PETRUS 1 2:17 - Alkitab Singog In Mongondow Masa In Tanaa

¹⁷ Horomatbí in bayongan intau, kotabibí in ki utatmu mita inta tumpaḷa Keresten. Koondok kon i Allah bo horomatbí in ki Kaisar.

PETRUS 1 2:17 ပူးပေါင်းရင်းမြစ်များ

KINOBAḺIAN 20:11

Ki Abraham in notubag, “Kon bonu in raianku, kon naa in diádon in intau inta motoguondok kon i Allah, dapot in akuoi patoiondon in intau inta moibog kon i buḷoiku.

KINOBAḺIAN 22:12

“Donaai yoyigaanmu in adí tanion ande donaaidon yagi-yagionmai in sia,” guman tuhan pinongin malaekat tatua. “Tanaa in kinotaauan-Kudon kon iko in totokbí in mohoromat bo motoindudui kon i-Nakó, popisí in iko diábí nonolak in nobogoi kon i adímu tuḷong tua kon i-Nakó.”

KINOBAḺIAN 42:18

Kon singgai intoḷunea ki Yusup in noguman kon i monia, “Akuoi naa in intau inta moondok bo motoindudui kon i Allah. Moiko in poḷuaionku takin tobatú sarat.

TAWARIKH 1 29:20

Nopaḷut mako nosambayang natua, ki Daud in noguman kon intau nobayong inta noyosipun kon tua, “Dayowdon in ki Tuhan Allahmu!” Dá bayongan in intau kon tua nodayow kon i Tuhan, Allah inta sinumba in mogoguyang monia. Bo sinumungkud in mosia sin mohoromat kon i Tuhan bo datu.

MAZMUR 111:10

Ki ine in moibog mobijaksana musti mohoromat kon i Tuhan, Sia in nobogoi in pomomangaḻe kon bayongan in intau inta motoḷutui. Dinayo-dayowdon in ki Tuhan dapot in mononoi!

IḶUAIAN 20:12

Horomatbí in ki amá bo ki inámu, sinbá moiko mobiag motompia bo moumur in kobiagan kon butá inta ogoi-Ku kon inimu.

AMSAL 1:7

Sinbá mokouḻí kon pongotahuan inta mopia, yo muna-munamai intau in musti mohoromat bo motoguondok kon i Tuhan. Intau bodok in diábí mohoromat kon hikmat bo doí tundúon.

AMSAL 23:17

Dika mointoi kon intau binaradosa. Tantúdon kotoindudui kon i Allah

AMSAL 24:21

Adíku, kotoguondokbí kon i Tuhan, bo horomatbí in datu. Dika kinodudu-duduiannea kon intau inta moḷawang kon i monia.

MOHOHUTUBA 8:2

Duduiai aka parentaan i datu, bo dika ḻimika-ḻikat in modandi kon i Allah.

IMAMAT 19:32

Koinsimbí bo horomat in guyanga mita. Moiko in musti mohoromat bo motoguondok kon i-Nakó, sin Akuoi in ki Tuhan.

ZAKHARIA 11:14

Nopaḷut mako kon tua pinutoḷku in tungkudku inta nogindua, inta sinangoianku “Bogotan”. dá nobotakdon in pinonobatúan in Yohuda bo Israel.

MATIUS 22:21

Mosia notubag, “Gambar bo pais i Kaisar.” Dá ki Yesus in noguman kon i monia, “Ogoidon kon i Kaisar onu inta musti ogoi monimu kon i Kaisar, bo ogoi kon i Allah inta musti ogoi monimu kon i Allah.”

YOHANES 13:35

Aka moiko bo mositabian, yo kotaauandon in intau kon moiko nion in murí-Kubí mita.”

SURAT I PAULUS KON JAMAAT RUM 12:10

Utat mita, moiko in musti umuran mototabian tobatú bo tobatú naonda bo mogutat motoḷuadí kon tombonu in baḷoi, bo mosiunaan mohoromat.

SURAT I PAULUS KON JAMAAT RUM 13:7

Dá uboḻiaidon kon pomarenta onu in musti uboḻianmu kon inia. Uboḻiai in pajak, aka mustibí in iko moguboḻi kon pajak; bo uboḻiaidon in bea, aka mustibí uboḻianmu intua. Hargaaibí in mosia inta patus hargaan, bo horomatbí i mosia inta musti horomaton.

KORINTUS 2 7:1

Utat mita inta kinotabiku! Dandi mita tatua in pinopomakusudbí kon i naton komintan. Tuamai koḻigai in kita mondaritdon kon oaid mita naton inta mokokotor kon awak naton. Bo koḻigai mobiag motoguondok kon i Allah, sinbá mobiagdon motompia takin-Nea in kita.

EPESUS 5:21

Sin mohoromat kon i Kristus, dá moiko mustibí mosiduduian.

PILIPI 2:3

Dika motayak kon kauntungan tontaní andeka dumodia kon intau. Táe pokopoompábí kon dodia bo anggapdon kon intau ibaneabí in mopia-pia nongkon inaton.

TIMOTIUS 1 6:1

Intau mita in Keresten inta nobaḻídon ata in mustibí tantú mohoromat kon i tuangnea, sinbá tangoi i Allah bo inta sinundú i Allah kon i naton in diá singkuḻeon intau.

IBRANI 13:1

Moiko in musti umuran mositabian saḷaku intau mita in Keresten inta mogutat.

PETRUS 1 1:22

Popisí in moiko bo umuran dinumudui kon onu inta sinundú i Allah, dá tabidon in nondarit kon i monimu sahingga in totu-totuudon in moiko motabi kon intau mita inta tumpaḷa mopirisaya kon i Kristus. Pogumanku bui, totu-totuudon positabian in moiko kon tobatú bo tobatú takin gina motuḻid.

PETRUS 1 2:13

Popisí in mopirisaya kon i Tuhan, dá moiko in musti mokopotoindudui kon pomarenta, pinomayá kon i Kaisar inta nokadai kon kawasa inta totok moponting,

PETRUS 1 5:5

Ná doman tua, utatku mita inta nongomudapa, mokopotoindudui kon guyanga mita. Moiko in musti mokopoompá kon dodia bo moibog doman mosibantungan sin kon Buk Motusi ain pinais nanaa: “Ki Allah in mohukum kon intau inta mokaḷakuang, táe motabibí kon intau inta moompá in dodia.”

SAMUEL 1 15:30

Ki Saul notubag, “Akuoi ain binaradosa. Tongá tuḷungaipa Amá, pobuidon mangoi moyotakinku sinbá akuoi in motaau moibada kon i Tuhan Allah i Amá. Aka natua dá ki Amá in mohoromat kon inakó kon tayowon in itoi in bangusaku bo kon tayowon in bayongan umat in Israel.”