PETRUS 1 4:9 - Alkitab Singog In Mongondow Masa In Tanaa

⁹ Bo moiko in musti motaau mosipasiaran kon baḷoi takin diá mogamui.

PETRUS 1 4:9 ပူးပေါင်းရင်းမြစ်များ

KINOBAḺIAN 24:19

Naonda in bobantung tatua nopaḷut nonginum; adí bobay tatua in noguman, “Akuoi in monangkobpa bui kon tubig sin poinum doman kon unta mita i amá, sinbá mosia in monginum doman modapot in moguḻí in yogang monia.”

SURAT I PAULUS KON JAMAAT RUM 12:13

Tuḷungai bo ogoiai onu in paraḷu in intau mita Keresten ibanea, bo tomubí takin pia in gina in utat mita Keresten umpakabí diá nogogintaauan monimu in mosia. Tarima doman takin sanang in gina in mosia kon baḷoimu.

SURAT I PAULUS KON JAMAAT RUM 16:23

Ki Gayus nopoyaput doman in salam kon i monimu. Akuoi in nongandupa kon baḷoinea, bo jamaat nami nongandupa doman noibada kon tua. Ki Erastus, tobatú itoi in mokokadai kon doit kon kotá nokipoyaput doman in salamnea kon i monimu. Ná doman tua in ki Kwartus, ki utat naton. [

KORINTUS 2 9:7

Táe poigumonku mako moiko mobogoibí takin pia in gina, diá tongá pakisa, sin intaubí inta mobogoi takin pia in gina in kotabi i Allah.

PILIPI 2:14

Aidaibí in oaidan tatua takin pia in gina bo dika mosirogian andeka mobobayowan.

TIMOTIUS 1 3:2

Tuamai intau inta mobaḻí itoi kon jamaat in mustibí intau inta motuḻid in gina, tongá tobatú in ki buḷoinea, mokokawasa kon ibog in gina, mobijaksana, mopia in oaid, moibog motuḷung kon bayongan in intau bo motaau motundú kon inta mopia kon intau ibanea;

TITUS 1:8

Mustibí intau inta moibog motuḷung kon intau ibanea, moibog kon inta mopia, mokotahang kon bibig, mojujur bo motoindudui kon ibog i Tuhan.

PILEMON 1:14

Táe doíbí in akuoi momia kon natua aka diápa muna moyosingogmu. Sinbá onu inta mopia pomiaanmu, deemanbí popisí in pinakisaku; táe inaidanmubí intua takin nosanang in gina.

IBRANI 13:16

Donaai koḻiongan monimu in mogaid kon inta mopia bo mosituḷungan, sin naabí in kuruban mita inta mokosanang totok kon gina i Allah.

IBRANI 13:2

Dika moondo-ondok in motarima kon intau mita inta diápa nogogintaauan monimu aka mongandup in sia kon baḷoimu. Sin nokoimontandon in nobaḻí, oyúon intau in noibog pinongandupan in intau mita inta diá nogogintaauannea, bo naanta mosia tua in malaekatbí mita.

YAKOBUS 5:9

Donaai umuran mongunsingog bo mosipotaḷáan, sinbá moiko in diá hukumon i Allah. Torop! Hakim in nodiugdon, nobasadiadon mamangoi.