OMBAḶ 4:19 - Alkitab Singog In Mongondow Masa In Tanaa

¹⁹ Mogogaḷow kon inami in totokbí in moḻikat koḻikatnea in noiḻiu kon ḷagapan boniá. Mosia in nondudur kon inami kon buḷud, bo noḷabot kon inami kon padang gurun.

OMBAḶ 4:19 ပူးပေါင်းရင်းမြစ်များ

YEREMIA 16:16

Ki Tuhan in noguman, “Akuoi in mogoiníbí kon nobarong in mododomok kon toyá sin modomok kon intau mita tanaa. Onda intua mogoiní in Akuoi kon mogogungkú sin mogaḷow kon i monia kon bayongan in buḷud bo tombuḷudnea, bo kon angob mita in tombuḷud batu.

YEREMIA 4:13

Indoiai, musung in moitukat ná goḷom. Kereta mita in parangnea in naonda bo deḷang, kabaḷonea mita in moḻika-ḻikat nongkon ḷagapan boniá. Ado, mobodito in kita! Moputú in kita!

OMBAḶ 1:13

Nongkon ḷangit pinoonag-Nea in tuḷú inta nomokak nodapot kon bonu in ginaku. Sinaannea in potait kon tayowonku inta nokopopisí kon inakó noḷabú. Bodongka pinomayá-Neadon mako in aku-akuoi mita in kinoantugan in roriga kinoouput in singgai.

HOSEA 8:1

Ki Tuhan in noguman, “Posingogdon in tomponuot in anib! Musung in nonubu kon butá-Ku naonda bo boniá nonampí kon kaanonnea! Umat-Ku in iḻimimpat kon dodandian-Ku takin i monia, bo noḷawang kon totundú-Ku mita.

HOSEA 8:3

táe diábí tarimaan monia onu inta mopia. Tuamai mosia in duduranbí in musung mita monia.

IMAMAT 26:36

Intaumu mita inta kon pinoḷumbúanpa kon butá intau, popogonúan-Kudon in ondok moḷoben, modapot in umpaka tongá singog in daun irupon tompot yo poḷaguian monia. Moiko in moḷagui naonda bo inaḷowan kon bonu in parang, bo moḷabú umpaka diá in musung kon diugmu.

AMOS 2:14

Umpaka intau inta totok in moḻikat yo diábí doman mokoḷagui; intau moropot in kobuḻianbí in ropotnea, bo intau motorindog in diábí mokoposaḷamat kon awaknea tontaní.

HABAKUK 1:8

Kabaḷonea in moḻika-ḻikat in macan tutul, bo moromu-romú nongkon serigala inta gogoyon. Tontaranea mita inta tumakoi kon kabaḷo in mamangoi nongkon butá mita moyayú; mosia in mamangoi naonda bo boniá inta mondagit kon kokaanonnea.

ULANGAN 28:49

Bangusa tobatú inta diá komangaḻean monimu in tosingogon monia popoangoi i Tuhan nongkon toḷosimai sin moḷawang kon i monimu. Ná ḷagapan boniá in mosia monampí kon i monimu.