onu inta totok in mopia, bo kobobiagmu in diádon singkuḻeon ande poponapudan in onuka kon singgai ki Kristus moiangoidon bui.

TIMOTIUS 1 5:14

Tuamai ibogonku, intau boba-bobay inta nomudapa buidon mokipobuḷoi, sinbá buidon mokouḻí kon adí kon tonibuḷoinea, bo tongádon in sia monompia kon i adínea inta kon bonu in tonibuḷoinea tatua, sinbá intau mita inta mosaturu kon inaton in diádon moporomu-romúmai kon tangoi naton.

YAKOBUS 2:4

Aka natua in aidan monimu, yo moiko in nopoyoposidon kon tumpaḷa intau bo monilai kon intau podudui in raian inta moraat.

YAKOBUS 4:11

Utatku mita, donaai in moiko mosiponapudan ande mosipotaḷáan. Intau inta moponapud ande mopotaḷá kon i utatnea inta tumpaḷa Keresten, yo intau tatua in moningkuḻe bo mopotaḷá in hukum i Allah. Bo aka moiko in mopotaḷá kon hukum i Allah, mangaḻenea kon tua moiko in diá dinumudui kon hukum mita tatua, táe moiko in mobaḻídon hakimnea.

YOHANES 1 2:10

Intau inta motabi kon i utatnea, nobiag kon nobayag sahingga in diábí tobatúmai in kon inia in mokopopisí kon intau ibanea mogaid kon dosa.

WAHYU 2:14

Tongá oyúon doman in diá kinosanang-Ku kon i monimu: Sin oyúon in tongonumai intau kon sigad monimu in dinumudui kon onu inta sinundú i Bileam. Ki Bileamdon naa inta notundú kon i Balak kon naonda in mopoḷabú kon intau Israel kon bonu in dosa; mosia in nodondouḷug kon intau Israel nokaan kon kaanon inta ain pinosumba kon berhala bo nogaid doman kon soaḷ mita inta mokotor.