PETRUS 1 4:3 - Alkitab Singog In Mongondow Masa In Tanaa

³ Sin nobayongdon totok in wakutu inta pinaké monimu nogaid kon onu inta kinoibog in intau mita inta diá nonotaau kon i Tuhan. Diá mopia in kobobiag monimu. Moiko in dinumudui kon ibog in awak, monginum dapot in moḷoḷangu, umuran mogaid kon rame inta diá in baragunanea, monginum moyotakin bo mosumba kon berhala inta ilarang i Tuhan.

PETRUS 1 4:3 ပူးပေါင်းရင်းမြစ်များ

SAMUEL 2 13:28

Nomarenta in sia kon bobantungnea mita, “tarukira kopia, aka ki Amnon ain noḷoḷangu popisí in nonginum kon anggur, akuoi in mobogoidon in topotundú, bo ḻimodon in sia. Dika moondok. Akuoi in mobaba kon bayongan tua. Pokobaranibí in mogaid kon tua bo dika moondo-ondok!”

DATU MITA IMITÁNEA 21:26

Ki Ahab nogaid kon dosa mita inta totok in mokooyá: Nosumba in sia kon berhala ná inta pinomia in intau in Amori, intau mita inta ain pinoguntun i Tuhan iḻumuai nongkon butá in Kanaan kon dodai in intau in Israel tumuotdon kon butá tatua.

TAWARIKH 2 15:8

Naonda in kinodongogan i Asa in tosingogon i Azarya ki adí i Oded tua, nomukádon in baraninea. Noḷumbúdon in sia kon bayongan in berhala kon butá in Yohuda bo Benyamin, bo kon kotá mita inta ain sinaḷownea kon Buḷud in Epraim, bo sinompianeadon in Mezbah i Tuhan inta kon palas in Baḷoi Tuhan.

YESAYA 28:7

Nabi mita doman bo imang mita in noḷoḷangu popisí in noiḻiudon bayong in anggur bo arak in ininum. Moibambodon in mosia in mayá bo moipintudon magí-mako sin notombaukdon in raian monia. Nabi mita in diádon momangaḻe kon oontongon mita inta inogoi i Allah kon i monia. Imang mita diádon motaau mopoyotutui kon pelekara mita inta kon tayowon monia.

YESAYA 5:11

Moboditodon in moiko! Nongkon doḷo-doḷom nodapot in doḷom oaidanmu tongábí monginum kon oinumon inta mokoḷoḷangu bo moḷoḷangu.

YESAYA 65:4

Kon tungkuḷ in doḷom mosia in mayá in angob mita bo poḷoḷobongan sin mopoigum in tonggina mita in dimukud mita. Mosia in mokaan kon tapú in boké bo monginum kon tubig mita in ponoyá inta poton.

YEREMIA 16:11

Potaaudon kon i monia kon Akuoi in noguman nanaa, ‘Mogoguyangmu ain nonaḷámai kon i-Nakó sin mosumba bo moibada kon ilah mita ibanea. Mosia in nonaḷámaidon kon i-Nakó bo doí tumoḷutui kon atorang-Ku mita.

YEREMIA 16:18

Dosa bo aid monia moraat in tuḻían-Kubí pongin hukuman kodua noguntuḷ, sin mosia in noponajisdon kon butá-Ku takin berhala mita. Berhala mita tatua in diábí konyawa naonda bo mayat.”

YEHEZKIEL 44:6

Pogumandon kon umat in Israel inta moibog momarontak tua kon Akuoi, ki Tuhan Inta Totok in moḷantud, doí bidon in mopomayá mako kon i monia momia kon inta nonajis.

YEHEZKIEL 45:9

Ki Tuhan Inta Totok in moḷantud in noguman, “Tugatdon in dosamu mita, ei mongongawasa mita in Israel! Gogaiaidon in dodiamu inta mopomia ibo-ibog bo mondorot kon rayat tua. Aidaidon in onu inta moitutui bo moadil. Dikadon mokoimontanmai in moiko in mopoguntun kon umat-Ku nongkon butá monia. Akuoi, ki Tuhan Inta Totok in moḷantud in nomarenta kon tua kon inimu.

