PETRUS 1 2:24 - Alkitab Singog In Mongondow Masa In Tanaa

²⁴ Ki Kristusbí tontaní in notanggung kon dosa mita naton. Tua mita in sinanggung-Nea kon tudu in Kayu pinoyotaḻempang, sinbá kita in moipilatdon kon bonu in kawasa in dosa, bo mobiagdon podudui in ibog i Allah. Kekeb-Neabí mita tatua inta mokopia kon i monimu.

PETRUS 1 2:24 ပူးပေါင်းရင်းမြစ်များ

KINOBAḺIAN 22:6

Ki Abraham nopopotaan in kayu tatua kon obaga i Ishak, bo sia in nodia kon tosilad bo baga in tuḷú sin ponontuḷúan. Naonda in taya dua i adínea kon daḷan,

MAZMUR 147:3

Sia in mongundam kon intau inta kinobuḻian in kamang, bo mobakut kon kekeb mita monia.

MAZMUR 38:4

Motakit mobogat in akuoi popisí in torú-Mu; diádon in mosehat in kon awakku popisí in dosaku.

IḶUAIAN 28:38

Ḷambá buḷawan tatua musti pakéon i Harun kon pogotnea sinbá Akuoi, ki Tuhan, moibog motarima kon bayongan in sosumba inta dinia intau Israel kon i-Nakó, umpaka kon dodai in mosia nodia kon sosumba tatua mosia ain nogaid kon inta noitaḷá.

AMSAL 20:30

Moiḷanuimai pongalaman inta diá mopia momopat kon aid moraat, bo mondarit kon gina in intau.

YESAYA 53:11

Tuamai in ki Tuhan in noguman, “Naonda in nobaba mako kon roriga, sia in mosanangbí bo mopuas. Mogogundoi-Ku tua, inta mokosanang kon gina-Ku, ain nobaba kon hukuman in intau mobayong; pinodoyon kon inia Akuoi in mongampung kon i monia.

IMAMAT 16:22

Bembé tatua in modia kon bayongan dosa in bangusa Israel mopobayá in butá inta noḷogatdon bo diádon pinogutunan bo bembé tatua in buḻiandon kon padang gurun.

IMAMAT 22:9

Bayongan imang musti dumudui kon atorang mita inta inogoi-Ku. Aka diá dumudui, yo moitaḷádon in mosia bo matoi, popisí in noḷawangdon kon atorang mita inta motusi tatua. Akuoi in ki Tuhan, bo Akuoi naa inta ain nonantú kon i monia mobaḻí mogogundoi-Ku.

MALEAKHI 4:2

Táe kon i monimu inta motoindudui kon i-Nakó, kawasa-Ku inta mokosaḷamat in momukábí naonda bo mata in singgai, bo sindarnea in mokoundam. Moiko in moiḷuatbí bo mopia in gina naonda bo ki adí in sapi inta bagu pinoḷuai kon ḷantung.

PINOGIAPAN 18:22

Intau mita in Israel ibanea diá bidon motaau in dimiug kon Ḷoḷaigan tatua sinbá mosia diá mokopoangoi kon dosa bo hukuman matoi kon i monia tontaní.

MATIUS 27:26

Bo ki Barabas in pinoḷuaineadon bo inogoi kon i monia, táe ki Yesus in sinambokneapa muna; bodongka pinosarakannea sin pokipopakúdon kon kayu pinoyotaḻempang.

MATIUS 5:20

Tuamai, Akuoi in mosingog kon inimu: Aka iko bo diá mogaid kon onu inta kinoibog i Allah moiḻiu kon mototundú mita kon agama in Yahudi bo intau mita in Parisi, yo moiko in diábí mobaḻí umat i Allah.”

MATIUS 8:17

Tua mita in mobaḻí sinbá motompodon Pirman inta pinoyaput i Nabi Yesaya, nanaa, “Sia tua in nomotaan kon yoyiga bo mongundam kon panyaki naton.”

MARKUS 15:15

Moibog in ki Pilatus moposanang gina intau moantó tatua, dá pinoḷuaineadon in ki Barabas kon i monia. Onda intua sia nopotabá in intau nosambok kon i Yesus, bodongka pinosarakan sin popopakúdon kon kayu pinoyotaḻempang.

