PETRUS 1 2:9 - Alkitab Singog In Mongondow Masa In Tanaa

⁹ Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.

PETRUS 1 2:9 ပူးပေါင်းရင်းမြစ်များ

MAZMUR 106:5

Igumon mako akuoi mokoontong kon kobiagan motompia in intau mita inta piniḻí-Mu bo moḷunganga moyotakin in umat-Mu. Igumon mako akuoi moyunggagá bo mopia in gina moyotakin in intau mita inta nobaḻí umat-Mu.

MAZMUR 118:27

Ki Tuhan in ki Allah, Sia in mopia in gina kon inaton. Bayádon in muna moyotakin kokada-kadai in tanga, bo ḻibudon in mezbah i Tuhan.

MAZMUR 135:4

Ki Yakub in piniḻí-Nea kon i-Nia, umat in Israel binaḻí kapunyaan-Nea.

MAZMUR 22:30

Bayongan in intau moḷoben in tumungkudbí kon tayowon-Nea, bayongan in intau mato-matoi in tumonsiupbí mosumba kon i-Nia.

MAZMUR 33:12

Pia in kamang in bangusa inta nongaku kon ki Tuhan in ki Allahnea, pia in kamang in umat inta piniḻí-Nea nobaḻí kapunyaan-Nea!

MAZMUR 73:15

Aka kuma bo akuoi in moguman natua, yo akuoi in nonoḻikudon kon adímu mita.

YESAYA 26:2

Bukádon in bonawang mita, sinbá tumuot in bangusa inta motoindudui, bangusa inta nogaid kon onu in kinoibog i Allahnea.

YESAYA 41:8

Táe iko, Israel, mogogundoi-Ku, umat inta piniḻí-Ku, iko in buí i Abraham, yobayat-Ku.

YESAYA 42:16

Bangusa-Ku inta bilog in kapiton-Ku pongin daḷan inta diá kinotaauan monia; mosia in diaan-Ku kon daḷan mita inta diá kinotaauan monia. Sindip baḻíon-Ku bayag kon i monia, bo daḷan inta notangkaḻembong in tondodaion-Ku. Tuata in aidan-Ku kon i monia, bo notantú bidon kon aidan-Ku.

YESAYA 44:1

Ki Tuhan in noguman, “Indongogaidon, ei Yakub mogogundoi-Ku, ei Israel, umat inta piniḻí-Ku!

YESAYA 61:6

Moiko in tangoionbí mogogundoi i Allah bo tangoion imang i Tuhan naton. Moiko in mokaanbí kon kaoyúonan in bangusa mita bo mopia in gina popisí in kapunyaan monia.

YESAYA 62:12

Mosia in tangoionbí: ‘Umat motusi’; ‘Umat inta pinosaḷamat i Tuhan’. Yerusalem in tangoiondon ‘Kotá inta dinondouḷugan i Tuhan’, ‘Kotá inta diá bidon sinaḷáan i Tuhan’.

YESAYA 66:21

Tongosilai in kon sigad monia in baḻíon-Ku imang bo intau in Lewi.

YESAYA 9:2

Tuhan, inogoian-Mu in mosia in ḷunganga moḷoben, Binaḻí-Mu in mosia norogiow. Nopia totok in gina monia popisí in kopopia-Mu, naonda bo intau inta noḷunganga in gina kon tungkuḷ in nosipun kon bungai in boyó, andeka nosilai kon inta inagow kon parang.

MALEAKHI 3:17

Ki Tuhan Inta Totok in mokawasa in noguman, “Mosia in mobaḻí umat-Ku. Kon singgai Akuoi mopobayá in oaidan-Ku, mosia in mobaḻí umat inta totok in kinotabi-Ku. Kotabi-Kubí in mosia, naonda bo guyanga ḷoḷaki motabi kon i adínea inta nogaid dinumudui kon ibognea.

