SURAT I PAULUS KON JAMAAT RUM 12:20 - Alkitab Singog In Mongondow Masa In Tanaa

²⁰ Nanaa in aidai, aka gogoyon in saturumu yo ogoiai in sia in kaanon, aka moyogang in sia, yo ogoiai inumon. Sin aka tua in aidanmu, yo aidmu tatua in mokopooyábímai kon inia.

SURAT I PAULUS KON JAMAAT RUM 12:20 ပူးပေါင်းရင်းမြစ်များ

KINOBAḺIAN 42:25

Ki Yusup nomarentadon sinbá karong mita inta dinia i guya-guyangnea mita tatua bonuandon in gandum, bo doit monia tua in popobonudon bui kon karong monia kon batúannea. Bo mosia in ogoian doman in kaanon mobaḻí toibaḷun monia kon daḷan. Parenta i Yusup mita tatua inaidandon monia.

DATU MITA 2 6:22

“Dika,” tubag i Elisa. “Sin umpaka tontara inta dinakop i Tuang Datu kon parang in diábí doman iḻimod i Tuang datu, apa doman tanaa. Ogoiaidon in kaanon bo inumon in mosia, bo pomayádon mako in mosia mobui kon i datu monia.”

MAZMUR 120:4

Kodia-dia in piot moruit in pojuang tobatú, takin doman in baga inta kodoko-dokot!

MAZMUR 140:10

Dikabí pomayá mako in musungku mountung; biódon mako in tosingogon mita moraat inta siningog monia moiuma kon i monia inta noponapud in uboḷ kon inakó.

MATIUS 5:44

Táe tanaa Akuoi in moguman kon inimu: kotabibí in saturumu bo sambayangaidon in mosia inta nomogutú kon inimu,

LUKAS 6:27

“Tanaa mako Akuoi in mobogoi in koyow kon i monimu inta moibog mokidongog kon i-Nakó: kotabibí in saturumu, bo pogaidbí kon inta mopia kon intau inta moyaat in gina kon inimu.

SURAT I PAULUS KON JAMAAT RUM 12:21

Dika moibog taḷowon in moraat, táe ḷawangbí in moraat tua takin aid inta mopia.

SAMUEL 1 26:21

Bo ki Saul in notubag, “Akuoi ain nogaid kon noitaḷá. Pobuidon Daud, Adíku! Akuoi in diá bidon bui mogaid kon inta moraat kon inimu sin inogoimudon in akuoi nobiagpa in kogobíi. Dodiaku tua in nopompuḷongdon totok. Akuoi in totu-totuudon kon ain notoboḻingo!”