SURAT I PAULUS KON JAMAAT RUM 14:1 - Alkitab Singog In Mongondow Masa In Tanaa

¹ Intau inta diá moyakin kon onu inta pinirisayanea in mustibí tarimaanmu kon sigad in intau mita inta mopirisaya. Dikabí mobobayowannea soaḷ pendiriannea tatua.

SURAT I PAULUS KON JAMAAT RUM 14:1 ပူးပေါင်းရင်းမြစ်များ

AYUB 4:3

Nobayong in intau inta ain inogoianmu in totundú, bo mosia inta moyangkó iniropotanmudon.

YESAYA 40:11

Naonda bo gombala Sia in noḷukad kon paanan-Nea; Sia tontaní in mosipun kon i monia. Ki adí mita in domba koyotan-Nea, takin moḷukó in tosingogon Sia in modia kon i indenea mita.

YESAYA 42:3

Aog inta noikoḷungdon diábí putoḷannea, togá inta nokuyoyowdon diábí piongannea. Takin satia in sia in moponiata kon inta totuu,

YEHEZKIEL 34:16

Inta nobuḻi tayakon-Ku, inta noiḷaḻe diaan-Ku mobui, inta kinekeban bakuton-Ku in kekebnea inta notakit in undaman-Ku; táe inta noḷongó bo inta mosehat in yopúon-Ku, sin Akuoi in gombala inta mogaid kon onu inta mopia.

YEHEZKIEL 34:4

Domba mita inta noḻemé diábí ḷukadan monimu, inta notakit in diábí undaman monimu, inta kinekeban diábí binakut monimu, inta noiḷaḻe bo nobuḻi in diábí tayakon monimu bo diaan mangoi bui. Nodapotbí in bayongan in dombamu tatua in pomiaanbí monimu ibo-ibog.

ZAKHARIA 11:16

Sin Akuoi in mopotabábí in gombala tobatú sin moḷukad kon paanan in domba-Ku, táe diábí pandungonneamai in domba inta nobuḻi; diábí tayakonnea in domba inta noiḷangkam, diábí doman mongundam kon domba inta kinekeban, bo diá mopokaan in domba inta nobiagpa. Nodapotbí in siadon tontaní in nokaan kon tapú in domba inta totok in noḷomumu bo norabut kon konuku mita in mahaḷuk tatua.

MATIUS 12:20

Aog inta nokoḷung diábí pongkóon-Nea, bo sumbu inta nokuyoyowdon dokotnea in diábí piongan-Nea. Modapot in atorang mita tatua aidan-Nea;

MATIUS 14:31

Dá siningkap i Yesus in ḻima-Nea, bo poḷat noguman kon i Petrus nanaa, “Ei intau inta diá totok mopirisaya. Nongonu sin moḻia-ḻiawbí in ginamu?”

MATIUS 18:10

“Pokotorop! Dika mopandang enteng kon mongoadí mita tanaa. Bá poguman-Ku kon i monimu, oyúon in malaekat monia kon soroga inta umuran moindoi kon pogot i Amá-Ku inta kon soroga. [

MARKUS 7:19

Sin inta kinaan tua in diábí nongin gina, táe nongin sianbí bodongka bui moiḷuai.” Singog mita i Yesus tatua noponiatabí kon bayongan kokaanon in motaaubí kaanon.

LUKAS 17:2

Intau natua in maníka bo popotogotan in gantung kon sigogownea, bo ḷadungon kon dagat dika in mobiag in sia bo tongá mokopopisí kon intau mita mointok tanaa mogaid kon dosa.

YOHANES 13:20

Naa in poguman-Ku kon i monimu: Ki ine in motarima kon intau inta pinotabá-Ku, yo sia in notarima kon i-Nakó. Bo ki ine in motarima kon i-Nakó, yo Sia tua in notarimadon kon i-Nia inta nopotabá kon i-Nakó.”

OUMAN IN RASUL MITA 28:2

Intau mita kon tua totok mongopia kon inami. Mosia in nonontuḷú kinoborambang bodongka inoiní monia in kami nonayang kon tua sin momangkoidon monguyan bo motumpingdon.

