OMBAḶ 3:8 - Alkitab Singog In Mongondow Masa In Tanaa

⁸ Akuoi in kinumarak mopoigum in totuḷung, táe ki Allah in doíbí mokidongogmai.

OMBAḶ 3:8 ပူးပေါင်းရင်းမြစ်များ

AYUB 19:7

Akuoi in nomanseḷ sin iroriga-Nea totok tua, táe diá tobatúmai in intau in nopandungmai kon inakó. “Kon onda in koadilan,” baḷúku, táe diá in nokidongog kon inakó.

AYUB 30:20

Akuoi in nokuani kon ini-Mu, o Allah, Iko in doí notubag; aka mosambayang in akuoi, diá pandungon-Mumai.

MAZMUR 22:2

Allahku, o Allahku, Nongonu sin sinaḷáan-Mubimai in akuoi? Akuoi in nokuani, táe Iko in umuranbí noyayú bo diá notuḷung kon inakó.

MAZMUR 80:4

O Allah, tompiadon bui in kami; bobuipa kaasí in kami takin pia in gina, dá mosaḷamat in kami.

OMBAḶ 3:43

Kami in dinuduran-Mu bo iḻimod-Mu, totabi-Mu in noibuni kon torú-Mu.

OMBAḶ 3:44

Torú-Mu in naonda bo goḷom inta mobunod totok dá diá koḷambaian in sambayang mita nami.

HABAKUK 1:2

O Tuhan modapot in toonu degá in akuoi in musti momaḷú mokituḷung? Toonu in Iko in mokidongog bo moposaḷamat kon inami nongkon pinororigaan?

MATIUS 27:46

Degá jam nogintoḷudon ki Yesus in nomaḷú noropot, kai-Nia, “Eli, Eli, lama Sabaktani?” mangaḻenea, “Allah-Ku, Allah-Ku nongonu sin sinaḷáan-Mubí in Akuoi?”

LUKAS 11:10

Sin pomuḷoi in intau inta moigum in motarimabí, bo intau inta motayak in mokouḻíbí, bo intau inta monangkokó in pobukatanbí kon ḷoḻingkop.