OMBAḶ 4:7 - Alkitab Singog In Mongondow Masa In Tanaa

⁷ Dungkuḷmai itoi mita nami in nomurnipabí naonda bo kapot inta nobudó nodarit. Mosia in motorindog bo moropot, nongotariangan mako bo mosehat.

OMBAḶ 4:7 ပူးပေါင်းရင်းမြစ်များ

AYUB 28:16

Buḷawan bo permata inta totok in momahaḷ diábí mokotongkai kon boḻinea.

AYUB 28:18

Hikmat in moḷantu-ḷantud komintan in boḻinea nongkon merjan, kristal, andeka mutiara.

MAZMUR 144:12

Igumon mako in ki adí mita ḷoḷaki naton kon dodai in nobagupa naonda bo pinomuḷa inta nobiag noḷoben. Igumon mako in adí mita bobay naton naonda bo oigi moḷunat, inta noḷambá kon batúan siku in komaḻig.

MAZMUR 51:7

Totuubí, akuoi in moraat pinangkoi kon dodaipa in pinononggadí, bo kinotugatandon in dosa pinangkoi kon bobuḷadían.

IḶUAIAN 24:10

bo mosia in nokoontong kon i Allah Israel sinimindog kon tudu in barang inta koontongan naonda bo taḷog inta pinomia nongkon batu nilam, bo nobidu naonda bo ḷangit inta motarang.

DONDONG MOḶANTUD 5:10

Batoḷ in dodobku motorindog bo moḷunat, noiḻiu kon intau mopuḷú noribu.

DONDONG MOḶANTUD 5:15

Sioḷnea naonda bo oigi mita marmar nobudó, inta inoḻitan in buḷawan taakan. Pongongawaknea ná kogaga in buḷud mita kon Libanon, bo ná kotaingkat in pangkoi in aras.

DANIEL 1:15

Naonda in notompodon in wakutu tatua, mosia in koontongan moseha-sehat nongkon bayongan in tayowmobiag inta nokaan kon kaanon inta notongkai in kaanon i datu.

LUKAS 1:15

Sia in mobaḻí intau moḷoben kon tayowon mata i Tuhan, bo sia tua in diábí monginum kon anggur andeka oinumon ibanea mako inta mokoḷoḷangu, bo sia in kinawasadon in Roho i Allah nongkon bonupamai in sian i inánea.

HAKIM MITA 13:5

Naonda in adí tatua pononggadíondon, donaai mokoimontanmai in monggonsing kon buoknea, sin pinangkoipa kon bonu in sian sia aindon sinantú mobaḻí intau nazir. Siadon in moḷongasi totok sin mopoḷuat kon intau in Israel nongkon kawasa in intau in Pilistin.”

HAKIM MITA 13:7

Táe sia in noguman kon inakó kon akuoi in monogusiandon bo mokouḻí kon adí ḷoḷaki. Sia in noguman doman kon akuoi in diábí motaau in monginum kon anggur andeka oinumon ibanea inta mokoḷoḷangu, andeka mokaan kon kaanon inta pinoton, sin adí tatua in mustibí ogoi kon i Allah sin mobaḻí intau inta mogogundoi kon bonu in sia mobiagpa.”

HAKIM MITA 16:17

Pangabisannea inoumandon i Simson onu in kino doyonan in ropotnea tatua. “Buokku naa diápa kon dodai in onda in ginonsingan,” guman i Simson. “Akuoi naa in inogoidon kon i Allah nobaḻí kapunyaan-Nea. Nongkon noilahirpamai akuoi naa ain nobaḻí intau Nazir. Aka buokku naa bo gonsingan, yo ropotku naa in moinggamádon; moḻemédon in akuoi bo mobaḻídon ná intau biasa.”

SAMUEL 1 16:12

Dá pinoki oinídon i Isai in ki adínea tatua. Noniata magí yo sia tua in tayowmobiagbí inta moḷunat bo mosehat, bo matanea in totuu mogaga. Bo ki Tuhan in noguman kon i Samuel, “Naadon in sia; duídon in sia!”