OUMAN IN RASUL MITA 26:3 - Alkitab Singog In Mongondow Masa In Tanaa

³ Apapa doman ki Tuang in nonotaau totok kon adat kabiasaan bo persoalan mita in intau Yahudi. Tuamai poigumonku kon i Tuang, indongoganpa kopiaan in singogku tanaa takin gina moonow.

OUMAN IN RASUL MITA 26:3 ပူးပေါင်းရင်းမြစ်များ

YEREMIA 32:11

Onda intua akuoi in nogamá kon surat totaḷuian tatua inta ain kinompitan in segel bo pinomaisan kon sarat mita bo atorangnea mita. Ginamáku doman in surat ibanea inta notongkai intua inta diá kinompitan in segelnea,

OUMAN IN RASUL MITA 21:21

Mosia ain nokodongog kon ki utat aindon notundú kon bayongan intau in Yahudi inta nogutun kon ḻipú intau ibanea bo ki utat in moibog doman monginggamá kon hukum i Musa. Bo iko ain nongampag kon i monia sinbá mosia in diádon mokisunat kon i adí mita monia bo bá diádon mobiag podudui in adat naton.

OUMAN IN RASUL MITA 24:10

Dá ki gubernur in nobogoi in kasampatan kon i Paulus nosingog. Dá ki Paulus in nosingog nanaa, “Kinotaauanku bidon kon aindon kon taongannea iko in nobaḻí hakim kon intau mita in Yahudi. Tuamai in diábí moondo-ondok in akuoi momayow kon onu inta ain pinonapud monia kon inakó kon tayowon i Tuang.

OUMAN IN RASUL MITA 24:4

Táe bá diá moantó in wakutu pakéon, dá akuoi in mopoigum sinbá ki Tuang moibog mongindongog kon onu in pongadu nami tanaa.

OUMAN IN RASUL MITA 25:26

Táe diápa tobatúmai in nouḻíku in katarangan mopia inta motaauku paison kon surat bo pokidia kon i Kaisar soaḷ pelekaranea tatua. Tuamai in diniakudon in sia kon tayowon i Tuang mita totokanea in kon i Tuang Datu Agripa! Makusudku tua aka mopaḷutdon pirikisaan yo oyúon in soaḷ inta motaauku paison.

OUMAN IN RASUL MITA 26:2

“O, Tuang Datu Agripa mosanangdon totok in ginaku sin singgai naa inogoi i Tuang mosingog kon tayowon i Tuang in akuoi mopoyotutui in onu inta pinonapud in intau mita in Yahudi kon inakó.

OUMAN IN RASUL MITA 26:26

Ki Tuang Agripa tontaní in porasaanku nonotaaubí totok kon soaḷ mita tanaa. Tuamai nobaranidon taran-tarangan in akuoi in nosingog kon tayowon i Tuang. Sin nodait bidon kinotaauan i Tuang in naa komintan, sin diábí in nobaḻí kon tampat inta noibuni.

OUMAN IN RASUL MITA 26:7

Dandi doman tatua inta inoḷat mako in intau Israel inta mopuḷú bodoyowá nosuku. Tuamai in mosia mosumba kon i Allah doḷom bo singgai. Bo popisí in akuoi mopirisaya kon dandi tatua, Tuang Datu Agripa, dá intau mita in Yahudi noponapud in taḷá kon inakó.

OUMAN IN RASUL MITA 28:17

Naonda in toḷudon nosinggai kon tua, ki Paulus in nogoiní kon itoi mita intau in Yahudi bo naonda in mosia noyosipun, sia in noguman kon i monia nanaa, “Utat mita! Umpakabí in akuoi diá nogaid kon inta noitaḷá kon bayongan intau naton andeka nomaḷawang kon adat in mogoguyang naton, táe akuoi in dinomokbí monia bo pinosarakan kon intau in Rum.

OUMAN IN RASUL MITA 6:14

Dinongog nami tontaní in sia in nosingog nanaa, Ki Yesus intau in Nazaret tua in mogumpag kon tampat tanaa bo momaḷui kon bayongan in adat inta inogoi i Musa kon i naton!”

KORINTUS 1 13:2

Bo umpakabí in akuoi in mopandoi mopoyaput in Habar Mopia nongkon i Allah bo motaau doman totok in soaḷ mita inta nongoibuni, ande nonotaau kon bayongan yagi-yagi bo mopirisaya doman totok kon i Allah, sahingga in motaau mopopamping in buḷud, táe aka diá in tabiku kon tumpaḷa intau, yo diábí in mangaḻe in kobiaganku!

ULANGAN 17:18

Aka intau tobatú dinuídon nobaḻí datu, yo sia in mustibí ogoian in buk tobatú inta pinomaisan kon hukum mita i Allah inta pinais nongkon buk taakan inta sinagú in imang mita Lewi.