PETRUS 1 2:23 - Alkitab Singog In Mongondow Masa In Tanaa

²³ Wakutu in Sia sinibáan, Sia in diábí nonuḻí nonibá. Wakutu in Sia iroriga, diábí in Sia nodandi motuḻí; tua komintan in tongábí pinosarakan-Nea kon i Allah, Hakim inta totok i moadil tua.

PETRUS 1 2:23 ပူးပေါင်းရင်းမြစ်များ

KINOBAḺIAN 18:25

Donaaidon intau mita inta diá kotaḷá tua poyoyanúon ḻimodon takin intau mita inta kotaḷá. Donaai kaasí Tuhan! Sin aka aidan i Tuhan intua, yo intau inta diá kotaḷá tua in pasti hukumon doman moyotakin in intau mita inta kotaḷá. Umpaka hakim in dunia naa mogaid kon inta diá moadil!”

MAZMUR 10:14

Táe inontong-Mubí; Sinaridian-Mu in susa bo roriga, bo umuran mosadia motuḷung. Intau inta moyangkó moposarakan in kobiagan kon ini-Mu, Iko in umuranbí motuḷung kon intau nobogá.

MAZMUR 31:5

Poḷuatdon in akuoi nongkon potait inta sinaan kon inakó, sin Ikobí in pogogadopanku.

MAZMUR 37:5

Poandoḷdon in kobiaganmu kon i Tuhan, pongamangdon kon i-Nia, Sia in motuḷungbí kon inimu.

MAZMUR 7:11

Moḷoḷukadku in ki Allah inta moposaḷamat kon intau inta motuḻid in gina.

MAZMUR 96:13

Sin ki Tuhan in mamangoi momarenta kon butá, Sia in mohakimbí kon bangusa mita takin moadil bo mojujur.

YESAYA 53:7

Iromu-romúmai in pinogogaid kon inia, táe binabanea intua takin gina nosabar. Diábí in sia noposingo-singog naonda bo ki adí in domba inta dinia kon tampat pororataan andeka ki iná in domba inta kinarugan in bubuḷnea.

LUKAS 23:41

Tongá aka hukuman kon i natonda in patusbí tarimaan podudui in oaid naton, táe Sia naa in totokbí in diá kotaḷá!”

LUKAS 23:46

Bo ki Yesus in nomaḷú noropot totok, kai-Nia, “Amá! Kon bonu in kawasa-Mu, posarakan-Kudon in nyawa-Ku.” Nosingog mako natua in Sia minatoidon.

LUKAS 23:9

Tuamai onda in noyodungkuḷ totoknea in pinoḻibo-ḻibóanmai in Sia, táe diá tobatúmai in sinubagan i Yesus.

OUMAN IN RASUL MITA 17:31

Sin ain bidon sinantú-Nea in wakutu pongadilan kon bayongan intau kon dunia naa. Oaidan tatua aidan in tobatú intau inta ain piniḻí i Allah tontaní. Bo bá totu-totuu mopirisaya in bayongan intau kon soaḷ tatua, dá biniag bui i Allah in Sia nongkon kinopatoian-Nea!”

OUMAN IN RASUL MITA 4:29

Bo tanaa mako Tuhan, indoiaika in mosia mongancambí kon inami. Poigumon nami kon ini-Mu Tuhan, ogoiaipa in kabaranian in bobantung-Mu mita tanaa in mopoyaput in Pirman-Mu mita.

OUMAN IN RASUL MITA 7:59

Koyogot monia anduron batu, ki Stepanus in nosambayang nanaa, “Tuhan Yesus, tarimadon in rohoku!”

OUMAN IN RASUL MITA 9:1

Wakutu intua ki Saulus umuranpabí mogogondok bo moḻimod kon bayongan intau inta ain nopirisaya kon i Tuhan Yesus. Sia in minayá kon i imang moḷoben,

SURAT I PAULUS KON JAMAAT RUM 2:5

Táe moiko totok motogat in gina bo doí momaḷui kon gogutú. Dá mangaḻenea kon tua moiko bidon tontaní in modugang kon roriga in hukuman kon i monimu kon Singgai Tumi, aka popoontongdon i Allah in torú-Nea bo hukuman inta moadil.

EPESUS 6:9

Bo moiko utat mita inta nobaḻí tuang! Mokopopiabí kon gina kon i atamu mita. Donaaibí tantú mopogogondok kon i monia. Sinbá kotaauan monimu, kon iko bo ki atamu mita tua in tongábí tobatú in Tuang monimu, Sia tuata in ki Tuhan inta kon soroga. Sia in diábí mopoyoposi kon intau.

TESALONIKA 2 1:5

Bo noniatadon kon naa kon moadilbí totok in pononantú i Allah: Lantaran moiko bo nobiagdon nororiga sin popisí noramuji tumuot kon Dunia Mobagu i Allah, dá moiko in patusdon tumuot kon dunia tatua.

TIMOTIUS 2 1:12

Tuamai akuoi in nokorasa kon bayongan roriga tatua, táe akuoi in umuranbí moyakin sin kinotaauankubí totok ki ine in pinirisayaku tua. Moyakinbí in akuoi kon onu inta ain inogoi-Nea pinoki aid kon inakó tantúbí koḷukadan-Nea modapot in Singgai Pangabisan.

TIMOTIUS 2 4:8

Bo tanaa mako in pinopooḷatdon mako kon inakó in saḷaku intau inta nountung. Kon singgai ponantúan ki Tuhan, hakim inta moadil totok tua in moposarakan in tombuinag tatua kon inakó. Deemanbí doman tongá akuoi in motarima kon tombuinag natua, táe bayonganbí doman intau inta umuran mogoḷat mako kon koangoian bui i Tuhan.

IBRANI 12:3

Toropka monimu naonda in kororiga i Yesus in sinumayow kon intau mita dinosa inta noramuji totok moḷawang kon i-Nia! Tuamai in umuranbí korigon in gina bo umuran moharap.

PETRUS 1 3:9

Inta moraat donaaibí tuḻían onu inta moraat, ande aka sibáan yo donaaibí monuḻí monibá. Táe poigumbí sinbá barakatan i Allah in intau mita inta nomia natua kon i monimu. Sin ki Allah in nogoiní kon i monimu, sinbá motarima in moiko kon barakat-Nea.

PETRUS 1 4:19

Manangka intua intau inta iroriga podudui in ibog i Allah, kobiagbí mokopotoḷutui in sia, bo posarakaidon in kobiagannea kon i-Nia inta nomia kon i monia, sin Sia in umuranbí mogaid kon onu inta ain pinodandi-Nea.

WAHYU 19:11

Noiduduimai kon tua inontongku in soroga nobukat, bo inontongku oyúon in tobatú kabaḷo nobudó. Ki inta sinumakoi kon kabaḷo tatua, tangoinea ki Mosatia bo ki Mobanar. Sia in moadilbí in monantú kon hukuman bo kon parang.