PETRUS 1 5:13 - Alkitab Singog In Mongondow Masa In Tanaa

¹³ Yobayat mita tojamaatan takinku kon Babilon, inta ain piniḻí doman i Allah, nokipoyaput in salam kon i monimu; natua doman in ki Markus ki adíku inta kinotabiku.

PETRUS 1 5:13 ပူးပေါင်းရင်းမြစ်များ

MAZMUR 87:4

“Mesir bo Babel in potuoton-Kubí kon bonu in bangusa mita inta motoindudui kon i-Nakó. Nodapot in Pilistea, Tirus bo Sudan moituot mobaḻí intau in Yerusalem.”

OUMAN IN RASUL MITA 12:12

Bo naonda in kinomangaḻeanneadon intua komintan, sia in minayá in baḷoi Maria, ki iná i Yohanes inta dinonoi ki Markus. Kon tua mobarong totok intau in noyosipun bo mosambayang.

OUMAN IN RASUL MITA 12:25

Naonda in nopaḷutdon in oaidan i Barnabas bo i Saulus, mosia in nobuidon nongkon Yerusalem bo nodia kon i Yohanes Markus noyotakin i monia.

OUMAN IN RASUL MITA 15:37

Ki Barnabas in moibog doman modia kon i Yohanes inta donoionmai ki Markus,

OUMAN IN RASUL MITA 15:39

Dá taya dua noginggabatanmai in singog, sahingga noyotangadon taya dua tua: Ki Yohanes inta dinonoi ki Markus tantúbí dinia i Barnabas sinumakoi kon uangga bo minayá in Siprus.

KOLOSE 4:10

Ki Aristarkhus inta noyotakinku kon bonu in ponjara nokipoyaput in salam kon i monimu. Ná doman tua in ki Markus inta pokuadíon i Barnabas. Soaḷ ki Markus naa, aindon pinongoyow kon i monimu kon tarimadon in sia aka mamangoi kon i monimu.

PILEMON 1:24

Bo tarimadon doman in salam nongkon yobayat mita topogaidanku, ki Markus, ki Aristarkhus, ki Demas bo ki Lukas.

YOHANES 2 1:1

Kon i Iná inta ain piniḻí i Allah bo kon i adínea mita inta kinotabiku. Surat tanaa in nongkon inakó, tobatú itoi in jamaat inta totu-totuu motabi kon i monimu. Deemanbí tongá akuoi in motabi kon i monimu, táe bayonganbí doman intau inta totu-totuudon nonotaau kon i Allah.

YOHANES 2 1:13

Ki adí mita i utat bobay i Iná inta piniḻí doman i Allah, nokidia doman in salam kon i Iná.

WAHYU 17:5

Kon pogotnea in pinaisan in tangoi inta mangaḻenea “noibuni”. Tangoi tatua in “Babel inta moḷoben ki iná in bayongan bobay inta sundaḷ bo intau mita moromú kon dunia.”

WAHYU 18:2

Nanaa in pinobaḷúnea: “Ain noḷabú! Babel kotá moḷoben tua ain noḷabú! Tanaa sia in nobaḻídon tampat in dimbuḷó bo dimukud mita moraat. Bo kon bonunea in nobiagdon norupa-rupamai in ḷagapan inta nonajis bo inta kinodoí in intau.