PETRUS 1 4:14 - Alkitab Singog In Mongondow Masa In Tanaa

¹⁴ Kopiabí in gina monimu aka singkuḻeon sin popisí in mopirisaya kon i Kristus, tua in mangaḻenea Roho momulia inta Roho i Allah in umuranbí kotaki-takin monimu.

PETRUS 1 4:14 ပူးပေါင်းရင်းမြစ်များ

DATU MITA IMITÁNEA 10:8

Totuu mountung in ki buḷoi mita i Tuang! Bo totuu momujur in pogawai mita inta umuran mogaid kon i Tuang sin mokodongogdon kon bayongan totundú inta mobijaksana nongkon i Tuang tontaní!

DATU MITA 2 2:15

Nabi kon Yerikho inta ḻima nopuḷú tatua in nokoontong kon inia, bo noguman, “Kawasa i Elia in pinampingdon kon i Elisa!” Mosia in namangoi kon inia bo sinumungkud kon tayowonnea

MAZMUR 146:5

Pia in kamang in intau inta mopongata kon i Tuhan Allahnea, bo ki Allahnea in ki Allah i Yakub saḷaku mototuḷungnea.

MAZMUR 49:9

Onuka in ogoinea diábí mokotugat; moiḻiu in ḷantud in boḻi in tontobut kon nyawanea,

MAZMUR 89:51

Toropdon kaasí o Tuhan, naonda in pinongongempeng kon mogogundoi-Mu naa, akuoi in nobaba kon singkuḻe in nobayong in bangusa.

YESAYA 11:2

Kawasa i Tuhan in mokapit kon inia, mopobaḻí kon inia mopia bo mobijaksana, mopandoi monimpod kon tosingogon bo mopoaid intua; monotaau kon ibog i Allah bo mopirisaya kon i-Nia.

YESAYA 25:8

Ki Tuhan Inta Totok in mokawasa in monginggamábí kon popatoi modapot in mononoi! Sia in momopatbí kon ḷuá nongkon bayongan in pogot, bo mopoyayú in kohohina inta binaba in umat-Nea kon sinangkub in butá. Ki Tuhan ain nosingog, bo tua in notantúbí kon mobaḻí.

YESAYA 51:7

Indongogaidon in Akuoi ei bangusa-Ku, kinotaauanbí monimu onu in totuu; totundú-Ku in noitagú kon bonu in ginamu. Dika moondok aka moiko singkuḻeon in intau, dika moḻia-ḻiaw in gina aka moiko singkuḻeon monia.

MATIUS 5:11

Pia in kamang i moiko, inta popisí in Akuoi, moiko siningkuḻe bo pinogutú takin pinoponapudan inta moraat.

MATIUS 5:16

Natua doman bayagmu musti monindar kon tayowon in intau, sinbá ontongon monia in oaidmu mita inta mopia bo modayow kon i Amámu inta kon soroga.”

LUKAS 6:22

Pia in kamang in moiko aka moiko sinaturu, diá sinarima, siningkuḻe bo pinoponapudan doman in uboḷ, sin popisí in moiko dumodudui i Adí Intau!

YOHANES 15:21

Bayongan tua in daitonbí monia popoaid kon i monimu, sin moiko in dumodudui-Ku, bo diábí kinotaauan monia in Sia inta nopotabá kon i-Nakó.

YOHANES 8:48

Itoi mita in Yahudi tatua in notubag kon i Yesus, “Totuubí in singog nami kon Iko nion intau in Samaria inta kinotoḷangan in dimbuḷó!”

YOHANES 9:28

Dá sinibáan monia in sia bo poḷat noguman, “Ikobí in dumodudui-Nea; kami in deemanbí! Kami in dumoduduibí i Musa.

YOHANES 9:34

Dá tubag monia kon inia, “Onu? Iko inta nopuḻing in dosa nongkon noilahirpamai, iko in moibog motundú kon inami?” Dá mulaidon singgai tuata sia in diádon inogoi monia sinumuot kon baḷoi pososambayangan.

OUMAN IN RASUL MITA 13:45

Wakutu in inontong intau mita Yahudi in intau moantó tatua, mosia in totok nointoi. Totok monia singkuḻeon in ki Paulus bo toko bayowan monia onu in pinogumannea.

