PETRUS 1 1:5 - Alkitab Singog In Mongondow Masa In Tanaa

⁵ Tua komintan in ogoi kon i monimu, sin moiko in mopirisaya kon i Allah. Moiko iḷukadanbí doman in kawasa i Allah sinbá moiko in motarima kon kasaḷamatan inta sinadiadon bo poponiata kon singgai tumi.

PETRUS 1 1:5 ပူးပေါင်းရင်းမြစ်များ

AYUB 19:25

Kinotaauanku kon soroga oyúon in mototuḷungku; kon imbuitnea mamangoi in Sia motuḷung kon inakó.

MAZMUR 37:28

Sin ki Tuhan in motabibí kon oaid inta mopia bo moadil, intau inta motoindudui kon i-Nia in diábí bio-bióon-Nea mako in moiḷaḻe. Sia in moḷukadbí kon i monia modapot in mononoi, táe buí in intau moraat in yompatonbí.

AMSAL 2:8

Ki Tuhan in moḷukad kon intau mita inta mongoadil, bo moḷukad kon i monia inta motabi kon i-Nia.

YESAYA 45:17

Táe Israel in pinosaḷamat i Tuhan; kasaḷamatannea in motantúbí. Moiko in diábí pokopooyáanmai bo singkuḻeon modapot in mononoi.’ ”

YESAYA 51:6

Ḷangagaidon in ḷangit bo indoiai in butá; ḷangit in moinggamábí naonda bo poyok bo butá in mokoyonganbí naonda bo ḷambung noketek, bayongan in intau kon bonunea in matoi naonda bo yongit. Táe kasaḷamatan inta ogoi-Ku in umuranbí mononoi, bo kountungan-Ku in diábí in imbuitnea.

YESAYA 54:17

Táe batúan in sonjata inta sinontaḷ sin moḷawang kon inimu, in diábí motuoi. Bo bayongan in inta pinonapud kon bonu in pongadilan in poniatamubí kon diá totuu. Akuoi in mobogoibí in tombuinag kountungan kon mogogundoi-Ku mita,” natuata in singog i Tuhan.

YESAYA 66:22

Ná ḷangit mobagu bo butá mobagu in monahangbí popisí in kawasa-Ku, natua doman in buímu bo tangoimu in umuranbí oyúon.

YEREMIA 23:4

Akuoi in moduíbí kon itoi sin momiag kon i monia. Umat-Ku in diá bidon moondok andeka mourot, diábí tobatúmai in nongkon i monia in mobuḻi. Akuoi, ki Tuhan, ain nosingog.”

YEREMIA 32:40

Akuoi in momiabí kon dodandian inta mononoi takin i monia. Akuoi in diábí mogogai in mogaid kon inta mopia kon i monia. Baḻíon-Kubí in mosia moondok bo mohoromat kon i-Nakó takin ḻimbatú in gina sinbá mosia diá yumayú kon i-Nakó.

YOHANES 12:48

Intau inta doí motarima kon i-Nakó, bo doí mokidongog kon singog-Ku, oyúonbí in mohakim kon inia. Singogbí inta ain pinoyaput-Ku tua in mohakim kon inia kon Singgai Ponantúan.

YOHANES 17:15

Deemanbí Akuoi in mopoigum konbá gamáandon i Amá in mosia nongkon dunia naa, táe poigumon-Ku sinbá ḷukadan i Amá in mosia nongkon kawasa i inta moraat.

YOHANES 4:14

táe intau inta monginum kon tubig ogoi-Ku in diá bidon moyoga-yogang, sin tubig inta ogoi-Ku kon inia in mobaḻí bidon bokaká kon bonu in awaknea, bo umuran ḷumuai bo mobogoi in kobiagan mononoi.”

YOHANES 5:24

Totuu totok in singog-Ku tanaa: Intau inta monarukira kon singog-Ku mita, bo mopirisaya kon i-Nia inta nopotabá kon i-Nakó, yo oyúon in kobiagan mopia bo mononoi. Sia in diábí hukumon; sia in noipilatdon nongkon kinopatoian bo mokouḻí kon kobiagan.

SURAT I PAULUS KON JAMAAT RUM 11:20

Totuubí intua. Táe mosia in iḷumbú sin diá mopirisaya, bo Moiko in sinarima sin mopirisaya. Dá tuamai in dikabí dumodia in Moiko sin sinarimadon; Moiko in mustibí motoguondok.

SURAT I PAULUS KON JAMAAT RUM 8:18

Podudui in raianku, bayongan in roriga inta korasaan naton tanaa mako, diábí tugat in poyobandingonmai in kamuliaan inta poponiata kon i naton.

KORINTUS 1 1:21

Sin dapot kabí in onda in kapandoian intau, yo diábí in mokopobaḻí kon inia monotaau kon i Allah. Táe popisíbí in ki Allah mobijaksana, dá noibog in Sia in noposaḷamat kon intau mita inta mopirisaya kon i-Nia naonda in nokodongog kon habar inta pinotaau nami inta inanggap in dunia naa tongá uboḷ.

KORINTUS 2 1:24

Akuoi in diábí momakisa kon i monimu kon soaḷ onu inta musti pirisayaan monimu, sin moiko in totokdon nopirisaya kon i Kristus. Akuoi in tongábí mogaid moyotakin monimu sinbá modugang pia in gina monimu.

