SURAT I PAULUS KON JAMAAT RUM 11:29 - Alkitab Singog In Mongondow Masa In Tanaa

²⁹ Sin aka ki Allah momiḻí kon intau bo mobogoi in barakat kon intau tatua, yo diábí kon dodai in onda in Sia mogamá bui kon onu inta ain pinomia-Nea.

SURAT I PAULUS KON JAMAAT RUM 11:29 ပူးပေါင်းရင်းမြစ်များ

HOSEA 13:14

Bangusa tanaa in diábí posaḷamat-Ku nongkon kawasa in dunia in intau minatoi. Ei popatoi, ponimboidon in yampoimu! Aidaidon in oaidanmu inta mokorimumud tua! Akuoi in diá bidon motabi bui kon bangusa tanaa.

MALEAKHI 3:6

“Akuoibí in ki Tuhan, bo Akuoi in diábí mobaḷui. Tuamai in moiko buí i Yakub, diá iyopú.

PINOGIAPAN 23:19

Ki Allah deemanbí ná intau inta moḷongkang angoian in momanasaḷ bo moibog monguboḷ. Aka ki Allah in modandi, yo notantúbí kon aidan-Nea! Aka Sia in mosingog, yo totuubí kon mobaḻí!

SURAT I PAULUS KON JAMAAT RUM 11:30

Koḻipod in moiko diá motoindudui kon i Allah. Táe tanaa in pinoniatadon i Allah kon moiko in pinilatandon nongkon taḷá monimu, sin popisí in intau Yahudi diá motoindudui.

SURAT I PAULUS KON JAMAAT RUM 8:28

Kinotaauanbí naton kon ki Allahbí in nonoinut kon bayongan yagi-yagi, sahingga in mokopoangoi kon onu inta mopia kon intau mita inta motabi kon i-Nia bo inta inoiní-Nea podudui in tomayá-Nea.

SURAT I PAULUS KON JAMAAT RUM 8:30

Natuadon in pinogogoiní i Allah kon i monia inta aindon sinantú-Nea muna. Mosia inta inoiní-Nea tua, inogoi-Nea mopopiaan bui takin-Nea. Mosia inta sinarima-Nea mopopiaan bui takin i Allah, nogamá kon silai kon bonu in kobiagan i Allah tontaní.

KORINTUS 1 1:26

Utat! Toropka bui monimu naonda in kaadaan monimu wakutu inoiní i Allah. Tongábí topiḻik in intau kon sigad monimu in mopandoi, ande oyúon in kawasa, ande koḷoḻitúan moḷantud kon sigad in intau moantó.

EPESUS 1:18

Poigumonku doman kon i Allah, sinbá bukáan-Nea in raian monimu sahingga in mobayagdon bo komangaḻeandon monimu in onu inta motaau harapon monimu nongkon i Allah inta nogoiní kon i monimu. Bo bá kotaauandon doman monimu kon mobayongbí totok in barakat mopia inta sinadia i Allah kon umat-Nea;

EPESUS 4:1

Manangka intua akuoi – saḷaku intau inta pinonjara sin nogaid kon oaidan i Tuhan – mopoigum totok kon i monimu: sinbá moiko, intau inta inoinídon in kobiag domandon ná inta kaadaanmu saḷaku intau inta inoiní i Allah.

EPESUS 4:4

Tongábí tobatú in awak bo tobatú in Roho. Dá natua doman in moiko inoiní sin moharap kon tobatú inta notongkai tua.

PILIPI 3:14

Tuamai umuran in akuoi moribatuk mogaḷow mopobayá in tujuan pangabisan sinbá mouḻíku in tombuinag, tuata in kobiagan kon soroga; sin tuabí in mangaḻe pinogoinían i Allah kon i naton inta pinongin i Kristus Yesus.

TESALONIKA 2 1:11

Tuamai in tantú sambayangan nami in moiko. Umuran poigumon nami sinbá baḻíon i Allah umat-Nea in moiko, umat inta patus mobiag podudui in koibog-Nea; tuabí in mangaḻe in pinogoinían-Nea kon i monimu. Igumon mako tua ki Allah takin kawasa-Nea in mogintompod kon ibog monimu mogaid kon inta mopia, mogintompod doman kon bayongan oaidan inta inaidan monimu pinodoyon kon pirisaya kon i Kristus.

TIMOTIUS 2 1:9

Ki Allah in noposaḷamat bo nogoiní kon i naton bá mobaḻí umat inta kinotabi-Nea. Tua in inaidan-Nea, deemanbí pinodoyon kon oaid naton mopia, táe pinodoyon-Neabí kon makusud-Nea tontaní bo totabi-Nea inta pinongin i Kristus Yesus kon wakutupa in dunia naa diápa pinomia.

IBRANI 3:1

Utat mita tumpaḷa Keresten inta ain inoiní i Allah! Raika monimu koako-ako in soaḷ ki Yesus naa! Sia ain pinotabá mangoi i Allah sinbá mobaḻí Imang Moḷoben kon agama inta dinuduian naton.

IBRANI 7:21

Táe ki Yesus in nobaḻí Imang pinakéanbí in ibot, nanaa in singog i Allah kon i-Nia, “Ki Tuhan in nongibotdon bo diábí baḷuian-Nea onu inta ain siningog-Nea: ‘Iko nion in Imang inta mononoi.’ ”

PETRUS 2 1:10

Tuamai utatku mita, poramuji totok, sinbá moiko inta ain inoiní bo piniḻí i Allah in morotondon totok in pirisayamu. Aka aidan monimu intua komintan, yo diá bidon mobaḷui in pirisayamu.