PETRUS 1 2:11 - Alkitab Singog In Mongondow Masa In Tanaa

¹¹ Utat mita inta kinotabiku! Moiko nion in intaubí mokokiangoi bo momomaḷancong kon dunia naa. Akuoi in mononggina kon inimu, donaai tongá umuran dumudui kon ibog in awak naa inta umuran mobobayowan moḷawang kon jiwa.

PETRUS 1 2:11 ပူးပေါင်းရင်းမြစ်များ

KINOBAḺIAN 21:34

Onda intua ki Abraham nogutunpa noḻin onggot kon butá intau in Pilistin.

KINOBAḺIAN 23:4

“Akuoi naa in intau mokokiangoi inta nogutun kon yua-yuak i Utat mita; dá ogoipa in akuoi motaḷui kon butá sinbá oyúon in poḷobonganku kon i buḷoiku.”

KINOBAḺIAN 47:9

Tubag i Yakub, “Akuoi ain nobiag kon binayáanku koonggotnea in mogatutdon bo toḷu nopuḷú notaong. Kobiaganku naa in nopuḻing in roriga. Kinobiaganku naa in nopoḷokbí aka poyobandingonmai umur in mogoguyangku inta nobiag doman nobaḻí intau inta diá notantú kon pogutunan.”

TAWARIKH 1 29:15

Kinotaauan-Mubí, o Tuhan, kon ná doman mogoguyang nami, kami in nobiag naa in naonda bo mokokiangoi bo intau ango-angoi. Kobiagan nami in naonda bo oḻinow inta noitaḻib, bo kami naa in diábí moiḷagui kon popatoi.

MAZMUR 119:19

Diábí umuran mako in akuoi in mogutun kon dunia dikabí kaasí bunion in hukum-Mu kon inakó.

MAZMUR 119:54

Kinoouput in kobiaganku inta motoyong naa kon dunia, atorang-Mu in baḻíonku dondong mita dodayow.

MAZMUR 39:12

Intau in popisí in taḷánea; ihukum bo sinambok-Mu naonda bo sisik irimumud-Mu onu inta koboḻi kon inia. Totuu, intau in naonda bo tongá pogirupan in tompot.

IMAMAT 15:18

Naonda in mopaḷut mako mosiug moyotakin, pinomayá ḷoḷaki ande bobay yo mustibí moinggú, táe mosia in umuranbí doman monajis modapot kon mata in singgai tumoyop.

IMAMAT 25:23

Butámu tua in diábí motaau in potaḷuimu, sin butá tatua in deemanbí iko in kitogi, táe ki Allahbí in kitogi. Moiko in tongábí ná intau ango-angoi inta inogoian in wakutu momaké kon butá tatua.

LUKAS 21:34

“Ḷukadai in awakmu bo dika tongá umuran morai kon rame bo monginum kon oinumon inta mokoḷoḷangu andeka tongá umuran morai kon kobobiagmu, sahingga in aka wakutu-Nea bo daḻí moiangoi, yo diá mokopobasadia in moiko.

OUMAN IN RASUL MITA 15:20

Táe kita in momaisdon kon surat bo mononggina kon i monia, sinbá donaai in mokaan kon kaanon inta ain pinosumba kon dewa, andeka mokaan kon tapú in mahaḷuk inta sinagangan, andeka mokaan kon dugúnea. Bo bá umuran mokopoyayú in mosia kon oaid mita inta mokotor.

OUMAN IN RASUL MITA 15:29

dika mokaan kon kaanon inta aindon pinosumba kon dewa; dika mokaan kon dugú, dika mokaan kon tapú in mahaḷuk inta minatoi sinagangan, bo poyayúdon in oaid inta mokotor. Aka aidandon monimu intua komintan, yo mangaḻenea moiko aindon nogaid kon inta mopia. Natuapa, saḷamat!”

SURAT I PAULUS KON JAMAAT RUM 12:1

Utat mita! Ki Allah totok in mopia kon i naton. Manangka intua akuoi in mopoigum totok sinbá moiko moposumba in awakmu saḷaku sosumba inta nobiag sin kopontingan i Allah. Sosumba tatua in tongábí ogoi kon i Allah bo inta mokosanang kon gina-Nea. Tuabí in ibadamu inta sabanarnea.

SURAT I PAULUS KON JAMAAT RUM 7:23

táe kinotaauankubí, kon bonu in awakku oyúon doman in hukum ibanea inta nokadai kon tua, tuata in hukum inta noyoposi in hukum inta kinoibogku. Tuamai in akuoi noitogot kon hukum in dosa inta nongawasa kon awakku.

SURAT I PAULUS KON JAMAAT RUM 8:13

Sin aka moiko bo mobiag dumudui kon ibog in awak naa, dá matoibí; táe aka moiko bo momaké in kawasa in Roho i Allah bo umuran monginggamá kon aid mita inta mokobaradosa, yo mobiagbí in moiko.

