OMBAḶ 5:5 - Alkitab Singog In Mongondow Masa In Tanaa

⁵ Naonda bo bobiagon, kami in pinakisa mogaid kon oaidan mobogat, moḷopí in kami, táe diá ogoi mogogai.

OMBAḶ 5:5 ပူးပေါင်းရင်းမြစ်များ

YEREMIA 27:2

nomitoi kon tontogot nongkon kuḻit bo tombuḻigan nongkon kayu, bo pinopopotaannea kon sindunku.

YEREMIA 27:8

Bangusa andeka dodatuan inta doí mokiompu kon i Nebukadnezar in hukumon-Ku pongin parang, gogoy, bo yampoi in takit, modapot in kon imbuitnea bangusa tatua in mokiompubí doman.

YEREMIA 28:14

Ki Tuhan Inta Totok in mokawasa, Allah in Israel, in noguman kon Sia in mopopakébí in tombuḻigan uatoi kon sindun in bayongan bangusa tanaa, bo mosia in mobaḻíbí ata kon i Nebukadnezar, datu in Babel. Ki Tuhan in noguman doman kon mahaḷukpa moraat in ogoi-Neabí doman kon bonu in kawasa i Nebukadnezar.”

YEREMIA 51:58

Dinding in Babel inta mongoropot mita in rimumudon-Kubí modapot in motondodaidon in butá. Bonawangnea inta mongoḷantud in turubon-Kubí komintan. Diábí in mangaḻenea in inta ḷongasi in bangusa mita, sin komintan bungai in aid monia in kaanonbí in tuḷú. Akuoi, ki Tuhan Inta Totok in mokawasa, ain nosingog.”

OMBAḶ 1:14

Ginamá-Nea in bayongan in dosaku, bo binogotnea sinobatú, bo pinopoboboḷnea kon sigogowku, dá kobogatnea in nokoḷungkoyó kon inakó. Akuoi in inogoi i Tuhan kon saturuku; diá mokopongonu in akuoi kon i monia tua.

OMBAḶ 1:3

Intau mita in Yohuda in nonaḷámaidon kon butánea, popisí in sinonggata bo totokdon in mororiga. Tanaa in mosia in nogutundon kon yua-yuak in bangusa mita takin diá in tampat inta mobogoi in kobiagan motompia. Musung mongopung kon i monia kon dodai in mosia nororiga.

OMBAḶ 4:19

Mogogaḷow kon inami in totokbí in moḻikat koḻikatnea in noiḻiu kon ḷagapan boniá. Mosia in nondudur kon inami kon buḷud, bo noḷabot kon inami kon padang gurun.

MIKHA 2:3

Manangka intua ki Tuhan in noguman, “Akuoi in nonomayádon kon mokobodito poḷabú kon i monimu, dá moiko in diábí moipaḷuput. Kon tungkuḷ nahat tatua moiko in diábí mokobayá takin ḷumoḷatúpa bui.

MATIUS 11:29

Aidaidon onu inta pinoki aid-Ku kon inimu, bo duduidon kon oaid-Ku, mokopoompá kon dodia bo mokopoaḷus kon pososingog, dá iko in mokodungkuḷ kon kopiaan.

OUMAN IN RASUL MITA 15:10

Yo nongonu sin tanaa mako moiko in moibogbí moḷawang kon i Allah bo mobogoi in atorang inta totok in mororiga aidan in intau mita inta mopirisaya tanion, bokaka mogoguyangpa naton in diábí doman mokoaid kon tua komintan?

ULANGAN 28:48

Tuamai moiko musti mogundoi kon musung mita inta pinoangoi i Tuhan sin moḷawang kon i monimu. Moiko in aputondon in gogoy, yogang bo mopilang bo diá koonu bo onu. Ki Tuhan in mondorot totok kon i monimu modapot in moiko moyopú.