PETRUS 1 5:2 - Alkitab Singog In Mongondow Masa In Tanaa

² ḷukadaibí monimu kopiaraan in domba i Allah inta ain pinosarakan kon i monimu. Ḷukadai takin sanang in gina ná inta kinoibog i Allah, dikabí tongá pakisa in gina. Bo dika doman mogaid kon oaidan tatua tongá sakadar motayak kon kauntungan tontaní, táe aidaibí intua sin lantaranbí moiko totu-totuubí moibog mopobayá in oaidan i Allah.

PETRUS 1 5:2 ပူးပေါင်းရင်းမြစ်များ

DATU MITA 2 12:6

Noidapot kon taong nogindoyowa nopuḷú bo toḷu kon pinomarentaan i Yoas, imang mita in diápabí doman nonompia kon onu inta nogoguyaat kon Baḷoi Tuhan.

DONDONG MOḶANTUD 1:8

Umpaka dá diá kotaauanmu in tampatnea, uḻeku inta totok in moḷunat kon sigad in bobay mita? Duduiaidon in ḻiod in paanan domba, bo ḷukadaidon in bembému mita kon diug in ḷoḷaigan in gombala mita.

YESAYA 40:11

Naonda bo gombala Sia in noḷukad kon paanan-Nea; Sia tontaní in mosipun kon i monia. Ki adí mita in domba koyotan-Nea, takin moḷukó in tosingogon Sia in modia kon i indenea mita.

YESAYA 56:11

Mosia in naonda bo ungkú turá inta diá kon dodai in onda in mobotug. Itoi mita tatua in diá momangaḻe. Kon batúannea mogaid kinooibogbí in gina bo motayak kon kauntungannea tontaní.

YESAYA 6:8

Bo akuoi in nokodongog kon singog i Tuhan noguman, “Ki ine in potabá-Ku? Ki ine in mobaḻí mododia kon habar naton?” Akuoi in notubag, “Naa in akuoi. Potabádon in akuoi!”

YESAYA 63:11

Bo mosia in nokotorop kon inta dungkuḷmai, Sempo i Musa mogogundoi i Tuhan. Mosia in noḻibó “Kon onda in ki Tuhan inta nodia kon itoi mita in umat-Nea nongin dagat? Kon onda in ki Tuhan inta nobogoi in kawasa-Nea kon i monia?

YEREMIA 13:17

Aka iko doí mokidongog, mongombaḷbí in akuoi umuni-uni. Takin monakit in gina ombaḷanku in ḷoḷatúmu tua. Ḷuáku in motutug sin umat i Tuhan in dinia nobaḻí intau dinakop.

YEREMIA 13:20

Ki Tuhan in noguman kon intau in Yerusalem, “Taridiaidon! Musungmu mita in niondon taya-taya mangoi nongkon utuan! Kon onda in intau mita inta musti ḷukadan monimu bo inta totok in pongata-ngata mako monimu.

YEREMIA 6:13

Mosia komintan pinomayá mointok andeka moḷoben, motayakbí kon kauntungan podoyon kon aid diá motuḻid. Nodapot in nabi bo imang monguboḷ kon intau.

YEREMIA 8:10

Tuamai Akuoi in mobogoidon in gobá monia kon i togi butá ibanea, bo ki buḷoi monia kon intau ibanea. Mosia komintan, moḷoben andeka mointok, motayak kon kauntungan pongin aid inta diá motuḻid. Nodapot in nabi bo imang in monguboḷ doman kon intau.

YEHEZKIEL 34:23

Akuoi in moduíbí kon datu tobatú inta ná mogogundoi-Ku ki Daud, sin baḻíon-Ku gombala monia totobatú tua, bo sia in moḷukad kon i monia.

YEHEZKIEL 34:31

Totuu, moikobí in paanan in domba-Ku inta pinokaan-Ku. Moiko in umat-Ku, bo Akuoi in ki Allahmu. Akuoi ki Tuhan Inta Totok in moḷantud ain nosingog.”

YEHEZKIEL 46:24

Guman in ḷoḷaki tatua kon inakó, “Naa in abu mita tampat in mogogundoi mita kon Baḷoi Tuhan pototuonan kon kuruban mita sosumba in rayat.”

MIKHA 3:11

Mongongawasa mita in kotá momarenta mokiigum in doit pomompon kon bibig, imang mita in motundú kon hukum i Tuhan sin motayak kon tondan pogaidan, bo nabi mita mopoigum in topotundú nongkon i Allah sinbá mokouḻí kon doit – bo kai monia kamai dá ki Allah in dinumotábí kon i monia. Mosia in moguman, “Ki Tuhan in oyúon kon yua-yuak naton; kita in diábí koantugan in anib.”

MIKHA 5:4

bo Sia in mobogoi in kobiagan modame. Aka tontara in Asyur monubu kon butá naton bo mondangat kon poḷoḷukadan naton, yo itoi mita naton inta moropot totok in potabádon momarang kon i monia. Itoi mita naton tatua in monaḷowdon kon Asyur podoyon kon ropot in pakakat in parang, bo moposaḷamat kon i naton nongkon kawasa monia.

MIKHA 7:14

O Tuhan, ḷukadaidon in umat-Mu, umat inta piniḻí-Mu. Mosia in nogutun noitontaní kon kayuon mai-maí, kon yuak in butá inta mopia. Biódon mako in mosia mokouḻí kon kaanon kon rawang bonok in Basan bo kon Gilead ná dungkuḷmai.

