PILEMON 1:10 - Alkitab Singog In Mongondow Masa In Tanaa

¹⁰ Tuamai, akuoi ki Paulus in mopoigum kon inimu soaḷ ki Onesimus, inta ain nobaḻí ki adíku sin sia ain nopirisaya kon i Kristus, kon wakutu in akuoi kon bonupa in ponjara bo akuoi in nobaḻídon guyanganea kon bonu in pirisaya kon i Tuhan.

PILEMON 1:10 ပူးပေါင်းရင်းမြစ်များ

SAMUEL 2 18:5

Bo nomarenta in ki datu kon i Yoab, kon i Abisai bo kon i Itai, kainia, “Dika tompaḻían monimu in ki Absalom tayowmobiag tatua sin monorop kon inakó.” Bayongan in tontara nokodongogbí kon parenta tatua.

MARKUS 9:17

Dodai intua oyúon in tobatú intau kon sigad intau moantó tatua noguman, “Pak Guru, akuoi in nodia kon i adíku poangoi kon i Pak Guru. Sia in nobobó sin popisí in kinotoḷangan in dimukud moraat.

SURAT I PAULUS KON JAMAAT RUM 12:1

Utat mita! Ki Allah totok in mopia kon i naton. Manangka intua akuoi in mopoigum totok sinbá moiko moposumba in awakmu saḷaku sosumba inta nobiag sin kopontingan i Allah. Sosumba tatua in tongábí ogoi kon i Allah bo inta mokosanang kon gina-Nea. Tuabí in ibadamu inta sabanarnea.

KORINTUS 1 4:14

Akuoi in nomais kon naa deemanbí makusud mokopooyámai kon i monimu, táe monongginabí kon i monimu saḷaku ki adíku mita.

KORINTUS 1 4:15

Umpaka ribuandon intau in Keresten guru monimu, táe kon bonu in pirisaya monimu kon i Kristus, tongábí akuoi in nobaḻí ki amá monimu sin akuoibí naa in nopoyaput in Habar Mopia kon i monimu nodapot in nopirisayadon moiko kon i Kristus.

GALATIA 4:19

Uḻe adíku mita inta kinotabiku! Tanaa akuoi in bui notakit sin umuran morai kon i monimu. Takitku naa in naonda bo takit in monononggadí. Moajar totok in porasaanku, aka sipat mita i Kristus bo diápa noitonop kon bonu in gina monimu!

KOLOSE 4:9

Ki Onesimus in moyotakin mangoi i Tikhikus; sia tua in intau inta tumpaḷa mopirisaya ná kita, intau inta nongkon sigad monimu. Sia tua intau doman inta mosatia bo kinotabi doman nami. Taya dua i Tikhikus in mopotaau kon i monimu kon bayongan yagi-yagi inta ain nobaḻí kon tampatku naa.

TITUS 1:4

Titus, iko uḻe in totu-totuu bidon nobaḻí ki adíku, sin kitada in tumpaḷadon nopirisaya kon i Kristus. Manangka intua umuranku poigumon mako sinbá ki Allah, ki Amá naton bo ki Kristus Yesus Datu Mopoposaḷamat naton, umuran mobogoi in barakat bo kobiagan mopia kon inimu.

PILEMON 1:11

Totuubí kon koḻipod sia naa in diábí baraguna kon inimu, táe tanaa in mobaraguna bidon in sia kon inimu, bo deemanbí tongá kon inimu, táe baragunabí domandon kon inakó.

PILEMON 1:13

Sabanarnea ibogonku in kon naapabí in sia saḷaku toḻiumu sin mobantung kon inakó kon dodai in akuoi kon bonupa in ponjara sin nopotaau in Habar Mopia nongkon i Allah.

YOHANES 3 1:4

Aka kon inakó, diábí in poḻiu kon ḷunganga in ginaku wakutu in nokodongogmai kon ki adíku mita in umuran nobiag noidudui kon onu inta sinundú i Tuhan.