PETRUS 1 2:1 - Alkitab Singog In Mongondow Masa In Tanaa

¹ Manangka intua, ḷumbúdon in bayongan inta moraat; kon i monimu, bo donaaidon umuran monguboḷ, momunapik. Dikadon mointoi, bo dikadon mohojat kon intau ibanea.

PETRUS 1 2:1 ပူးပေါင်းရင်းမြစ်များ

AYUB 36:13

Intau inta diá kotuhan motagú kon torú; umpaka ihukum i Tuhan, doíbí in mosia moigum kon totuḷung.

MAZMUR 32:2

Pia in kamang in intau inta aidnea moraat diádon irekengmai i Tuhan, bo inta doí mongakaḷ.

MAZMUR 34:13

Moibog degá in moiko moumur in kobiagan bo motarima kon inta mopia?

MAZMUR 37:1

Nongkon i Daud. Dika tumorú popisí in intau moraat, dika mointoi kon intau inta nogaid kon noitaḷá.

MAZMUR 73:3

sin mointoi in akuoi kon intau inta mododia, kon dodai in akuoi mokoontong kon kauntungan in intau moraat.

AMSAL 14:30

Gina moonow mokosehat kon awak; intoi naonda bo takit inta mokopatoi.

AMSAL 24:1

Dikabí mointoi kon intau moraat, bo dika moibog moyobayat monia.

AMSAL 24:19

Dika moyaat in gina andeka mointoi kon intau moraat.

AMSAL 3:31

Dika mointoi kon intau inta mopoaid in moromú, bo dika dumayan kon dodia monia.

YESAYA 30:22

Patong mita in berhalamu inta inoḻitan in saḷaka bo buḷawan in ḷumbúonbí monimu naonda bo apat, poḷat moguman, “Bayádon nongkon tayowonku!”

MATIUS 15:7

Ei intau inta mongomunapik! Totuudon onu inta pinoguman muna i Nabi Yesaya soaḷ moiko,

MATIUS 23:28

Ná doman tua in moiko. Kon ḷuai koontongan intau mobanar; táe kon bonu in ginamu nopuḻing in oaid diá totuu bo moraat.”

MATIUS 24:51

Dá bobantung tatua in totok binout i tuangnea, bo ḷumbúonnea kon tampat in intau mita inta mongomunapik. Mosia in mongombaḷ bo mororiga kon tua.”

MATIUS 7:5

Ei intau momunapik! Poḷuaipa muna in kayu kon bonu in matamu, sinbá motarang in matamu, bo motaaudon mopoḷuai in puḻing kon mata i utatmu.

MARKUS 12:15

Táe kinotaauanbí i Yesus in kinomomunapik monia tua. Dá iḻibó-Nea, “Nongonu sin moiko in moibogbí motayak kon taḷá-Ku? Poontongka kon i-Nakó in tobatú doit saḷaka.”

LUKAS 11:44

Koboditodon in moiko intau mita in Parisi! Moiko in naonda bo poḷoḷobongan inta diá pinaisan tangoi inta korita-ritakan mako in intau táe diábí kinotaauan monia kon poḷoḷobonganbí intua.”

LUKAS 12:1

Kon dodai intua ribuan intau in nosipun, dapot in moyopuntukdon kon sioḷ. Koyogotpa moyosipun in intau mita tatua, ki Yesus in noguman kon murí-Nea mita, “Mokopopia in moiko kon ragi intau in Parisi, makusudnea in oaid intau in Parisi inta mongomunapik.

LUKAS 6:42

Ná ondabí in moiko motaau moguman kon i utatmu, ‘Uḻe, onda bá inggamáanku in puḻing kon matamu nion’, sedang balak kon matamu in diábí indoianmu muna? Ei intau mongomunapik! Poḷuaipa muna in balak kon bonu in matamu. Bá matamu in motarangdon totok bain tua bo iko in motaau mopoḷuai in puḻing kon mata i utatmu.”

YOHANES 1:47

Inontong i Yesus in ki Natanael namangoi, dá ki Yesus in noguman nanaa soaḷ ki Natanael tua, “Indoiai, tua in intau in Israel motuḻid, diábí in uboḷ kon ginanea!”

SURAT I PAULUS KON JAMAAT RUM 1:29

Gina monia in nopuḻingdon yagi-yagi inta moraat, inta diá nobanar, moturá, aid mokotor, yoyaatan gina; ibog moḻimod, ibog moropatoi, ibog monguboḷ bo motagú kon gina bo moibo-ibog doman mongonguman kon soaḷ intau ibanea,

KORINTUS 1 14:20

Utatku mita! Dika ná pororai in mongoadí. Aka kon soaḷ mita inta mongoromú, dá musti ná pororai in mongoadí in moiko. Táe aka kon soaḷ pororai, yo poraibí ná intau inta nogurangdon.

KORINTUS 1 5:8

Manangka intua, koḻigai in kita morame takin momaké in roti inta diá koragi, tuata in roti inta pinodoyon kon gina motuḻid bo inta kinopopia in gina i Allah. Dika in kita momaké in ragi inta nokoyongandon, ragi inta diádon nopia bo ain noromú.

