SURAT I PAULUS KON JAMAAT RUM 1:30 - Alkitab Singog In Mongondow Masa In Tanaa

³⁰ mosia in moibog doman moporaa-raatmai kon tangoi intau ibanea; mokaḷakuang bo diá koendar, mosakí doman gina monia kon i Allah bo moibog doman totok mongonguman kon inta diá totuu. Mosia in mopandoi doman motayak kon cara mita mobagu kon pogaid kon inta moraat. Mosia moibog moḷawang kon guyanga;

SURAT I PAULUS KON JAMAAT RUM 1:30 ပူးပေါင်းရင်းမြစ်များ

DATU MITA IMITÁNEA 20:11

Ki Datu Ahab in notubag, “Pogumandon kon i Datu Benhadad: Tontara inta totu-totuu tontara, bainbí mopaḷut mako moparang bo mopia in ginanea, deemanbí kon tungkuḷ in diápa moparang.”

TAWARIKH 2 19:2

nabi tobatú inta ki Yehu in tangoinea ki adí i Hanani namangoi kon tayowon i datu. Nabi tatua noguman kon inia, “Degá patus in ki Tuang datu motuḷung kon intau moraat bo momihak kon intau inta mondoí kon i Tuhan? Oaid i Tuang tatua in nokopopisídon ki Tuhan sinumorú kon i Tuang.

TAWARIKH 2 25:19

Iko, Amazia, mongambungangaḷ kon iko in nonaḷowdon kon intau in Edom, táe maníka iko in mogutundon kon baḷoi. Onubí in mangaḻenea in motayak kon anib inta mokobodito kon inimu tontaní bo rayatmu?”

MAZMUR 10:3

Intau moraat mongambungangaḷ kon onu in koibognea inta moraat, intau motamaa mongutuk bo mondoí kon i Tuhan.

MAZMUR 106:39

Popisí in aid mita monia tatua dá mosia in nonajisdon, bo diá notoḷutui kon i Allah.

MAZMUR 49:6

Akuoi in diábí moondok kon tungkuḷ in singgai diá mopia, tungkuḷ in akuoi kinopung in musung inta moraat.

MAZMUR 5:5

Iko in Allah inta doí kon inta aid moraat; inta moraat in diábí motaau in mamangoi kon ini-Mu.

MAZMUR 52:1

Kon i itoi in mododondong. Dondong topotundú i Daud,

MAZMUR 81:15

dá ḷagi-Kudon pokuyungon in musung monia, bo monaḷow kon bayongan in ḷawang monia.

MAZMUR 94:4

Mosia in mopoyaput in tosingogon mita inta diá mopia, bo mopoḷoḷatú in aid monia moraat.

MAZMUR 97:7

Bayongan in intau inta mosumba kon berhala in pokopooyáanbímai, inta nopoyunggaga kon pakakat mita inta diá in mangaḻenea; bayongan in dewa in dumokóbí kon tayowon i Tuhan.

MAZMUR 99:8

O Tuhan Allah nami, Iko in notubag kon umat-Mu; aka kon i monia yo Iko in ki Allah inta moibog mongampung, umpaka mosia ihukum-Mu popisí in taḷá monia.

AMSAL 24:8

Intau inta tantú monomayá kon inta moraat, tangoionbí mopoporopatoi.

AMSAL 25:23

Tompot in utuan notantúbí kon mopoangoi in uyan; natua doman in rorebegan notantúbí kon mokopomuká kon rogenggeng.

AMSAL 30:17

Intau inta moningkuḻe kon i amánea andeka kon i inánea inta ain nogoguyang, patusbí pogambat kon ḷuai sinbá matanea padokon in ḷagapan kawag bo awaknea in kaanon in ḷagapan boniá.

AMSAL 8:36

Ki ine in diá mokouḻí kon inakó, moporugimai kon inia tontaní; intau inta doí kon inakó, moibog in popatoi.”

MOHOHUTUBA 7:29

Tongábí naa in nouḻíku: Pinomia i Allah in kita diá noiḻiu bo biasabímai. Táe kitabí tontaní in mopororigamai bo mopoyagi-yagimai.

YEHEZKIEL 14:5

Komintan berhala tatua in nokopopisídon kon umat-Ku iyumayú kon i-Nakó, táe igumon mako pongin tubag-Ku tatua umat-Ku in mobuidon mangoi kon i-Nakó.’

YEHEZKIEL 22:7

Diábí tobatúmai in intau inta nogutun kon inimu in mohoromat kon guyanganea. Iko in monompobaḻik kon intau ango-angoi bo motayak kon kauntungan nongkon roriga in boba-bobay bo uno-unon.

PINOGIAPAN 10:35

Pomuḷoi in Poti Dodandian tatua diaan, ki Musa moguman, “Sindogdon, o Tuhan, poyayitdon in musung-Mu dapot in intau mita inta doí kon inimu moḷagui.”

MATIUS 15:4

Ki Allah aindon noguman, ‘Horomatdon in ki amá bo ki inámu,’ bo ‘Ki ine in mogodi-godimai kon i amánea bo kon i inánea yo musti hukumon matoi.’

