OMBAḶ 4:3 - Alkitab Singog In Mongondow Masa In Tanaa

³ Nodapot in ki iná in serigala yo mopotetébí kon i adínea, táe umat-Ku in totokbí in moḻingá naonda bo ḷagapan unta kon rawang.

OMBAḶ 4:3 ပူးပေါင်းရင်းမြစ်များ

DATU MITA IMITÁNEA 3:21

Nobangon monik doḷo-doḷom, naonda in akuoi nobangon bo kuma mopotetédon in adíku mointok tatua, indoiankumai yo minatoi bidon. Naonda in sinaridikumai, noniata magí yo deemanbí ki adíku.”

YESAYA 13:22

Ganggor in ungkú in kayuon bo serigala in kodongogan nongkon puri mita bo komaḻig mita in Babel. Wakutu korimumudannea motoyongdon bo wakutunea in diá bidon baḷuian bui.”

YESAYA 34:13

Purinea mita bo kotánea mita inta oyúon in poḷoḷukadan in kobiagandon in bo bonganga bo bonok, bo pogutunan in ungkú in kayuon bo ḷagapan unta.

YESAYA 49:15

Ki Tuhan in notubag, kai-Nia, “Degá iná tobatú mokoḻiong kon i adínea, bo diá motabi kon i adínea inoyod? Umpaka in sia mokoḻiong, Akuoi in diábí mokoḻiong kon inimu!

YEREMIA 19:9

Musung in moḻipungbí kon kotá tanaa, bo moḷongasi moḻimod kon intau inta nogutun kon bonunea. Pongopungan tatua in námaidon tua in kotoyangnea, nodapot in intau mita kon kotá tanaa mosikaanandon kon tumpaḷa yobayat, nodapot in ki adí mita monia tontaní.”

OMBAḶ 2:20

Kaasí Tuhan, indoiai bo taridiaipa in mosia inta iroriga-Mu tatua! Degá oyúon in nokoimontan-Mu pinomia natua? Ki iná nokaan kon i adínea inoyod inta kinotabi totok, imang bo nabi in iḻimod kon bonu in Baḷoi-Mu inta motusi.

OMBAḶ 4:10

Totuu motoyang in bodito tatua inta noiantug kon umatku nodapot in iná mita inta gina moaḷus in noḷagádon kon i adínea tontaní sin kaanon pomonu kon sian.

YEHEZKIEL 5:10

Guyanga in mokaandon kon i adínea tontaní bo adí in mokaandon kon guyanganea. Natuata in pohohukum-Ku kon i monia, bo inta mobiagpa in porariton-Ku kon bayongan in tampat.

IMAMAT 26:29

Moiko in gogoiondon totok, modapot in ki adí mita monimu kaanondon monimu tontaní.

SURAT I PAULUS KON JAMAAT RUM 1:31

mosia in doíbí mosimangartian; diá doman mosatia bo diá doman in totabian kon tumpaḷa intau.