OUMAN IN RASUL MITA 12:3 - Alkitab Singog In Mongondow Masa In Tanaa

³ Naonda in kinotaauannea kon oaidnea tatua mokosanang kon gina in bayongan intau Yahudi, dá umurannea bo inaidan in onu inta diá mopia tatua; sia in nokidomok domandon kon i Petrus sin bonuon kon ponjara. Wakutu intua Singgai Poramean in Roti Diá Koragi.

OUMAN IN RASUL MITA 12:3 ပူးပေါင်းရင်းမြစ်များ

IḶUAIAN 23:15

Kon bonu in buḷan Abib, podudui in wakutu inta ain sinantú, moiko musti mogaid kon porayaan inta sinangoian Pesta Roti Diá Ragi ná inta ain pinoguman-Ku kon inimu, sin kon buḷan in tatuata moiko nonaḷámai kon Mesir. Donaai mokaan kon roti inta iragian kon bonu in porayaan pitu nosinggai tatua. Kon batúannea in moiko in mamangoi mosumba kon i-Nakó, moiko musti modia kon sosumba.

OUMAN IN RASUL MITA 24:27

Táe naonda in notompodon doyowa notaong in ki Peliks nobaḻí gubernur, binaḷuiandon in sia i Perkius Pestus. Bo popisí in modondouḷug kon intau in Yahudi dá pinomayádon mako i Peliks in ki Paulus kon bonu in ponjara.

YOHANES 12:43

Sin mosia in moibo-ibogbí in kahoromatan intau dika in kahoromatan i Allah.

OUMAN IN RASUL MITA 25:9

Táe ki Pestus inta moibog sinbá kosanang in gina in intau Yahudi in noguman kon i Paulus, “Moibog degá iko mayá in Yerusalem sinbá sidangon kon tua kon tayowonku soaḷ pelekara tanaa?”

GALATIA 1:10

Yo naonda degá in naa: Motayak degá in akuoi kon inta mokosanang kon gina in intau andeka inta mokosanang kon gina i Allah? Andeka ontongon monimu degá akuoi in mokopopia kon intau, sinbá kosanang in intau? Aka natua in oaidku, yo akuoi naa in deemanbí bobantung i Kristus.

OUMAN IN RASUL MITA 20:6

Táe naonda in nopaḷutdon singgai moḷoben Roti Diá Koragi tatua, kami nongkon Pilipi sinumakoi kon uangga. Opat nosinggai in binayáan nami bo noiyaput kon Troas bo noyodungkuḷ monia kon tua. Pitu nosinggai in kami kon tua.

TESALONIKA 1 2:4

Deemanbí natua! Kami in diábí mosingog sin moposanang kon gina in intau, táe moposanangbí in gina i Allah inta umuran noguji kon gina nami. Sin inanggap-Nea kon kami naa in motaaubí mopotaa-taau mako in Habar Mopia tatua.

YOHANES 21:18

Naa in poguman-Ku kon inimu: Wakutu in iko noguodpa, ikodon tontaní in nogakod kon ogotanmu, bo mayábí in onda in koibogmu. Táe aka iko moguyangdon, yo potuntunmubí in ḻimamu bo intaudon ibanea in mogakod kon inimu bo diaannea kon tampat inta kodoímu bayáan.”

YOHANES 19:11

Ki Yesus in notubag, “Aka ki Allah diá mobogoi in kawasa tatua kon inimu, yo beresibí diá in kawasamu kon i-Nakó. Tuamai intaubí inta noposarakan kon i-Nakó kon inimu in moḷobe-ḷoben in dosanea nongkon inimu.”

MATIUS 26:17

Kon singgai dungkuḷ pinoramean kon Singgai Moḷoben Roti diá koragi, murí-Nea mita namangoidon kon i-Nia bo noḻibó, “Kon onda degá in kon ibog i Pak Guru posadiaan nami kon pongaanan naton moyotakin kon singgai in Paska naa?”

MAZMUR 76:10

Kon tungkuḷ in Iko simindog sin monisigdon sin moposaḷamat kon intau inta dinorot kon dunia.

OUMAN IN RASUL MITA 4:13

Intau mita kon tua inta nosidang kon i Petrus bo kon i Yohanes noherang totok in nokoontong kon kobobarani nayadua, bokaka kinotaauanbí monia kon taya dua tua in intaubí inta diá nosikoḷa. Bain tua bo kinotoropan monia kon taya dua tua in dumoduduibí i Yesus.

OUMAN IN RASUL MITA 2:14

Dá ki Petrus takin rasul taya mopuḷú bomitá in sinimindog bo nosingog kon tayowon in intau moantó inta kon tua. Noropot in singognea noguman kon i monia nanaa, “Ei intau mita in Israel bo bayongan intau inta nogutun kon Yerusalem! Indongogai kopira totok, pogumankudon kon i monimu, kon

OUMAN IN RASUL MITA 12:4

Kon bonu in ponjara tatua ki Petrus iḷukadan in tontara opat norogu. Kon torogu opat in tontara. Sin makusud monia aka mopaḷutdon kon singgai in Paska, yo adilondon i Herodes in sia kon tayowon intau moantó.