MATIUS 16:21

Pinangkoidon kon tungkuḷ intua, ki Yesus nopotaau kon murí-Nea mita, kon Sia in musti mayá in Yerusalem bo motarima kon mobayong in roriga inta popoaid in guhanga mita in ḻipú, imang mita itoi bo mototundú mita kon agama. Bain tua bodongka ḻimodon monia, táe kon singgai intoḷunea mobiag bui in Sia.

LUKAS 21:16

Moiko in posarakan in guyangamu, i utatmu, in yobayatmu mita bo in bayongandon ginaḷummu. Bo ibanea in tokoḻimodon.

YOHANES 7:7

Moiko in diábí kodoí in dunia naa. Táe Akuoi in memang kodoíbí in dunia naa, sin Akuoi in umuran moguman kon dunia kon oaidnea in moraat.

OUMAN IN RASUL MITA 5:36

Sin koḻipod in nokoimontan domandon in noiangoi in intau inta tangoinea in ki Teudas. Sia in nongaku kon intaubí moḷoben in sia sahingga degá opatmai nogatut in intau in dinumudui kon inia. Táe sia in iḻimod bo nodait noirangkap in dumoduduinea mita.

SURAT I PAULUS KON JAMAAT RUM 2:17

Táe tanaa naonda in moiko uḻe utat? Moiko in mongaku intau Yahudi. Moiko in kinumadai kon hukum agama Yahudi bo mopia totok in gina monimu kon hubungan monimu takin i Allah.

SURAT I PAULUS KON JAMAAT RUM 2:23

Moiko in dumodia sin oyúon in hukum i Musa kon i monimu, táe nongonu sin moiko in moningkuḻebí kon i Allah takin oaid doí dumudui kon hukum-Nea mita.

SURAT I PAULUS KON JAMAAT RUM 3:27

Manangka intua diábí in dodoyonan naton dumodia. Nongonu sin natuabí? Popisí degá kita in dinumuduidon kon onu inta pinais kon hukum agama in Yahudi? Deemanbí! Táe popisíbí in kita mopirisaya.

KORINTUS 2 10:15

Kami in diábí dumuí tontaní sin oaidan in intau ibanea inta ain noiḻimpat kon sigad inta ain sinantú i Allah kon i nami. Táe kami in tantú mogaid kon bonu in sigad inta ain sinantú i Allah kon i nami, bo kami tantú moharap mako kon bá umuran modugang in pirisaya monimu kon i Kristus. Sinbá kami in motaau mogaid kon oaidan inta moiḻiu kon oaidan mita tatua kon sigad monimu.

KORINTUS 2 12:20

Sin moḻia-ḻiaw in ginaku, dikabo naonda in akuoi mamangoi, koangoiankumai moiko diádon ná inta iharapku mako, ná doman tua in akuoi, koangoianmai monimu, diádon ná inta iharap mako monimu. Sin dikabo mobobayowanmai in moiko, mosiintoian, dumodia, tongá moibog morai kon kopontingan tontaní bo mopotombauk.

ULANGAN 27:16

‘Kinutuk in intau inta diá mohoromat kon guyanganea bo mopomayá mako kon i monia.’ ‘Amin!’

ULANGAN 7:10

Táe diábí in ondo-ondok-Nea mako in mohukum kon i monia inta mondoí kon i-Nia.

TESALONIKA 2 2:4

Takin kaḷakuang sia in moḷawang bo dumodia kon bayongan inta sinumba in intau, ande bayongan ilah inta inanggap in intau ki Allah. Modapot in sia ḻimitú kon bonu in Baḷoi i Allah bo mongaku kon sia tua kain in ki Allah.

TIMOTIUS 2 3:2

Intau mita in dongkadon umuran momikir kon kopontingan monia tontaní. Kon gina monia in dongka bidon tantú doit, mosia in moambungangaḷ bo moibog monguboḷ, moibo-ibog moningkuḻe kon intau, momarontak kon guyanga, diá motaau motuḻí kon kopopia in intau kon i monia bo onu inta sinundú in agama kodoíbí monia.

TITUS 3:3

Sin koḻipod in kita tontaní in nobodokbí doman, diá noitutui bo diá motoindudui. Kita sinonggata in norupa-rupamai in ibog in awak naa ande in dunia naa; kita in noyobiag takin niat mita inta moraat, tantú mointoi bo mososaturuan.

YAKOBUS 3:5

Ná doman tua in dilá naton; umpaka mointok in dilá naton tua, táe motaaubí in sia dumodia kon soaḷ mita inta mongoḷoben. Indoiaika, umpaka mointok in tuḷu táe mokopokakbí in sia kon kayuon inta moḷoben!

YAKOBUS 4:16

Táe tanaa mako moiko in mokaḷakuang bo moambungangaḷ. Bayongan in ambungangaḷ natua in noitaḷábí.

PETRUS 2 2:18

Mosia in umuran mopodandi in uboḷ mita bo inta diá baraguna. Ibog monia inta mokotor totok tatua pinaké monia mopoyaying kon i monia inta bagupa nopirisaya kon i Tuhan.

YUDAS 1:16

Intau mita tatua in umuran mongunsingog bo mopotaḷá kon intau mita ibanea. Mosia in mobiag podudui in ibog monia inta baradosa naa. Mosia in mongonguman kon moḷantud soaḷ kaadaan monia tontaní, bo umuran umapid mako kon intau sinbá mokouḻí kon kauntungan.