GALATIA 2:20

Tongá akuoi in nobiag, táe deeman bidon akuoi, sin ki Kristus bidon in naa kon awakku. Bo kobobiagku tanaa mako in kobobiag bidon inta pinodoyon kon pirisayaku kon i Adí i Allah inta notabi kon inakó, bo inta ain noposarakan in awak-Nea tontaní sin kopontinganku.

EPESUS 2:8

Ki Allah in motabi kon i monimu, tuamai in pinosaḷamat-Nea in moiko sin nopirisayadon kon i Kristus in moiko. Moiko in nosaḷamat deemanbí lantaran ḷopí monimu tontaní. Tua in totabibí i Allah. Manangka intua diábí motaau in tobatúmai intau dumodia kon soaḷ tatua.

EPESUS 3:17

Igumondon mako ki Kristus inta pinirisaya monimu in mogutundon kon bonu in gina monimu bo moiko in mobiag moidoyon kon bonu in tabi.

PILIPI 1:6

Ki Allahbí in nomangkoi kon oaidan mopia tatua kon inimu, bo moyakinbí in akuoi, kon tantú-Neabí ingguputan in oaidan-Nea tatua modapot kon singgai ki Kristus Yesus in mamangoidon bui.

PILIPI 4:7

Dá kobiagan motompia nongkon i Allah inta diá kodapotan in raian intau, in moḷukad kon gina bo raianmu inta ain notobatú i Kristus Yesus.

TIMOTIUS 2 3:15

Musti umuran toroponmu mako, kon nongkon mointokanpamai iko ain nonotaau kon Buk Motusi. Bo Buk Motusi tatua in nobogoi in pongortian kon inimu, sinbá mokouḻí kon kasaḷamatan inta pinodoyon kon pirisaya kon i Kristus Yesus.

TITUS 2:13

Tanaa mako, kita in mogoḷatpa mako kon singgai inta iharap mako naton tua. Kon singgai tatua, dunia naa in mokoontongdon kon kamuliaan i Yesus Kristus, Sia tuata in ki Allah Inta Totok in Momulia bo Datu Mopoposaḷamat naton.

IBRANI 6:12

Donaai mokopomaḷat, táe duduiaidon aid in intau mita inta ain notarima kon onu inta pinodandi i Allah, sin mosia in umuran nopirisaya kon i Allah bo nosabar doman mako in nogoḷat.

IBRANI 9:28

Natua doman in ki Kristus, tongábí komintan pinosumba saḷaku kuruban pinotobut kon dosa in intau mobayong. Sia in mamangoipabí bui, táe deeman bidon mamangoi mogimpaḷut kon persoalan dosa, táe dongka bidon moposaḷamat kon intau mita inta mogoḷat mako kon koangoian-Nea bui.

PETRUS 1 1:13

Tuamai moiko in musti umuran mobasadia. Pokoingat bo totu-totuu poharap kon barakat inta bain ogoi kon i monimu kon wakutu in ki Yesus Kristus mamangoi bui.

PETRUS 1 4:13

Mokoposanangbí kon gina sin moiko in nokorasadon kon ná inta ain kinorasaan i Kristus. Dá aka kamuliaan i Kristus popoontongdon, yo totokbí in mopia in gina monimu.

PETRUS 1 5:1

Naa in tongginaku mita kon itoi mita in jamaat i Allah inta kon sigad monimu. Akuoi in nomais tanaa saḷakubí yobayat topogaidan in itoi mita in jamaat bo saḷaku intau inta ain nokoontong tontaní kon roriga i Kristus, bo inta moitakin doman kon kamuliaan inta popoontong i Kristus kon intau kon singgai moiduduimai. Poigumonku totok

PETRUS 2 1:3

Ki Allah in nomakédon kawasa-Nea sin mobogoi kon i naton in bayongan yagi-yagi inta paraḷu pakéon kon kobiagan sinbá motoindudui kon i-Nia. Tua in inaidan-Nea pinongin onu inta kinotaauan naton soaḷ ki Yesus Kristus, inta ain nogoiní kon i naton sinbá mobiag moyotakin-Nea kon tampat-Nea inta mopia bo moonow.

YOHANES 1 3:2

Utat mita inta kinotabiku! Tanaa mako kita ain nobaḻí ki adí i Allah, táe kaadaan naton kon singgai moiduduimai in diápa notarang.Tongá kinotaauan naton kon aka ki Kristus in mamangoi, kita naa in mobaḻí ná Sia, sin kita in mokoontong kon i-Nia kon bonu in kaadaan-Nea inta sabanarnea.

YUDAS 1:1

Utatku mita inta ain inoiní bo inta totok in kinotabi i Allah Amá naton, bo inta iḷukadan kon bonu in tangoi i Yesus Kristus. Saḷaku intau inta nogaid kon oaidan i Yesus Kristus, akuoi – ki Yudas – ki utat i Yakobus,

YUDAS 1:24

Ki Allah, inta mokosanggup moḷukad sinbá moiko diá moḷabú, bo inta mokosanggup modia kon i monimu mayá in tampat pomomarentaannea inta momulia takin gina mosanang bo modarit.

SAMUEL 1 2:9

Intau inta mosatia in umuran moaman kon bonu in kawasa i Tuhan. Táe intau inta moraat in morimumud matoi kon bonu in sindip bo kintui totok. Ropot tontaní diá motaau in pongata, ropot in intau diá mokoogoi kon kauntungan.