OUMAN IN RASUL MITA 18:6

Táe barang intau mita kon tua umuran moḷawang poḷat moningkuḻemai kon inia, dá sinoko topiranneadon in ḷobud kon ḷambungnea mita, saḷaku tanda mobogoi in tompoingat kon taḷá mita monia. Bo sia in noguman, “Aka mobodito in moiko, yo dongka bidon taḷá monimu tontaní! Pomayáku bidon mako! Tanaa mako akuoi in mayádon kon intau mita inta deeman Yahudi.”

OUMAN IN RASUL MITA 28:22

Táe kami in moibogbí doman mokidongog nongkon inimu tontaní kon onu inta pinirisaya bo sinundúmu tua sin ain dinongog nami komintan, kon bayongan inta sinundúmu bo inta pinirisayamu nion tatapbí bayowan monia kon ondakabí in bayáanmu.”

OUMAN IN RASUL MITA 5:41

Rasul mita tatua in nobuidon nongkon sidang agama tatua takin pia in gina, sin kinotaauan bidon monia kon natuabí in mobaḻí dumodudui i Yesus. Patusbí in mosia motarima kon singkuḻe lantaran ki Yesus.

KORINTUS 2 12:10

Tuamai mopiabí in ginaku aka umuran moḻemé nanaa in kaadaan in awakku. Bo mopiabí doman in ginaku aka lantaran ki Kristus, akuoi in poponapudan in uboḷ, mokorasa kon rupa-rupa yoyiga, aḷo-aḷowan mako pogutúon. Sin aka korasaanku bo diádon mokopongonu in akuoi, yo kon wakutupa doman tuata bo oyúon ropot in korasaanku.

KORINTUS 2 4:10

Tantúdon kinorasaan nami in popatoi inta kinorasaan i Yesus, sinbá kobobiag-Nea moniatadon doman kon awak nami.

KORINTUS 2 4:16

Manangka intua diábí moḻia-ḻiaw in gina nami. Umpaka kosikisa-sikisadon, táe gina nami in tantúbí toimbaguon pomuḷoi in singgai.

GALATIA 1:24

Dá mosia totokdon in nodayow kon i Allah sin akuoi in nopirisaya domandon kon tua.

IBRANI 11:26

Irai Musa kon diábí nongonu in singkuḻeon sin mopirisaya kon i Datu Mopoposaḷamat inta pinodandi i Allah dika in mokouḻí kon bayongan kapunyaan kon butá in Mesir, sin iharap mako i Musa tua in kapunyaanbí kon singgai moiduduimai.

YAKOBUS 1:12

Kosanangdon in intau inta motaba wakutu in kinoantugan in sobaan. Sin aka sia bo mokotahangdon kon sobaan tatua, yo tarimaanneabí in bungainea. Bungainea tua in kobiagan inta ain pinodandi i Allah kon intau inta motabi kon i-Nia.

YAKOBUS 5:11

Mosia in sinangoi nosanang sin notaba. Dinongogdon monimu in soaḷ kososabar i Ayub, bo kinotaauan monimu kon pangabisannea binarakatan i Tuhan in sia. Sin tabi i Tuhan in totok moḷoben bo Sia in mopia in gina.

PETRUS 1 2:12

Kopiaan in oaidmu kon sigad in intau mita inta diápa nonotaau kon i Tuhan, sahingga in aka singogon monia kon iko in intau moraat, yo koontongandon monia in oaidmu inta mopia, dá modayowdon in mosia kon i Allah kon singgai koangoian-Nea.

PETRUS 1 3:14

Táe umpaka mokorasa kon roriga lantaran mogaid kon soaḷ mita inta mopia, táe mountungbí in moiko! Manangka intua donaaibí moondok kon i inekabí bo donaai doman umuran moḻia-ḻiaw in gina.

PETRUS 1 3:16

Táe koaḷusbí in pototubag takin horomat. Ginamu in musti totu-totuu motuḻid, sinbá aka poponapudan uboḷ in moiko lantaran nobiag notompia saḷaku dumodudui i Kristus, dá intau inta noponapud in uboḷ tatua kon inimu buibí mooyá tontaní.

PETRUS 1 4:16

Táe aka moiko bo rorigaan popisí in mopirisaya kon i Kristus, dá dikabí in moiko mooyá. Posukurdon kon i Allah, sin moiko in nodia kon tangoi i Kristus.

PETRUS 2 2:2

Táe umpaka natua, yo mobayongpa doman in intau dinumudui kon kobobiag in intau mita inta deeman totuu guru inta kinawasaandon ibog in awak monia. Aid monia tatua totok in mokopopisí kon mobayong in intau moningkuḻe kon Daḷan Mobanar inta mopobayá kon i Allah.