SURAT I PAULUS KON JAMAAT RUM 10:14 - Alkitab Singog In Mongondow Masa In Tanaa

¹⁴ Táe naondabí in intau mokuani kon i Tuhan aka mosia bo diápa mopirisaya kon i-Nia? Naondabí in popopirisaya monia aka diápa dinongog monia in soaḷ Sia tua? Naondabí in mosia mokodongog kon soaḷ Sia aka diápa doman intau in nopotaau?

SURAT I PAULUS KON JAMAAT RUM 10:14 ပူးပေါင်းရင်းမြစ်များ

YUNUS 1:16

Intau mita in kapaḷ tatua nobaḻídon noondok totok kon i Tuhan, bo naonda in sinumubu, mosia in noposumba in kuruban bo nopodandi in noyagi-yagimai kon i Tuhan.

MATIUS 20:7

Mosia in notubag kon inia, ‘Kakaa diá onda intau mogoiní kon inami mogaid.’ Dá sia in noguman doman kon i monia, ‘bayádon moiko pogaid kon gobá in anggurku.’

YOHANES 20:31

Táe onu inta pinais kon buk tanaa, makusudnea kon bá mopirisaya in moiko kon ki Yesusbí tua in Datu Mopoposaḷamat, bo ki Adí i Allah, bo popisí in pirisayamu tatua dá mokouḻí i moiko kon kobiagan.

YOHANES 9:36

Intau tatua in notubag: “Ki ine in Sia tua, Tuang? Tuḷungaipa poguman kon inakó sinbá mopirisaya in akuoi kon i-Nia.”

OUMAN IN RASUL MITA 19:2

Ki Paulus in noḻibó kon i monia, “Notarimadon degá in moiko kon Roho i Allah kon wakutu in moiko nopirisaya kon i Yesus?” Mosia in notubag, “Diápa. Ka diápabí kon dodai onda in dinongog nami kon oyúonbí in Roho i Allah.”

OUMAN IN RASUL MITA 8:31

Dá intau tatua in notubag, “Naondabí in komomangaḻeku aka diá in intau mopomangaḻe kon i nakó?” Dá sinongganutannea in ki Pilipus sinumakoi kon keretanea tatua.

SURAT I PAULUS KON JAMAAT RUM 1:5

Bo pinongin i-Nia doman tua ki Allah in nobogoi in totabi kon i-Nakó nobaḻí rasul, sin mopotutui in daḷan kon bayongan intau sinbá mopirisaya bo motoindudui kon i-Nia.

EPESUS 2:17

Manangka intua ki Kristus in namangoi bo nopotaau in Habar Mopia soaḷ dodamean tatua kon i monimu; pinomayá moiko intau inta deeman Yahudi inta koḻipod noyayú kon i Allah, ande intau mita in Yahudi inta nodiug kon i Allah.

EPESUS 4:21

Kinodongogan bidon monimu in soaḷ Sia! Bo saḷaku dumodudui-Nea mita, sinundú domandon kon i monimu in sipat mita i Allah inta oyúon kon i-Nia!

ULANGAN 30:13

Tampatnea in deemanbí doman kon ḷoḷan in dagat, dá moiko in moḻibó, ‘Ki ine in mayá ḷumoḷan kon dagat sin mogamá kon tua bo pakéon naton, sinbá kodongogan naton bo motaaudon duduian?’

TIMOTIUS 2 4:17

Táe akuoi in umuranbí iḷukadan i Tuhan; bo inogoian-Neadon in ropot in akuoi sahingga in nokosanggupdon nopoyaput in Habar Mopia tatua, sinbá kodongogan domandon in bayongan intau inta deeman Yahudi, sahingga in akuoi noipilatdon nongkon onu inta mokobodito kon inakó.

TITUS 1:3

Sin kon wakutu inta ain sinantú-Nea, pinoniata-Neadon in dandi-Nea tatua kon bonu in koyow-Nea. Koyow-Nea tatua inta pinoki aid-Nea kon inakó, bo tuata in pinotaa-taauku mako podudui in parenta i Allah inta mopoposaḷamat naton.

IBRANI 11:6

Aka diá in pirisaya, dá diábí in tobatúmai intau motaau moposanang kon gina i Allah. Sin ki ine in mamangoi kon i Allah mustibí mopirisaya kon ki Allah tua in oyúonbí. Bo intau inta totu-totuu motayak kon i-Nia in ogoian-Neabí in onu inta sinayaknea tatua.”

YAKOBUS 5:15

Aka sambayang monia pinoyaput takin noyakin, yo undamanbí i Tuhan in intau inta notakit tatua, bo ampungan-Nea doman in dosa mita inta ain inaidannea.