MATIUS 4:16

Bangusa inta nobiag kon bonu in sindip, mosia aindon nokoontong kon bayag inta moḷoben! Bo mosia inta nogutun kon ḻipú inta kinokoḷubungan in maut nomukádon in bayag!”

MATIUS 5:16

Natua doman bayagmu musti monindar kon tayowon in intau, sinbá ontongon monia in oaidmu mita inta mopia bo modayow kon i Amámu inta kon soroga.”

LUKAS 1:79

natua in Sia monimbayag kon bayongan intau inta nobiag kon sindip bo inta umuran moondok. Sia in nodia kon i naton mayá mongin daḷan inta mopobayá in tampat inta mopia.”

YOHANES 17:19

Popisí in kopontingan monia, Akuoi in noposarakandon in awak-Ku saḷaku kapunyaan i Amá sinbá mosia in tongá doman mobaḻí kapunyaan-Ku pongin inta nobanar nongkon i Amá.

OUMAN IN RASUL MITA 20:28

Manangka intua yo mokopopiadon in moiko bo umuran moḷukad kon awak monimu bo poḷat doman ḷukadai in bayongan umat i Allah inta ain pinosarakan i Allah kon i monimu sinbá ḷukadan. Sin moiko nion ain sinantú in Roho i Allah mobaḻí moḷoḷukad bo mononompia kon umat i Allah inta ain sinobut-Nea in dugú i Adí-Nea tontaní.

OUMAN IN RASUL MITA 26:18

mobuká kon mata monia, sinbá mobuká in mata monia bo mokoontong kon inta mobayag; bo diádon kopongaruan in Ibilis táe tongádon tantú kon bonu in kawasa i Allah. Sin aka mopirisaya kon i-Nakó, yo dosa mita monia in tokoampunganbí bo mobaḻíbí umat mita inta piniḻí i Allah in mosia.’ ”

OUMAN IN RASUL MITA 26:28

Dá ki Agripa in noguman kon i Paulus, “Kainimu kamai dá mogampangbí in akuoi mobaḻí intau Keresten?”

SURAT I PAULUS KON JAMAAT RUM 9:24

Kitabí naa inta ain inoiní-Nea. Deemanbí tongá intau in Yahudi, táe bangusabí doman mita ibanea.

KORINTUS 1 3:17

Aka oyúon in momogutú kon Baḷoi i Allah, yo pogutúonbí doman i Allah in intau tatua. Sin Baḷoi i Allah in tongábí Baḷoi-Nea tontaní, bo moikobí nion in Baḷoi i Allah inta imakusud naa.

EPESUS 1:14

Roho tatua in nobaḻí jaminan kon kita in motarimabí kon onu inta ain pinodandi i Allah kon umat-Nea. Tanaa mobogoi in koyakinan kon i naton kon pobebasonbí i Allah in umat-Nea. Dinayo-dayowdon in ki Allah sin oaidan-Nea inta totok moḷoben tatua!

EPESUS 1:6

Dinayo-dayowdon in ki Allah inta mokawasa, sin tabi-Nea inta totok in moḷoben kon i naton pinoniata-Neadon pinongin i Adí-Nea.

EPESUS 3:21

Ki Allah in musti umuran dayowon, modapot kon adí bo ompu kon bonu in jamaat, pongin i Yesus Kristus. Dinayo-dayowdon in ki Allah modapot in kopaḷutannea! Amin.

ULANGAN 10:15

Táe tabi i Tuhan kon mogoguyang monimu ná domai tua in koḷoben, nodapot in nongkon sigad in bayongan bangusa moikodon nion in piniḻí-Nea, bo nodapotpabí in masai in tanaa moiko in umat-Nea inta kinopiḻían.

ULANGAN 14:2

Moiko nion in kapunyaan i Tuhan Allahmu; nongkon bayongan in bangusa kon dunia naa, moikobí nion inta piniḻí i Allah nobaḻí umat-Nea.”

ULANGAN 18:2

Mosia in diábí motaau kobutá ná suku mita ibanea, sin ki Tuhanbí in nobaḻí silai budel monia, ná inta pinodandi i Tuhan kon i monia.

