PINOGIAPAN 19:9 - Alkitab Singog In Mongondow Masa In Tanaa

⁹ Bo intau tobatú inta diá nonajis musti mosipun kon ḷobud in sapi bo ukatonnea kon tampat inta modarit kon ḷuai in pinononḷoḷaigan. Ḷobud tatua sinagú kon tua sinbá umat Israel motaau mopomaké intua aka mogaid kon tubig in upacara ponusian bo potobutan kon dosa.

PINOGIAPAN 19:9 ပူးပေါင်းရင်းမြစ်များ

IMAMAT 15:20

Onukabí in iḻitúan ande pinosiugan in bobay tatua kon bonu in sia inangoineapa yo mobaḻíbí monajis.

ZAKHARIA 13:1

Ki Tuhan Inta Totok in mokawasa in noguman, “Kon singgai tatua momukábí bokaká tobatú sin mopotusi kon buí i Daud bo intau inta nogutun kon Yerusalem nongkon bayongan in dosa bo posumbaan kon berhala inta ain inaidan monia.

PINOGIAPAN 19:13

Intau inta noiḻiai kon mayat bo diá nopotusi in awak yo nonajis in sia, sin sia in diápa binurean in tubig upacara. Sia noponajis in Ḷoḷaigan i Tuhan, dá tuamai sia in diádon pinoyoiap umat i Allah.

PINOGIAPAN 19:17

Ponondarit kon intau inta nonajis tatua, musti mogamá kon topiḻik in ḷobud in sapi nopura kobaayan inta ain sinubá sin potobut kon dosa. Ḷobud tatua in musti bonuon kon kuyon tobatú, bo bonuan in tubig inta ginamá kon tubig inta moiḻig.

PINOGIAPAN 19:18

Kon soaḷ inta muna, inta aka oyúon in intau inta minatoi kon bonu in ḷoḷaigan, dá intau inta diá nonajis musti mogamá kon totanga mointok in hisop, bo poḷodoknea intua kon bonu in tubig tatua, bodongka pisikannea in ḷoḷaigan tatua bo bayongan yagi-yagi inta kon bonunea, ná doman tua in intau mita inta kon tua. Kon soaḷ inta nogindua, inta aka intau tobatú koḻiaian in mayat, pinoḷobongan andeka tuḷan in intau minatoi, yo intau inta diá nonajis musti momisik doman natua kon intau inta nonajis tatua.

PINOGIAPAN 19:3

Ogoidon in sapi tatua kon i Imang Eleazar. Biag tatua in musti diaan kon ḷuai in pinononḷoḷaigan bodongka ratáan kon tayowon i imang.

PINOGIAPAN 19:8

Intau inta notubá kon sapi tatua in musti doman momatá kon pakeangnea bo poḷat doman moinggú; bo sia doman in umuranpabí doman monajis modapot kon mata in singgai tumoyop.

PINOGIAPAN 6:12

bo monoimbagu kon poposarakan in awaknea mobaḻí intau tobatú nazir. Singgai mita inta ain kinotaḻiban diá bidon poyoiapon popisí in sia ain nobaḻí nonajis. Bo inta mobaḻí kuruban toḻiu in karugian sia in musti moposumba in adí in domba tobatú inta umurdon totaong.

PINOGIAPAN 8:7

nanaa in pogogaid: pisikai in tubig in mosia mobaḻí upacara pondaritan bo pokikarugdon in bayongan bubuḷ kon awak monia bo momatá kon pakeang monia. Tua in aidan monia bá modaritdon in mosia.

PINOGIAPAN 9:13

Tongá intau inta diá nonajis bo diá doman kon binayáan, táe diá nomia kon pinorayaan Paska, yo intau tatua in diá bidon poyoiapon-Ku umat-Ku, sin sia in diá noposumba in kuruban kon i-Nakó kon wakutu inta ain sinantú. Intau tatua musti mobaba kon bungai in dosanea.

KORINTUS 2 5:21

Sin Sia inta nodarit kon bayongan in oaid inta diá mopia, pinaké domandon i Allah mobaba kon bayongan in dosa naton, sinbá kita in buidon mobiag motompia takin i Allah sin notobatúdon i Kristus.

KORINTUS 2 7:1

Utat mita inta kinotabiku! Dandi mita tatua in pinopomakusudbí kon i naton komintan. Tuamai koḻigai in kita mondaritdon kon oaid mita naton inta mokokotor kon awak naton. Bo koḻigai mobiag motoguondok kon i Allah, sinbá mobiagdon motompia takin-Nea in kita.

IBRANI 7:26

Dá ki Yesusbí tua in Imang Moḷoben inta paraḷuon naton. Sia tua in nodaritbí kon bayongan in yagi-yagi, diábí in taḷá andeka dosa onukadon kon i-Nia. Sia in pinotondí nongkon intau mita inta dinosa, bo dinia pinoonik in tampat inta moḷantu-ḷantud nongkon ḷangit.

IBRANI 9:13

Dugú in bembé bo dugú in sapi koḷakian takin ḷobud in kuruban ki adí in sapi, pinaké nondarit kon intau mita inta nokotor podudui atorang in agama sinbá mobaḻí modarit in mosia.