PETRUS 1 3:6 - Alkitab Singog In Mongondow Masa In Tanaa

⁶ Natuabí doman in ki Sara. Sia in motoindudui totok kon i Abraham ki buḷoinea, bo sinangoinea doman ki tuangnea. Moiko nion ki adíbí mita i Sara, aka umuran mogaid kon mopia bo diá doman moondok kon yagi-yagi.

PETRUS 1 3:6 ပူးပေါင်းရင်းမြစ်များ

KINOBAḺIAN 18:12

Tuamai ki Sara in kinumosing kon bonu in ginanea bo noguman, “Akuoi naa ain nogoguyang bo noḷaotdon nanaa, yo umpaka mosiugpa doman moyotakin i buḷoiku? Apapa doman ki buḷoiku nogoguyang domandon.”

KINOBAḺIAN 18:15

Pinopisí in moondok, dá ki Sara in nomayow, kainia, “Akuoi in diábí kinumosing.” Táe ki Tuhan notubag, “Iko in kinumosingdon in koina.”

MAZMUR 45:11

Ei adí bobay, indongogaipa in tosingogonku mita, ḻiongdon in bangusa bo inanakanmu.

YESAYA 57:11

Ki Tuhan in noguman, “Ki ine in dewa mita tatua inta nopobaḻí kon i monimu moondok, dá moiko in monguboḷ bo diádon mokotorop kon i-Nakó? Eta degá moiko in diádon mosumba kon i-Nakó popisí in Akuoi noonggot totok in kibio-biómai?

OUMAN IN RASUL MITA 4:19

Táe ki Petrus bo ki Yohanes in noguman kon i monia nanaa, “Raidon monimu kopia mongo onda in mopia-pia kon tayowon i Allah: Dumudui kon parenta monimu mongo dumudui kon parenta i Allah.

HAKIM MITA 19:26

Naonda in subudon bobay tatua nobui, táe kon tayowon ngara in baḷoi in guranga tatua, baḷoi inta pinogogaian i buḷoinea ḷoḷaki, noumpag in sia bo diádon nonotaau in intau. Naonda in mata in singgai nomukádon kon tuapa doman in sia.