ULANGAN 4:20

Táe moiko in bangusa inta pinosaḷamat-Nea nongkon Mesir, tampat inta kinororigaan totok monimu. Moiko in dinia-Nea iḻumuai nongkon butá tatua, sinbá mobaḻí bangusa-Nea tontaní ná kaadaanmu tanaa mako.

ULANGAN 7:6

Aidaidon in tua komintan sin moiko nion in kapunyaan i Tuhan Allahmu. Nongkon bayongan bangusa kon dunia naa, moikobí nion inta piniḻí i Tuhan Allahmu mobaḻí umat inta sinondí kinotabi-Nea.

PILIPI 3:14

Tuamai umuran in akuoi moribatuk mogaḷow mopobayá in tujuan pangabisan sinbá mouḻíku in tombuinag, tuata in kobiagan kon soroga; sin tuabí in mangaḻe pinogoinían i Allah kon i naton inta pinongin i Kristus Yesus.

KOLOSE 1:13

Pinilatan-Neadon in kita nongkon kawasa inta nosindip bodongka pinamping kon bonu in dodatuan i Adí-Nea inta kinotabi-Nea.

TIMOTIUS 2 1:9

Ki Allah in noposaḷamat bo nogoiní kon i naton bá mobaḻí umat inta kinotabi-Nea. Tua in inaidan-Nea, deemanbí pinodoyon kon oaid naton mopia, táe pinodoyon-Neabí kon makusud-Nea tontaní bo totabi-Nea inta pinongin i Kristus Yesus kon wakutupa in dunia naa diápa pinomia.

TITUS 2:14

Sia tuata inta ain noposarakan in awak-Nea sin mopoḷuat kon i naton nongkon bayongan inta moraat, bo kita in baḻíon-Nea tobatú umat inta noiḷuatdon nongkon kawasa in dosa bo tongádon mobaḻí umat-Nea inta morajing mogaid kon inta mopia.

PETRUS 1 2:5

Moiko nion in batu mita inta nobiag. Tuamai moiko in musti moibog pakéon pobaḷoi kon baḷoi i Allah inta kon soroga. Takin natua moiko in mobaḻí imang mita inta nobiag tongádon kon i Allah, bo inta pinongin i Yesus Kristus noposumba kon i Allah in kuruban inta mokosanang kon gina-Nea.

PETRUS 1 4:11

Intau inta mopoyaput in habar, sia mustibí mopoyaput in habar nongkon i Allah, intau inta mobantung kon intau ibanea, mustibí pakéonnea in ropot inta nongkon i Allah, sinbá kon bayongan in yagi-yagi ki Allah in dayowon pongin i Yesus Kristus. Sia tua in kitogi kamuliaan bo kawasa inta mononoi. Amin.

WAHYU 1:6

bo baḻíon-Nea tobatú bangusa in imang mita in kita, inta mogaid kon oaidan i Allah, ki Amá-Nea. Ki Yesus Kristus tuata inta momulia bo inta mongawasa modapot in kopaḷutannea. Amin!

WAHYU 20:6

Kosanangdon totok in intau mita inta noitakin biniag bui dungkuḷ tua. Mosia tua in patusbí mobaḻí kapunyaan i Allah. Sin popatoi induanea in diá bidon mongawasa kon i monia. Mosia tua in mobaḻí imang mita i Allah bo i Kristus, bo mosia in momarenta moyotakin i Kristus toribu notaong in koonggotnea.

WAHYU 5:10

Binaḻí-Mudon in mosia tobatú dodatuan inta nobaḻí imang mita, sinbá mosia in mogaid kon oaidan i Allah naton, bo momarenta kon dunia naa.”

SAMUEL 1 12:22

Ki Tuhan ain nongibot, kon Sia in diábí monaḷámai kon i monimu sin Sia ain nonantú kon umat-Nea tontaní.