PETRUS 1 4:18 - Alkitab Singog In Mongondow Masa In Tanaa

¹⁸ Kon bonu in Buk Motusi ain pinais nanaa, “Aka intaupa mita inta mopia mororiga doman totok in posaḷamaton, yo onudon degá in mobaḻí kon i monia inta diá mopirisaya kon i Tuhan bo inta mogaidmai kon dosa!”

PETRUS 1 4:18 ပူးပေါင်းရင်းမြစ်များ

KINOBAḺIAN 13:13

Kotá in Sodom tua pinogutunan in intau mita inta totuu mongoraat bo totok in binaradosa kon tayowon i Tuhan.

AMSAL 11:31

Aka kon dunia naa bo intau mopia in mokouḻí kon tontuḻínea, yo notantú bidon kon intau moraat bo binaradosa in mokouḻíbí kon hukuman.

YEREMIA 25:29

Akuoi in momangkoidon kon porimumudan tatua nongkon kotá-Ku tontaní. Dika modapot in mosia in moguman kon mosia in diábí hukumon. Mosia in notantú bidon kon hukumon sin Akuoi in mopoangoibí in parang kon bayongan in bangusa kon sinangkub in dunia. Akuoi, ki Tuhan Inta Totok in mokawasa, ain nosingog.

YEHEZKIEL 18:24

Táe aka intau mopia bo diádon mogaid kon inta mopia, modapotbí in momangkoidon momia kon inta moraat bo bayongan in aid inta mokorongó inta biasamai aidan in intau moraat, yo degá umuran in sia mobiag? Diá! Nongkon bayongan in aidnea inta mopia yo diá bidon tobatúmai in toropon bui. Sia in matoibí popisí in nogaidon kon dosa bo diá motoindudui kon i-Nakó.

ZAKHARIA 13:9

Tongádon 1/3 nea in mosaḷamat. Bo mosia tua in potusion-Ku naonda bo saḷaka inta pinomurni in tuḷú. Mosia in ujion-Kubí naonda bo intau moguji kon buḷawan. Bo mosia in mosambayang kon i-Nakó, bo tubagan-Ku in mosia. Akuoi in moguman kon i monia kon mosia in umat-Ku, bo akúon doman monia kon Akuoibí in ki Tuhan Allah monia.”

LUKAS 15:1

Kon singgai tobatú, nobayong in mononagi kon pajak bo intau mita baradosa ibanea namangoi kon i Yesus, sin mokidongog kon i-Nia.

LUKAS 23:31

Sin aka kayupa inta nobiag tatua, pomiaandon in intau ná tanaa, yo bambíkabí kayu inta noingkagdon! Onudon in pomiaan monia?”

OUMAN IN RASUL MITA 14:22

Kon kotá mita tatua mosia in minayá noginrigon kon gina in intau mita inta mopirisaya kon i Yesus bo nononggina sinbá umuran mopirisaya kon i Yesus. Nanaa in tonggina monia tua, “Munapabí moantó in roriga mouḻí naton, bain tua bo mokorasa kon kopiaan kon Dunia Mobagu i Allah.”

OUMAN IN RASUL MITA 27:24

Bo noguman, ‘Dika moondok, Paulus! Sin moyotayowbí i Kaisar in iko. Bo totuubí kon popisí in totabi i Allah kon inimu dá bayongan in intau kon kapaḷ tanaa inta noyotakinmu mosaḷamatbí komintan.’

OUMAN IN RASUL MITA 27:31

Tuamai in ki Paulus in noguman kon porwira tatua takin tontaranea mita, kai-nia, “Aka intau mita inta norogaid kon bonu in kapaḷ tatua bo diá tantú kon kapaḷ, yo moiko komintan in diábí mosaḷamat.”

SURAT I PAULUS KON JAMAAT RUM 1:18

Nongkon soroga ki Allah in nopoontong in torú-Nea kon bayongan dosa bo oaid inta moraat, sin aid inta moraat tua in moḷamboi kon intau monotaau kon totundú mobanar soaḷ ki Allah.

SURAT I PAULUS KON JAMAAT RUM 5:6

Wakutu in kita diádon kodaya, ki Kristus in pinokurubandon sin kopontingan naton pinotombubung kon wakutu inta ain sinantú i Allah; bokaka kita in intau mita inta noyayú nongkon i Allah.

SURAT I PAULUS KON JAMAAT RUM 5:8

Táe ki Allah in noponiatadon in tabi-Nea kon i naton, kon dodai in ki Kristus pinokuruban sin kopontingan naton, kon dodai in kita binaradosapa.

KORINTUS 1 10:12

Bo intau inta monganggap moropot in sia, musti mokopopia; dika bo moḷabú.

TIMOTIUS 1 1:9

Tantú mustibí kotaauan naton kon hukum i Musa in pinomia deemanbí pinopomakusud kon intau mita inta mopia, táe kon i moniabí inta moibog momaḷawang kon hukum, kon i monia inta moraat, kon i monia inta diá mopirisaya kon i Tuhan, kon i monia inta umuran mogaid kon inta noitaḷá, kon i monia inta tongá umuran morai kon in dunia naa, kon i monia inta diá nonotaau in agama, kon i monia inta moḷoḻimod kon guyanga ḷoḷaki bo bobay, bo inta kino ḻimo-ḻimodnea kon intau,

IBRANI 4:1

Dandi i Allah tatua in umuranpabí pakéon, bo kita in ogoianbí in pogogaian inta pinodandi-Nea tatua. Manangka intua kita in musti umuran kiḷuka-ḷukadmai sinbá diá in tobatúmai kon sigad monimu in diá mokouḻí kon pogogaian inta pinodandi-Nea tatua.

YAKOBUS 5:6

Moiko in mohukum bo moḻimod kon intau mita inta diá kotaḷá, bo mosia in diá momaḷawang kon i monimu.

PETRUS 1 5:8

Mokopoingatdon bo umuran pobasadia in moiko! Sin Ibilis inta saturumu in maya-mayá mako naonda bo singa inta sindaḷan moganggor motayak kon onu inta motaaunea kaanon.

PETRUS 2 3:7

Táe ḷangit bo butá in umuranpa oyúon in tanaa mako, iḷukadandon in singog i Allah nongkon tuḷu sin popogoḷat kon singgai ponantúan bo koyoyangan in intau mita inta moraat.

YUDAS 1:15

sin mohakim kon bayongan intau. Ki Tuhan in mohukum kon intau mita moraat popisí in oaid mita monia inta moromú. Bo hukumon-Neabí in intau mita baradosa bo inta modurhaka inta umuran mopoyaput in singog pohojat kon i Tuhan.”

SAMUEL 1 15:18

apa doman ki Tuang Datu in pinotabádon i Tuhan moyopú kon intau in Amalek inta moraat tatua. Ki Tuang Datu in pinotabá moparang moḷawang kon i monia modapot in mosia moyopú komintan.