SURAT I PAULUS KON JAMAAT RUM 1:29 - Alkitab Singog In Mongondow Masa In Tanaa

²⁹ Gina monia in nopuḻingdon yagi-yagi inta moraat, inta diá nobanar, moturá, aid mokotor, yoyaatan gina; ibog moḻimod, ibog moropatoi, ibog monguboḷ bo motagú kon gina bo moibo-ibog doman mongonguman kon soaḷ intau ibanea,

SURAT I PAULUS KON JAMAAT RUM 1:29 ပူးပေါင်းရင်းမြစ်များ

MAZMUR 41:7

Intau mita inta noḷongow kon inakó diábí notuḻid in gina. Mosia in nosipun kon ouman diá mopia soaḷ akuoi, bo mopowaya magí-mako intua.

AMSAL 16:28

Intau motombogá mokopomuká kon rogenggeng; intau inta moibog moponapud in uboḷ mokogoguyaat kon yoyobayatan.

AMSAL 26:20

Aka kayu modaitdon, yo tuḷú in mopiong domandon; aka intau bibigon diádon, yo bobayowan in mogogaibí domandon.

MATIUS 5:32

Táe Akuoi in moguman kon inimu: Pomuḷoi intau inta mogaat kon i buḷoinea koḻikudbí in nonuaḻing, yo siabí tua in nokopopisí kon i buḷoinea nonuaḻing, bo ki ine i motonibuḷoi takin bobay inta ain ginaat tua, yo sia doman noyotakin nonuaḻing.”

SURAT I PAULUS KON JAMAAT RUM 3:10

Ná inta pinais kon bonu in Buk Motusi nanaa, “Diábí tobatúmai intau inta mobanar,

KORINTUS 2 12:20

Sin moḻia-ḻiaw in ginaku, dikabo naonda in akuoi mamangoi, koangoiankumai moiko diádon ná inta iharapku mako, ná doman tua in akuoi, koangoianmai monimu, diádon ná inta iharap mako monimu. Sin dikabo mobobayowanmai in moiko, mosiintoian, dumodia, tongá moibog morai kon kopontingan tontaní bo mopotombauk.

TIMOTIUS 1 3:11

Ná doman tua, ki buḷoi monia bobay in mustibí intau mopia deemanbí intau inta maya-mayá mako mongonguman kon uboḷ. Mosia in mustibí intau inta mokokotahang kon bibig bo motaau doman pirisayaanmai kon bayongan in yagi-yagi.

TITUS 3:3

Sin koḻipod in kita tontaní in nobodokbí doman, diá noitutui bo diá motoindudui. Kita sinonggata in norupa-rupamai in ibog in awak naa ande in dunia naa; kita in noyobiag takin niat mita inta moraat, tantú mointoi bo mososaturuan.