PINOGIAPAN 32:7 - Alkitab Singog In Mongondow Masa In Tanaa

⁷ Nongonu sin baḻíonbí monimu in bangusa Israel moondok in ḷumoḷan kon Ongkag in Yordan bo tumuot kon butá inta ain inogoi i Tuhan kon i monia?

PINOGIAPAN 32:7 ပူးပေါင်းရင်းမြစ်များ

OUMAN IN RASUL MITA 21:13

Táe ki Paulus in noguman kon i monia, “Nongonu sin mongombaḷbí in moiko naníon, bá kotaauan monimu kon ombaḷ monimu nion totokbí in mokororiga kon ginaku! Akuoi in diá bidon moondok, deemanbí tongá togoton, umpakabí modapot in matoi kon Yerusalem sin mopotaau in Habar Mopia nongkon i Tuhan.”

ULANGAN 1:28

Dá onubí in mangaḻenea in bayáan naton intua? Intau mita inta pinotabá naton minayá intua nopogogondok doman kon i naton takin noguman kon bangusa tatua in moropo-ropot bo motori-torindog nongkon i naton, bo mosia in nogutun doman kon kotá mita inta tondoknea ná koḷantud in ḷangit. Mosia noguman doman kon nokoontong kon tuyá kon tua!’

PINOGIAPAN 32:9

Mosia noidapotdon kon Ḷopá in Eskol bo nokoontong domandon kon butá tatua. Táe kon dodai in mosia nobui, ginogondokdon muna monia in bangusa Israel in tumuot kon butá inta inogoi i Tuhan kon i monia.

PINOGIAPAN 21:4

Onda intua intau in Israel nonaḷámai kon Buḷud in Hor, bo nomiḻí kon daḷan inta nopobayá in Teluk Akaba, sin moḻibu kon butá in Edom. Táe kon yuak in daḷan, bangusa tatua kinodaitandon in sabar monia,

PINOGIAPAN 13:27

Guman monia kon i Musa, “Ain sinaridi nami in butá tatua bo inontongdon nami kon butá tatua in nooyúon bo mopia totok, bo naa in topiḻik bungai in pinomuḷa nongkon tua.

PINOGIAPAN 32:6

Tubag i Musa, “Umpaka yo moiko in tongábí mogutun mako kon naa, bo intau mita inta tobangusamu in mayá moparang?

PINOGIAPAN 13:31

Táe intau mita inta nobui mangoi takin i Kaleb tatua noguman, “Diá, kita diá mokosanggup in monubu kon i monia. Intau mita kon butá tatua in moropo-ropot nongkon inaton.”