KORINTUS 2 5:20

Dá kami naa in totabábí mita i Kristus inta pinaké doman i Allah mopoyaput in koyow-Nea kon i monimu. Tuamai podoyon nami kon tangoi Kristus, kami in mopoigum sinbá moiko in moibogdon motarima kon totabi i Allah inta mobogoi in kasampatan kon i monimu mopopiaan takin-Nea.

KORINTUS 2 6:1

Saḷaku yobayat topogaidan i Allah, kami in mononggina kon i monimu; donaai tongá pomayá mako in totabi i Allah inta ain inogoi-Nea kon i monimu.

KORINTUS 2 7:1

Utat mita inta kinotabiku! Dandi mita tatua in pinopomakusudbí kon i naton komintan. Tuamai koḻigai in kita mondaritdon kon oaid mita naton inta mokokotor kon awak naton. Bo koḻigai mobiag motoguondok kon i Allah, sinbá mobiagdon motompia takin-Nea in kita.

GALATIA 5:24

Ki ine inta ain nobaḻí kapunyaan i Kristus Yesus, yo mosia tua ain doman noḷumbú kon tabiat in intau bo bayongan ibog in dunia naa.

EPESUS 2:19

Dá tuamai, moiko in deeman bidon intau mokokiangoi andeka intau ḷuai. Táe moiko in tumpaḷa bidon umat i Allah. Moiko nion in nobaḻí bidon tombonu in motoḷuadí i Allah,

EPESUS 4:1

Manangka intua akuoi – saḷaku intau inta pinonjara sin nogaid kon oaidan i Tuhan – mopoigum totok kon i monimu: sinbá moiko, intau inta inoinídon in kobiag domandon ná inta kaadaanmu saḷaku intau inta inoiní i Allah.

TIMOTIUS 2 2:22

Tuamai in dika ná ibogpa in tayowmobiag mita, inta moibo-ibog in diá mopia, táe poramuji mobiag podudui kon inta kinoibog i Allah. Mokopotoindudui kon onu in sinundú i Tuhan, bo motabi kon tumpaḷa intau bo gina in umuran mosanang. Kobiagbí natua takin mosia inta umuran mokuani mokituḷung kon i Tuhan takin gina motuḻid.

IBRANI 11:13

Bayongan in intau tatua in umuran nopirisaya umaai in minatoi. Mosia in diábí notarima kon onu inta pinodandi i Allah, táe tongá nokoontong bo notamad nongkon noyayú. Aid monia tua in noponiata kon mosia tua in tongábí intau mokokiangoi inta tongá doman noiandupmai kon dunia naa.

IBRANI 6:9

Táe, utat mita inta kinotabiku, umpaka natua in singog nami, táe kinotaauan bidon nami in moiko. Noyakinbí in kami kon moiko in notarima bidon kon soaḷ inta mopia, tuata in barakat mita inta mokosaḷamat kon i monimu.

YAKOBUS 4:1

Onu in pinomangkoian in ropatoi bo rogenggeng kon sigad monimu? Tua in pinangkoibí kon ibogmu mita inta umuran mobobayowan kon bonu in ginamu popisí in moibog mokouḻí kon kasanangan in dunia naa!

PETRUS 1 1:1

Utatku mita umat inta piniḻí i Allah, inta noibaya-bayá mako kon butá in Pontus, Galatia, Kapadokia, Asia bo Bitinia! Akuoi, ki Petrus, rasul i Yesus Kristus in mopoigum mako sinbá ki Allah mobogoi in barakat bo kobiagan motompia kon i monimu. Moiko in piniḻí nobaḻí umat i Allah podudui in tomayá i Allah, Amá naton. Roho i Allah nopobaḻídon kon i monimu umat inta mokudus, inta mobiag bo tongá mosumba kon i Allah, sinbá moiko in tongá motoindudui kon i Yesus Kristus bo potusion in dugú-Nea.

PETRUS 1 1:17

Ki Allah tangoion monimu ki Amá wakutu in moiko mosambayang. Bá kotaauan monimu kon ki Allahbí tatua in mohakim kon intau podudui in oaid monia tontaní bo diábí poyoposion-Nea in intau. Tuamai wakutu in moiko kon duniapa naa koondokbí kon i Allah aka mobiag.

PETRUS 1 4:12

Utat mita inta kotabiku! Tanaa in moiko mororiga totok sin ponungkuḷan kon i monimu. Táe dikabí moherang, naonda bo oyúon inta totok motoyang in nobaḻí kon inimu.

PETRUS 1 4:2

Manangka intua, kobiagdon in moiko kon singgai moiduduimai podudui in onu inta kinoibog i Allah, bo deemanbí dumudui kon ibog in intau.

PETRUS 2 3:1

Utatku mita inta kinotabiku! Naa in suratku inta induaneadon kon i monimu. Kon bonu in suratku induanea tanaa, akuoi noramujidon totok sinbá moiko in tongá umuran morai kon inta mopia bo inta mokobiag.