KORINTUS 2 12:20

Sin moḻia-ḻiaw in ginaku, dikabo naonda in akuoi mamangoi, koangoiankumai moiko diádon ná inta iharapku mako, ná doman tua in akuoi, koangoianmai monimu, diádon ná inta iharap mako monimu. Sin dikabo mobobayowanmai in moiko, mosiintoian, dumodia, tongá moibog morai kon kopontingan tontaní bo mopotombauk.

EPESUS 4:31

Ḷumbúdon in bayongan inta mokosakí kon gina, donaaidon motagú kon gina bo rogi. Donaai domandon umuran moyogenggeng bo mosiponapudan in diá totuu bo ḷumbú domandon in bayongan inta moraat.

TESALONIKA 1 2:3

Totundú nami in noitutuibí. Deemanbí makusud inta diá mopia andeka monombodok.

TIMOTIUS 1 3:11

Ná doman tua, ki buḷoi monia bobay in mustibí intau mopia deemanbí intau inta maya-mayá mako mongonguman kon uboḷ. Mosia in mustibí intau inta mokokotahang kon bibig bo motaau doman pirisayaanmai kon bayongan in yagi-yagi.

TITUS 2:3

Tongginaai doman in guyanga mita bobay, sinbá oaid monia in moidudui kon aid in intau mita inta nonotaau kon i Allah. Tundú doman sinbá mosia in diá moibog moponapud in soaḷ mita inta diá totuu kon intau ibanea. Dika doman ogoi monginum kon oinumon inta mokoḷoḷangu. Mosia in musti motaau motundú kon inta mopia,

IBRANI 12:1

Uḻe, soaḷ kita tontaní, kon ḻibumai naton naa in nobayongbí totok in nobaḻí sakusi! Manangka intua, koḻigai ḷumbúondon naton in bayongan inta mokoyoyiga kon i naton bo dosa inta umuran moikompit mako kon i naton. Bo koḻigai mositandingan in kita in mogaid kon onu inta pinoki aid kon i naton.

YAKOBUS 1:21

Tuamai ḷumbúdon in tabiat inta nonajis bo moraat. Táe koaḷusdon in gina motarima kon pirman inta pinomuḷa i Allah kon bonu in ginamu, sin moḷoben kawasa in pirman tatua kon moposaḷamat kon inimu.

YAKOBUS 3:14

Táe aka moiko in mointoi bo tongá morai kon kopontingan tontaní, donaaibí pongaḷakuang monimu in kabijaksanaan tatua, sin dodia monimu natua in mopoyotuuybí in habar inta nobanar nongkon i Allah.

YAKOBUS 4:11

Utatku mita, donaai in moiko mosiponapudan ande mosipotaḷáan. Intau inta moponapud ande mopotaḷá kon i utatnea inta tumpaḷa Keresten, yo intau tatua in moningkuḻe bo mopotaḷá in hukum i Allah. Bo aka moiko in mopotaḷá kon hukum i Allah, mangaḻenea kon tua moiko in diá dinumudui kon hukum mita tatua, táe moiko in mobaḻídon hakimnea.

YAKOBUS 4:5

Dikabí anggapon monimu kon diá in dodoyonan Buk Motusi moguman, “Kon bonu in awak naton naa sinampatdon i Allah in Roho inta motogat in ibognea.”

YAKOBUS 5:9

Donaai umuran mongunsingog bo mosipotaḷáan, sinbá moiko in diá hukumon i Allah. Torop! Hakim in nodiugdon, nobasadiadon mamangoi.

PETRUS 1 2:16

Bo kobiagdon in moiko saḷaku intau inta mobebas, táe donaai pakéon in kabebasan tatua sin momompon kon aid mita monimu inta moraat, táe kobiagbí saḷaku intau mita inta nogaid kon oaidan i Allah.

PETRUS 1 2:22

Sia in diábí dodai onda in nogaid kon dosa, bo diábí doman tobatúmai intau nokodongog kon i-Nia nonguboḷ.

PETRUS 1 3:10

Kon bonu in Buk Motusi ain pinais nanaa, “Intau inta moibog moumur in kobiagan bo moibog doman mokorasa kon kobiagan mopia, yo mustibí ḷukadannea in bibig sinbá diá mongonguman kon inta mongoraat bo diá doman mongonguman kon inta diá totuu.

PETRUS 1 4:2

Manangka intua, kobiagdon in moiko kon singgai moiduduimai podudui in onu inta kinoibog i Allah, bo deemanbí dumudui kon ibog in intau.

PETRUS 1 4:4

Tuamai intau mita inta diá nonotaau kon i Tuhan, noherang sin moiko in nobiagbí ná kobobiag monia, inta umuran mogaid kon dosa in pomuḷoi mako. Manangka intua mosia in moningkuḻe kon i monimu.

WAHYU 14:5

Mosia in diábí dodai onda in monguboḷ; bo diábí doman in mokotor kon i monia.