LUKAS 4:18

“Roho i Tuhan oyúon kon i-Nakó, sin Akuoi in ain piniḻí-Nea mopoyaput in Habar Mopia kon intau mita bogá. Sia nopotabá kon i-Nakó mopotaau in popoḷuaian kon intau mita kon sinokodakop bo mongundam kon mata in intau mita bilog; bo mopoḷuat kon intau mita inta sinokodorot

YOHANES 1:29

Nopoikoḷomai kon singgai, indoianmai Yohanes ki Yesus namangoi kon inia. Bo ki Yohanes in noguman, “Indoiai, tuata in ki Adí in Domba i Allah inta momopat kon dosa in dunia.

YOHANES 19:1

Onda intua ki Pilatus sinumuot bo nopotabá in intau nosambok kon i Yesus.

OUMAN IN RASUL MITA 10:35

Intau kabí nongkon onda, asaḷ bo moibog in mogaid kon inta kinoibog-Nea, yo tuabí in kinosanang in gina-Nea.

OUMAN IN RASUL MITA 10:39

Kamibí naa inta ain nokoontong tontaní kon onu in pinomia-Nea kon butá in intau Yahudi bo kon Yerusalem. Táe umpaka natua pinopopakúbí monia in Sia kon kayu pinoyotaḻempang bo iḻimod.

OUMAN IN RASUL MITA 13:29

Bo naonda in nopaḷutdon inaidan monia in bayongan inta ain noipais kon bonu in Buk Motusi soaḷ Sia, pinopoponagdon monia in mayat-Nea nongkon kayu pinoyotaḻempang bodongka iḷobong.

OUMAN IN RASUL MITA 5:30

Ki Yesus inta aindon iḻimod bo pinopopakú monimu kon kayu pinoyotaḻempang tua in buibí biniag i Allah in mogoguyang naton.

SURAT I PAULUS KON JAMAAT RUM 6:11

Natua doman in moiko, musti monganggap minatoidon kon bonu in dosa bo mobiagdon motompia takin i Allah inta pinongin i Kristus Yesus.

SURAT I PAULUS KON JAMAAT RUM 6:13

Bo dika domandon posarakan in awakmu kon kawasa in dosa sin pakéonnea mogaid kon inta mongoraat. Táe posarakaidon in awakmu kon i Allah saḷaku intau inta ain pinamping nongkon kawasa in popatoi bo pinobayá in kawasa inta mokobiag. Posarakaidon in awakmu komintan kon i Allah sinbá pakéon mogaid kon onu in kinoibog-Nea.

SURAT I PAULUS KON JAMAAT RUM 6:16

Bá kotaauan monimu, kon aka moiko bo moposarakan in awakmu kon tobatú intau sin mogaid kon onu inta kinoibognea, yo moiko in mobaḻí bidon ata in intau inta dinuduian monimu tatua. Ata in dosa in modia kon i monimu mayá in popatoi, táe aka ata inta motoindudui kon i Allah yo tua in modiabí kon i monimu mayá in kobiagan.

SURAT I PAULUS KON JAMAAT RUM 6:2

Tantú diábí natua! Dosa in diá bidon nongawasa kon i naton, manangka intua kita diá bidon in motaau aka dongka umuran mogaid kon dosa?

SURAT I PAULUS KON JAMAAT RUM 6:22

Táe tanaa in moiko ain pinilatan nongkon kawasa in dosa bo nobaḻídon mogogaid mita kon oaidan i Allah. Kauntungannea kon tua moiko in nobiagdon umuran kon i Allah, bo bungainea kon tua in mokouḻí in moiko kon kobiagan inta mopia bo mononoi.

SURAT I PAULUS KON JAMAAT RUM 6:7

Sin aka intau bo ain minatoi; yo sia in pilatan bidon kon kawasa in dosa.

SURAT I PAULUS KON JAMAAT RUM 7:6

Táe tanaa in kita in diádon noitogot kon hukum in agama Yahudi. Kita ain bidon minatoi kon hukum inta koḻipod nongawasa kon i naton. Kita in diá bidon mobantung ná aid tungkuḷ intua, inta pinodudui kon hukum inta pinais. Táe tanaa kita in mobantungbí podudui in aid mobagu inta sinundú in Roho i Allah kon i naton.

KORINTUS 1 15:3

Onu inta ain pinotaauku kon i utatku mita, yo tuabí doman in sinarimaku. Inta totok in moponting, ná inta pinais kon bonu in Buk Motusi, akuoi ain nopotaau kon i monimu kon ki Kristus ain minatoi popisí in dosa mita naton;

KORINTUS 2 6:17

Manangka intua, taḷaaidon in intau mita inta diá nonotaau kon i Allah, bo pokopoyayúdon in moiko kon i monia. Donaaidon moibog moḻiai kon onu inta diá mopia, aka natua in moiko, yo tarimaan-Kubí.

