PINOGIAPAN 18:3 - Alkitab Singog In Mongondow Masa In Tanaa

³ Suku Lewi musti mogaid kon oaidan monia kon i monimu bo mogaid kon oaidan monia kon Ḷoḷaigan-Ku, táe mosia in diábí motaau dimiug kon mezbah andeka moḻiai kon barang mita inta motusi inta kon Yuang Motusi. Aka mosia ḻimimpat kon atorang tatua, yo pinomayá mosia andeka moiko in matoibí.

PINOGIAPAN 18:3 ပူးပေါင်းရင်းမြစ်များ

YEHEZKIEL 44:13

Mosia in diá bidon motaau in mogundoi kon i-Nakó saḷaku imang andeka moḻiai kon onu inta motusi kon i-Nakó, andeka tumuot kon Tampat Inta Totok in Motusi. Tuata in hukuman kon aid mita nonajis inta ain inaidan monia.

PINOGIAPAN 1:51

Aka moiko momamping, yo intau mita in Lewi tuata inta musti mongokai kon Ḷoḷaigan-Ku, bo bui moposindog intua kon ondaka in tampat mobagu inta kobayáan monia. Koḻikud in mosia tua, yo ki ineka in dimiug kon Ḷoḷaigan tatua mustibí hukumon matoi.

PINOGIAPAN 1:53

Táe intau in Lewi musti mogaid kon ḷoḷaigan monia poḻibu kon Ḷoḷaigan-Ku. Musti ḷukadan monia sinbá diá in dimiug kon tua, sinbá Akuoi in diá tumorú bo mohukum kon umat Israel.”

PINOGIAPAN 16:40

Tua in nobaḻí tompoingat kon bangusa Israel kon koḻikud in buí i Harun, diábí in tobatúmai in intau motaau mamangoi kon mezbah i Tuhan sin motubá kon dupa posumba kon i Tuhan. Intau inta ḻimimpat kon atorang tatua in yopúonbí ná ki Korah bo dumoduduinea mita. Bayongan tua inaidan pinodudui kon ná inta pinarenta i Tuhan kon i Eleazar pinongin i Musa.

PINOGIAPAN 18:4

Mosia musti mogaid moyotakin monimu bo momia kon oaidan inta noyotogot in bayongan oaidan kon bonu in Ḷoḷaigan-Ku, táe inta diá inogoian in hak mogaid kon oaidan tatua, tua in diábí motaau tumakin mogaid moyotakin monimu.

PINOGIAPAN 18:7

Táe tongábí iko bo adímu mita in motaau mopobayá in oaidan in imang, kon bayongan oaidan inta noyotogot in mezbah bo onu inta kon Yuang Motusi. Tuata in kon bonu in totaaumu, sin Akuoi ain nomaḻí kon inimu imang. Bayongan intau inta diá inogoian in hak tatua yo hukumon matoi aka dimiug kon barang mita inta motusi tatua.”

PINOGIAPAN 3:25

Kon bonu in monoinut kon Ḷoḷaigan i Tuhan, mosia inogoian tanggung jawab monompia kon Ḷoḷaigan bo atopnea, kaeng kon ngara tumuot,

PINOGIAPAN 3:31

Mosia pinoki ḷukadan in Poti Dodandian, meja, sioḷ in totuduan in togá, mezbah mita, pakakat mita inta pakéon in imang kon Yuang Motusi, bo toḷipoi inta nopotondí in Yuang Motusi. Mosiadon tua in kitogi totaau kon bayongan oaidan inta noyotogot in pakakat mita tatua.

PINOGIAPAN 3:36

Mosia in pinoki ḷukadan in tombaḷoi in Ḷoḷaigan tatua, balaknea mita, oiginea mita, datoḷannea, bo bayongan pakakat takin bayongan oaidan inta noyotogot in pakakat mita tatua.

PINOGIAPAN 31:30

Nongkon tonsilai inta inogoi kon umat Israel, musti pogamáanmu tumongo batu kon pomuḷoi in ḻima nopuḷú, pinomayá intau mita inta sinoko domok kon parang, andeka sapi, keledai, domba bo bembé. Poabat intua kon intau in Lewi inta noḷukad kon Ḷoḷaigan-Ku.”

PINOGIAPAN 4:15

Ki Tuhan noguman kon i Musa bo kon i Harun, “Kon dodai in moiko mongokai kon ḷoḷaigan, ki Harun bo ki adínea mita musti tumuot kon bonu in ḷoḷaigan-Ku bo mongoḷob kon bayongan in pakakat bo touḷutnea mita inta kon tua. Bo mopaḷut mako kon tua, intau mita i Kehat motaaudon mamangoi bo mogamá kon tua. Táe mosia in diábí motaau moindoi, dimiug andeka moḻiai kon pakakat mita tatua, sin aindon sinondí kon i-Nakó. Aka aidan doman monia intua, yo matoi in mosia. Dá, bá intau mita in Kehat tatua diá moyopú nongkon sigad in suku Lewi, dá ki Harun bo ki adínea mita in musti monantú kon onu in motaau diaan monia kon batúannea. Tuata in oaidan intau in Kehat kon dodai in Ḷoḷaigan-Ku pampingon. Ki Eleazar, adí i Harun, in kitogi totaau kon bayongan Ḷoḷaigan-Ku, ḷana in togá, dupa, kuruban gandum inta baḻíon kuruban oḷudon, ḷana upacara bo bayongan inta kon bonu in Ḷoḷaigan-Ku tatua.”