PILEMON 1:19 - Alkitab Singog In Mongondow Masa In Tanaa

¹⁹ Yo tanaa akuoi in momaisdon tontaní kon tanaa: Akuoi, ki Paulus, moguboḻi kon bayongan boḻinea. (Tantú diá bidon paraḷuku ponorop bui kon i Utat, kon iko tontaní in koboḻibí doman kon inakó, boḻimu tua in kobiagan mobagu saḷaku intau Keresten.)

PILEMON 1:19 ပူးပေါင်းရင်းမြစ်များ

KINOBAḺIAN 43:9

Akuoidon in nobaḻí potaru kon inia, bo motaaubí tuntuton i amá kon inakó in sia. Aka sia bo diá diaanku mangoi takin kaadaan mosaḷamat, yo tanggungonku in hukumannea kon bonu in akuoi mobiagpa.

SURAT I PAULUS KON JAMAAT RUM 16:22

Nomais kon surat tanaa in akuoi ki Tertius. Akuoi in mopoyaput in salam pogogutat kon i monimu.

KORINTUS 1 4:15

Umpaka ribuandon intau in Keresten guru monimu, táe kon bonu in pirisaya monimu kon i Kristus, tongábí akuoi in nobaḻí ki amá monimu sin akuoibí naa in nopoyaput in Habar Mopia kon i monimu nodapot in nopirisayadon moiko kon i Kristus.

KORINTUS 2 10:1

Akuoi ki Paulus, inta kain intau in diá mobarani moyogintayow mako, tongá mobarani aka moyogiyayúan monimu. Tanaa mako pinodoyon kon koaḷus bo kopopia in gina i Kristus,

KORINTUS 2 3:2

Moikobí nion in nobaḻí surat dodayow nami, inta noipais kon bonu in gina nami bo inta ain kinotaauan bo poḷat kinobacaan in bayongan intau.

KORINTUS 2 9:4

Sin moḻia-ḻiaw in ginaku, dikabo oyúon in intau mita in Makedonia mamangoi moyotakinku kon wakutu in mopoangoi kon i monimu. Bo aka mouḻí magí monia in moiko bo diápa nobasadia, yo mooyá totok in kami kon i monimu! Ná doman tua, moiko doman in mooyá.

GALATIA 5:2

Pokotorop in naa, akuoi, ki Paulus in moguman kon i monimu: Aka moiko bo mokisunat, yo tua in mangaḻenea, ki Kristus in diádon baraguna kon i monimu.

GALATIA 6:11

Tarukiradon totok kopira in onu inta pinaisku takin hurup mita moḷoben.

TITUS 1:4

Titus, iko uḻe in totu-totuu bidon nobaḻí ki adíku, sin kitada in tumpaḷadon nopirisaya kon i Kristus. Manangka intua umuranku poigumon mako sinbá ki Allah, ki Amá naton bo ki Kristus Yesus Datu Mopoposaḷamat naton, umuran mobogoi in barakat bo kobiagan mopia kon inimu.

PILEMON 1:18

Aka sia bo nokoporugimaidon kon inimu andeka koboḻi kon inimu, yo bain akuoi in motanggung kon tua komintan.