GALATIA 3:13

Táe ki Kristus ain nomilat kon i naton nongkon kutukan in hukum i Musa tatua. Sia nopomayádon mako in awak-Nea tontaní kinutuk sinbá kita in mopilat kon kutukan. Sin kon Buk Motusi ain pinais, “Kinutukdon in intau inta minatoi binambé kon kayu pinoyotaḻempang.”

EPESUS 5:9

Sin nongkon bayag tuata momuká in bayongan oaid inta mopia, motuḻid bo mobiag totu-totuu kon tayowon i Allah.

PILIPI 1:11

Moiko in mobiag takin oaid mita inta totu-totuu mopia inta tongábí mouḻí nongkon i Yesus Kristus tontaní, dá ki Allah pomuliaan bo dayowon.

KOLOSE 2:14

bo pinopatan-Neadon in surat boboḻian kon i naton, inta mongancam kon i naton takin sarat mita inta mongobogat. Takin nopopakúdon in surat boboḻian tatua kon kayu pinoyotaḻempang, ki Allah in nomopat kon bayongan inta pinonapud kon i naton.

KOLOSE 2:20

Moiko ain minatoi noyotakin i Kristus, bo ain pinobebas nongkon roho mita inta nongawasa kon dunia naa. Dá nongonu sin moiko in nobiagbí ná intau inta kinawasaanpa in dunia naa? Nongonu sin moiko in dumuduipabí kon atorang mita ná tanaa:

KOLOSE 3:3

Sin moiko ain minatoi bo kobiaganmu noibuni noyotakin i Kristus inta notobatú i Allah.

IBRANI 10:10

Inaidandon i Yesus Kristus in onu inta kinoibog i Allah. Pinosumba-Neadon in awak-Nea tontaní saḷaku kuruban. Sia in noposumba in awak-Nea tatua tongábí komintan modapot in kopaḷutan dunia naa, táe onu in inaidan-Nea tatua, nondaritbí kon i naton nongkon bayongan in dosa.

IBRANI 10:5

Tuamai naonda in ki Kristus namangoi in dunia naa, Sia in noguman kon i Allah nanaa: “Iko in doí bidon in kuruban bo sosumba; táe sinadia-Mudon in awak kon i-Nakó.

IBRANI 12:13

Bo umurandon bayá kon daḷan inta motondodai, sinbá sioḷmu inta nopelong tua diá moḻitoi, táe mopia bidon.

IBRANI 7:26

Dá ki Yesusbí tua in Imang Moḷoben inta paraḷuon naton. Sia tua in nodaritbí kon bayongan in yagi-yagi, diábí in taḷá andeka dosa onukadon kon i-Nia. Sia in pinotondí nongkon intau mita inta dinosa, bo dinia pinoonik in tampat inta moḷantu-ḷantud nongkon ḷangit.

IBRANI 9:28

Natua doman in ki Kristus, tongábí komintan pinosumba saḷaku kuruban pinotobut kon dosa in intau mobayong. Sia in mamangoipabí bui, táe deeman bidon mamangoi mogimpaḷut kon persoalan dosa, táe dongka bidon moposaḷamat kon intau mita inta mogoḷat mako kon koangoian-Nea bui.

YAKOBUS 5:16

Tuamai moiko in musti mosi akuan kon taḷá bo mosi sambayangan, sinbá undaman in moiko. Sambayang in intau inta dinumudui kon ibog i Allah, moḷoben in kawasanea.

YOHANES 1 2:29

Kinotaauandon monimu kon ki Kristus in nobiag podudui in ibog i Allah. Tuamai musti kotaauan doman monimu kon pomuḷoi in intau inta nobiag podudui in ibog i Allah, ki adíbí mita i Allah.

YOHANES 1 3:7

Adíku mita, dika moibog in moiko poyayingon i inekadon. Sin intau inta nogaid kon onu inta kinoibog i Allah, mosia tuata in ki adí mita i Allah ná doman onda bo ki Kristus inta ki Adí i Allah.

WAHYU 22:2

inta kon yua-yuak in kotá tatua. Kon bingkí posiḷosi in ongkag tatua oyúon in pangkoi mita in kobiagan inta nomungai kopuḷú bodoyowá in totaong, tobuḷan komintan. Daunnea pinaké nongundam kon bangusa mita.