SURAT I PAULUS KON JAMAAT RUM 11:32 - Alkitab Singog In Mongondow Masa In Tanaa

³² Sin ki Allah in nopomayádon mako kon bayongan intau kinawasadon in aid mita inta diá motoindudui, sinbá Sia in motaau mopoontong in tabi-Nea kon i monia komintan.

SURAT I PAULUS KON JAMAAT RUM 11:32 ပူးပေါင်းရင်းမြစ်များ

YOHANES 1:7

Sia in namangoi nopotaau kon soaḷ bayag tatua, sinbá mopirisayadon in bayongan intau.

YOHANES 12:32

Táe Akuoi naa, aka Akuoi aindon poḷantudon kon dunia naa, yo daiton-Kudon diaan in intau inta mamangoi kon i-Nakó.”

SURAT I PAULUS KON JAMAAT RUM 11:31

Natuabí doman in intau mita in Yahudi tatua. Tanaa mako mosia in diá motoindudui kon i Allah, sinbá moiko in pinoponiataan kon noipilatdon nongkon taḷá. Táe bain mosia doman in poniataan doman kon nobebasdon nongkon taḷá.

SURAT I PAULUS KON JAMAAT RUM 3:22

kon ki Allah in noibogbí noyopia bui takin intau, táe tua in nointotoibí kon pirisaya kon i Yesus Kristus. Tua inaidan i Allah kon bayongan intau inta mopirisaya kon i Kristus, sin Sia in diábí mopoyoposi kon intan:

SURAT I PAULUS KON JAMAAT RUM 3:9

Dá aka natua, yo degá kita naa in noiḻiu kon intau mita inta deeman Yahudi tua? Diábí in kita noiḻiu! Aindon pinogumanku muna, kon intau in Yahudi andeka bangusa ibanea, komintan bidon kinawasa in dosa.

SURAT I PAULUS KON JAMAAT RUM 5:19

Dá notongkai doman in naa, bayongan intau in nobaḻí binaradosa popisí in intau tobatú inta diá motoindudui. Ná doman tua in mobayong intau inogoian in kasampatan moyodame bui takin i Allah popisí in intau tobatú inta motoindudui kon i Allah.

GALATIA 3:22

Tongá kon bonu in Buk Motusi pinaisdon kon bayongan intau kinawasadon in aid diá mopia. Tuamai totabi inta pinodandi bo inta pinodoyon kon pirisaya kon i Yesus Kristus inogoi kon i monia inta mopirisaya.

GALATIA 3:23

Wakutu in kita diápa mopirisaya kon i Kristus kita in umuranpabí nokadai kon hukum i Musa; kita naonda bo kinurung modapot in pirisaya naton tatua pinoniata.