SURAT I PAULUS KON JAMAAT RUM 11:24 - Alkitab Singog In Mongondow Masa In Tanaa

²⁴ Iko inta deeman nongkon bangusa Yahudi in naonda bo tanga nongkon pangkoi in zaitun ḷoḷog. Dá aka iko inta noyoposi in sipatmu bo notaau pinopokompit kon pangkoi in zaitun taakan, dá apadoman intau mita in Yahudi inta pinoumpama tanga mita in pangkoi in zaitun inta taakan tatua. Tantú mogampa-gampangbí i Allah in mopoyobui kon i monia kon pangkoinea tontaní.

SURAT I PAULUS KON JAMAAT RUM 11:24 ပူးပေါင်းရင်းမြစ်များ

SURAT I PAULUS KON JAMAAT RUM 11:23

Bo soaḷ mita intau in Yahudi tatua, aka mosia bo mopirisayadon bui, dá tarimaan bidon bui, sin kawasabí i Allah in motarima bui kon i monia.

SURAT I PAULUS KON JAMAAT RUM 11:25

Utat mita! Haraponku mako moiko in diá monganggap kon ain nonotaau kon bayongan in yagi-yagi. Sin oyúon in soaḷ inta kinoibog i Allah, táe diápa kinotaauan in intau. Bo ibogonku in kotaauan monimu intua; nanaa: tongobotak intau in Yahudi mokopotogat kon gina, táe cara monia tua in tongábí modapot in motompodon in kobayong in intau inta deeman Yahudi in mamangoi kon i Allah.

SURAT I PAULUS KON JAMAAT RUM 11:30

Koḻipod in moiko diá motoindudui kon i Allah. Táe tanaa in pinoniatadon i Allah kon moiko in pinilatandon nongkon taḷá monimu, sin popisí in intau Yahudi diá motoindudui.