ZAKHARIA 11:17

Kinutukdon totok in gombala inta diá baraguna tatua! Sia in nonaḷámaidon kon paanan in dombanea. Parang in mogimpaḷut kon kawasanea. Kokaḷnea in moḻemédon bo mata koḷanannea in mobilogdon.”

MALEAKHI 1:10

Ki Tuhan Inta Totok in mokawasa in noguman, “Mopia-piabí kon ḻingkopan-Ku in ngara in Baḷoi-Ku, sin diábí in mangaḻenea in moiko monontuḷú kon tudu in mezbah-Ku. Doíbí in Akuoi kon i monimu, bo doíbí in Akuoi motarima kon sosumbamu.

PINOGIAPAN 18:7

Táe tongábí iko bo adímu mita in motaau mopobayá in oaidan in imang, kon bayongan oaidan inta noyotogot in mezbah bo onu inta kon Yuang Motusi. Tuata in kon bonu in totaaumu, sin Akuoi ain nomaḻí kon inimu imang. Bayongan intau inta diá inogoian in hak tatua yo hukumon matoi aka dimiug kon barang mita inta motusi tatua.”

LUKAS 12:32

“Moiko inta tongá topiḻik, dikabí moondok! Sin mosanangbí in gina i Amámu in mobogoi in barakat kon i monimu kon bonu in kawasa-Nea.

OUMAN IN RASUL MITA 20:29

Kotaauankubí kon naonda in akuoi mayá, intau mita moraat inta moibog momoguyaat kon tomayá i Allah in mamangoi kon yua-yuak monimu. Bo diábí in tabi monia tua in momogutú kon umat i Allah.

OUMAN IN RASUL MITA 21:13

Táe ki Paulus in noguman kon i monia, “Nongonu sin mongombaḷbí in moiko naníon, bá kotaauan monimu kon ombaḷ monimu nion totokbí in mokororiga kon ginaku! Akuoi in diá bidon moondok, deemanbí tongá togoton, umpakabí modapot in matoi kon Yerusalem sin mopotaau in Habar Mopia nongkon i Tuhan.”

SURAT I PAULUS KON JAMAAT RUM 1:15

Tuabí manangka i moibogdon totok in akuoi mopoyaput in Habar Mopia tatua kon i monimu inta nogutun kon Rum.

KORINTUS 1 9:7

Diábí in tontara in mayá moparang bo umongkos tontaní! Bo diábí doman in monononggobá inta nomuḷa kon anggur táe diá mosipú kon bungainea! Bo diábí doman in intau inta nomiag kon domba bo diá monginum kon susu nongkon domba inta piniaranea tatua!

TIMOTIUS 1 3:3

donaaibí in intau inta umuran moḷoḷangu, ande intau inta moibo-ibog moropatoi, táe intaubí inta moaḷus in dodia bo pososingognea bo inta moibog doman in dodamean, bo diá dinoit.

TIMOTIUS 1 3:8

Natua doman in mobobantung mita in jamaat, mustibí in mosia intau inta mopia bo mojujur; diá dinoit bo diá umuran monginum kon inta mokoḷoḷangu.

TITUS 1:11

Intau mita natua in mustibí tokohukumon in bibig monia, sin onu in sinundú monia tua, tongábí mopotombauk kon raian in intau mita inta nobiag tobaḷoian. Tua mita in pinomia monia sin motayak kon kauntungan inta diá patus.

TITUS 1:7

Sin itoi kon jamaat tua in mogaidbí kon oaidan i Allah, manangka intua mustibí intau inta mopia, diá mododia bo diá morogi, deemanbí intau inta umuran moḷoḷangu, deeman doman intau inta moibog-ibog motayak kon mokorogenggeng bo diá doman dinoit.

TITUS 2:14

Sia tuata inta ain noposarakan in awak-Nea sin mopoḷuat kon i naton nongkon bayongan inta moraat, bo kita in baḻíon-Nea tobatú umat inta noiḷuatdon nongkon kawasa in dosa bo tongádon mobaḻí umat-Nea inta morajing mogaid kon inta mopia.

TITUS 3:1

Ponorop kon bayongan in jamaat, bá mosia in umuran kodu-kodudui kon itoi mita bo pomarenta, diá momaḷawang bo tantú mogaid kon inta mopia.

PILEMON 1:14

Táe doíbí in akuoi momia kon natua aka diápa muna moyosingogmu. Sinbá onu inta mopia pomiaanmu, deemanbí popisí in pinakisaku; táe inaidanmubí intua takin nosanang in gina.

IBRANI 12:15

Ḷukadaibí sinbá diá tobatúmai in intau ḷumuai nongkon kobiagan inta pinodoyon kon totabi i Allah, sinbá diá in mobaḻí rasum inta mokopomuká kon ropatoi bo inta mokogoguyaat kon kobiagan intau mobayong.

PETRUS 2 2:3

Popisí in mosia motamaa, dá intau mita inta deeman totuu guru tua in mongonguman kon inimu in ouman mita inta tongá ai-aidan monia tontaní sinbá kouḻían monia kon kauntungan in moiko. Táe bá kotaauan monimu, pongadilan inta mopoḷabú in hukuman kon i monia tua in noonggot bidon in sinadia, bo koyoyangan inta ain sinantú kon i monia in mogoḷat bidon mako.