PINOGIAPAN 3:2 - Alkitab Singog In Mongondow Masa In Tanaa

² Ki adí i Harun opat, naa in tangoi monia: Ki Nadab in guya-guyang, induduinea in ki Abihu, ki Eleazar bo ki Itamar.

PINOGIAPAN 3:2 ပူးပေါင်းရင်းမြစ်များ

IḶUAIAN 6:23

Ki Korah kogadí kon adí ḷoḷaki toḷu: ki Asir, ki Elkana bo ki Abiasap. Mosia tua in mogoguyang nai Korah.

PINOGIAPAN 26:60

Ki Harun kogadí kon ḷoḷaki opat: Ki Nadab, ki Abihu, ki Eleazar bo ki Itamar.

TAWARIKH 1 24:1

Ki Harun in kogadí kon adí ḷoḷaki opat: ki Nadab, ki Abihu, ki Eleazar bo ki Itamar. Ki Nadab bo ki Abihu in minatoi noiuna kon i amá monia bo diápa kogadí. Tuamai in ki Eleazar bo ki Itamar inta ki utat monia in nobaḻí imang. Ki Daud in nosilai kon buí i Harun kon bonu in tongonu notonsilai podudui in oaidan monia. Kon bonu in oaidan podudui in kolompó tatua ki Daud in binantungan i Zadok buí i Eleazar bo i Ahimelek buí i Itamar.

TAWARIKH 1 6:3

Ki Amram in kogadí kon adí ḷoḷaki doyowa, inta ki Harun bo ki Musa, bo adí bobay tobatú inta ki Miryam. Ki Harun in kogadí kon ḷoḷaki opat: ki Nadab, ki Abihu, ki Eleazar bo ki Itamar.

IḶUAIAN 28:1

“Oinídon in ki Harun ki guya-guyangmu takin ki adí mita ki Nadab, ki Abihu, ki Eleazer bo ki Itamar, potondídon in mosia sinbá motaau mobantung kon i-Nakó mobaḻí imang.

IMAMAT 10:1

Kon singgai tobatú ki adí mita i Harun ki Nadab bo ki Abihu, tumpaḷa nogamá kon tampat in tuḷú bo nomonu kon baga. Bo nopoukat in dupa kon bonu in tuḷú tatua bo noposumba kon i Tuhan. Táe tuḷú tatua kinodoíbí i Tuhan sin ki Tuhan in diábí nopotabá kon i monia noposumba intua.

IMAMAT 10:12

Ki Musa noguman kon i Harun bo kon i adínea mita inta ki Eleazer bo ki Itamar, “Pogamádon kon gandum inta ki agat in kaanon inta pinosumba kon i Tuhan. Nongkon topong tatua pogaidaidon kon roti inta diá ragian, bo kaandon intua kon sí in mezbah, sin kuruban tatua totok in motusi.