MARKUS 7:22

monuaḻing, monguboḷ, moponapud in diá totuu, bo mogaid kon bayongan inta moraat, modunia, diá koendar, mointoi, mokaḷakuang, bo moyoyiga didikon.

OUMAN IN RASUL MITA 17:30

Oaid mita naton inta diá mopia inta koḻipod ain bidon iḻiong i Allah, asaḷ bo tanaa mako kita bo bayongan intau kon dunia, mogogaidon in mogaid kon dosa mita.

SURAT I PAULUS KON JAMAAT RUM 13:13

Musti in kita mogaid kon soaḷ mita motompia ná inta biasamai aidan in intau kon tungkuḷ in mobayagpa. Dika mogaid kon rame inta moiḻiu, ande moḷoḷangu. Dika mogaid kon inta mokoromú ande oaid inta diá koendar. Dika moporopatoi, bo dika mosiintoian.

KORINTUS 1 12:2

Toropdon, kon wakutu in moiko diápa nonotaau kon i Tuhan, moiko in umuranpabí dinumudui kon berhala inta bobó.

KORINTUS 1 6:11

Koḻipod oyúon in kon sigad monimu in umuran mogaid kon natua mita. Táe tanaa in poniatadon kon nodaritdon in moiko nongkon bayongan oaid inta diá mopia. Moiko in nobaḻídon umat i Allah inta piniḻí-Nea. Moiko buidon noyobayat i Allah, sin nopirisayadon kon i Tuhan Yesus Kristus bo popisí kawasa doman in Roho inta nongkon i Allah naton.

KORINTUS 2 12:21

Moḻia-ḻiaw doman in ginaku sin dikabo naonda in akuoi mamangoi bui, popoompáan i Allah in akuoi kon tayowon monimu, bo mongombaḷ in akuoi sin nobayongdon in kon sigad monimu in nogaid kon dosa wakutu intua bo diápa doman nobaḷui, bo tantúpa doman nogaid kon oaid mita inta moraat totok bo inta diá patus aidan i intau inta mopirisaya.

GALATIA 5:19

Ibog in awak naa ontongon bidon kon oaid mita inta diá mopia, bo moraat bo inta diá doman patus aidan in intau.

GALATIA 5:21

diá mosanang in gina aka mokoontong kon intau ibanea noiḻiu kon batangan, umuran monginum kon inta mokoḷoḷangu, moibo-ibog in rame bo noyagi-yagipa doman in koibog monia. Kon bayongan oaid natua, buikupa doman tongginaan in moiko, ná koḻipod kon tantú mokopoingat, sin intau mita inta nogaid kon soaḷ mita natua diábí mobaḻí umat i Allah.

EPESUS 5:18

Donaai in moiko moḷoḷangu in anggur, sin tua in mokogoguyaat kon i monimu, táe ramujidon bá Roho i Allah in mongawasa kon i monimu.

TESALONIKA 1 4:5

Donaaibí dumudui kon ibog awak in batangan ná oaid in intau mita inta diá nonotaau kon i Allah.

TITUS 3:3

Sin koḻipod in kita tontaní in nobodokbí doman, diá noitutui bo diá motoindudui. Kita sinonggata in norupa-rupamai in ibog in awak naa ande in dunia naa; kita in noyobiag takin niat mita inta moraat, tantú mointoi bo mososaturuan.

PETRUS 1 1:14

Kotoinduduidon kon i Allah, bo donaaidon mobiag podudui in ibogmu koḻipod, wakutu i moiko diápa nonotaau kon i Allah.

YUDAS 1:4

Sin diá kinotaa-taauanmai, naanta oyúon bidon in intau mita ibanea inta umuni-uni mako bo sinumuot kon yua-yuak naton. Mosia tua in intau mita moraat inta mopoyotuuy in habar soaḷ totabi i Allah naton. Makusud monia tua in motayakbí kon kasampatan mopoaid in onu inta kinoibog in awak monia. Mosia tua in diá mopirisaya kon ki Yesus Kristus tua in mongongawasa bo Tuhan naton. Nongkon tungkuḷpabímai hukuman kon i monia tua aindon pinotaau muna kon bonu in Buk Motusi.