OUMAN IN RASUL MITA 26:2 - Alkitab Singog In Mongondow Masa In Tanaa

² “O, Tuang Datu Agripa mosanangdon totok in ginaku sin singgai naa inogoi i Tuang mosingog kon tayowon i Tuang in akuoi mopoyotutui in onu inta pinonapud in intau mita in Yahudi kon inakó.

OUMAN IN RASUL MITA 26:2 ပူးပေါင်းရင်းမြစ်များ

MAZMUR 119:46

Atorang-Mu in potaaukubí kon datu mita, bo diábí in akuoi mooyá.

MATIUS 10:19

Táe aka moiko diaan sin adilon, yo donaaidon mohawatir bo momikir kon onu in singogon monimu kon tayowon monia. Sin komintan tua, in ogoi bidon kon i monimu aka wakutuneadon.

LUKAS 12:11

Aka moiko bo diaan kon baḷoi mita pososambayangan sin sidangon kon tayowon pomarenta andeka kon tayowon in mongongawasa, yo dikabí in moiko mohawatir in momikir kon onu in potubagmu.

LUKAS 21:12

Táe kon wakutu in diápa mobaḻí intua komintan, moiko in domokondon muna monia bo pogutúon. Moiko in diaan monia pobayá in baḷoi pososambayangan bo adilon poḷat potuoton kon ponjara. Diaan potayow kon datu bo pongawasa sin moiko in murí-Ku.

OUMAN IN RASUL MITA 25:26

Táe diápa tobatúmai in nouḻíku in katarangan mopia inta motaauku paison kon surat bo pokidia kon i Kaisar soaḷ pelekaranea tatua. Tuamai in diniakudon in sia kon tayowon i Tuang mita totokanea in kon i Tuang Datu Agripa! Makusudku tua aka mopaḷutdon pirikisaan yo oyúon in soaḷ inta motaauku paison.

OUMAN IN RASUL MITA 26:1

Ki Agripa in noguman kon i Paulus nanaa, “Iko in inogoian in kasampatan mosingog mopoyotutui kon onu inta pinonapud monia.” Dá notonggódon kon ḻimanea in ki Paulus bo nosingog,

OUMAN IN RASUL MITA 26:19

“Tuamai uḻe, Datu Agripa, totok in motoindudui in akuoi kon onu inta ain inontongku bo inta ain sinarimaku nongkon i Allah tua.

OUMAN IN RASUL MITA 26:26

Ki Tuang Agripa tontaní in porasaanku nonotaaubí totok kon soaḷ mita tanaa. Tuamai nobaranidon taran-tarangan in akuoi in nosingog kon tayowon i Tuang. Sin nodait bidon kinotaauan i Tuang in naa komintan, sin diábí in nobaḻí kon tampat inta noibuni.

OUMAN IN RASUL MITA 26:3

Apapa doman ki Tuang in nonotaau totok kon adat kabiasaan bo persoalan mita in intau Yahudi. Tuamai poigumonku kon i Tuang, indongoganpa kopiaan in singogku tanaa takin gina moonow.

OUMAN IN RASUL MITA 26:7

Dandi doman tatua inta inoḷat mako in intau Israel inta mopuḷú bodoyowá nosuku. Tuamai in mosia mosumba kon i Allah doḷom bo singgai. Bo popisí in akuoi mopirisaya kon dandi tatua, Tuang Datu Agripa, dá intau mita in Yahudi noponapud in taḷá kon inakó.