SURAT I PAULUS KON JAMAAT RUM 11:15

Sin mosia ain sinolak i Allah, dá hubungan in intau kon dunia naa takin i Allah in motompiadon bui; apadoman aka mosia in tarimaan i Allah! Tantú tua in notongkaibí in naonda bo intau minatoi inta nobiagdon bui!

SURAT I PAULUS KON JAMAAT RUM 14:2

Oyúon in intau kopendirian kon sia in motaaubí mokaan kon bayongan in yagi-yagi. Táe intau inta diápa moyakin kon onu inta pinirisayanea tatua; kinotaauannea in tongábí kuyat in motaau kaanonnea.

SURAT I PAULUS KON JAMAAT RUM 14:21

Maníka dikadon mokaan kon ponoyá ande monginum kon anggur, ande mogaid kon onukabí inta mokopopisí kon i utatmu tumpaḷa Keresten tua, mogaid kon mokobaradosa.

SURAT I PAULUS KON JAMAAT RUM 14:3

Intau inta mokaan kon onukadon donaaibí in mopoompámai kon intau inta tongá mokaan kon kaanon inta ain sinantúnea motaau kaanon. Ná doman tua, intau inta tongá mokaan kon onu inta ain sinantúnea motaau kaanon, donaaibí mopotaḷá kon intau inta mokaan kon bayongan yagi-yagi, sin ain sinarima i Allah in sia.

SURAT I PAULUS KON JAMAAT RUM 15:1

Kita inta ain totu-totuu moyakin kon onu inta pinirisaya naton, mustibí mosabar in mokodongog kon onu inta kinodoí in intau inta diápa totok in moyakin. Donaaibí in kita tongá moposanang in gina naton tontaní.

SURAT I PAULUS KON JAMAAT RUM 15:7

Manangka intua poigumonku kon i Utat mita, moiko in musti umuran mositarimaan takin sanang in gina, notongkai ná pinototarima i Kristus kon i naton sin mopomulia kon i Allah.

SURAT I PAULUS KON JAMAAT RUM 4:19

Kinotaauan bidon i Abraham tungkuḷ intua, kon diá bidon kumaan kon akaḷ aka sia bo mokouḻípa kon buí, sin nogoguyangdon in sia, bo umurnea in modiugdon mogatut notaong; natua doman in ki Sara, ki buḷoinea tua, in bantó, tongá umuran moḷoben in pirisaya i Abraham.

KORINTUS 1 9:22

Aka kon yuak in intau mita inta diápa noguyang in pirisaya, yo akuoi in ná bí doman onda bo mosia, sinbá moidudui kon inakó in mosia bo mobaḻí komintan dumodudui i Kristus. Simpodon mako kon singog, norupa-rupamaidon in akaḷ inaidanku kon yuak in bayongan intau sinbá oyúon in mopirisaya kon i Kristus bo posaḷamaton.

PILIPI 2:29

Dá tarimadon in sia takin pia in gina saḷaku utat inta tumpaḷa mopirisaya kon i Tuhan, donaaibí diá pandungonmai intau inta ná sia tua.

TESALONIKA 1 5:14

Utatku mita naa doman dugang in tonggina nami kon i monimu; toboḷow pia-pia mako in mosia inta doí mogaid bo tantú irigonai in gina in intau mita inta mongoondok, bo dika koḻiongan in motuḷung kon intau mita bogá bo mokoposabar in tumayow kon intau inta noyagi-yagimai in oaid.

IBRANI 5:14

Aka kaanon notogat, tua in ogoi kon intau inta noguyangdon in raiannea bo inta nobayongdon in kinoyitakannea bo inta kinorasaannea, sahingga motaaudon in sia mopoyoposi kon onu inta mopia bo onu inta moraat.

YOHANES 2 1:10

Sin tuamai aka oyúon in intau mamangoi kon i monimu bo mopotaau in totundú inta diá sinundú i Kristus, yo dika ogoi in sia tumuot kon bonu in baḷoimu bo donaai doman mobogoi in salam kon inia.