OUMAN IN RASUL MITA 4:9 - Alkitab Singog In Mongondow Masa In Tanaa

⁹ Aka tanaa mako bo kami in dinia mangoi kon naa sin sidangon popisí nogaid kon mopia notuḷung kon intau inta ḻempeng bo ḻibóon monimu mongo kawasa i ine in pinogaid nami kon tua,

OUMAN IN RASUL MITA 4:9 ပူးပေါင်းရင်းမြစ်များ

YOHANES 10:32

Táe ki Yesus in noguman kon i monia, “Moiko ain nokoontong kon i-Nakó nogaid kon nobayong in oaidan inta mopia, inta pinoki aid i Amá kon i-Nakó. Nongkon oaidan mita tatua, onda in baḻíon monimu dodoyonan poganduran kon i-Nakó?”

YOHANES 7:23

Aka tua pomiaan monimu sinbá diá moḷawang kon atorang i Musa soaḷ sunat, yo nongonu sin moiko in tumorúbí kon i-Nakó tongá popisí in nongundam kon bayongan awak intau kon singgai in Sabat?

OUMAN IN RASUL MITA 25:26

Táe diápa tobatúmai in nouḻíku in katarangan mopia inta motaauku paison kon surat bo pokidia kon i Kaisar soaḷ pelekaranea tatua. Tuamai in diniakudon in sia kon tayowon i Tuang mita totokanea in kon i Tuang Datu Agripa! Makusudku tua aka mopaḷutdon pirikisaan yo oyúon in soaḷ inta motaauku paison.

OUMAN IN RASUL MITA 3:7

Bo kinadaiannea in ḻima koḷanan in intau ḻempeng tatua bo sinuḷungan pinosindog. Dá kon dodaipa doman in tatua bo norigondon in sioḷ bo gongguyamú in sioḷnea.

PETRUS 1 4:14

Kopiabí in gina monimu aka singkuḻeon sin popisí in mopirisaya kon i Kristus, tua in mangaḻenea Roho momulia inta Roho i Allah in umuranbí kotaki-takin monimu.