OMBAḶ 3:53 - Alkitab Singog In Mongondow Masa In Tanaa

⁵³ Akuoi in iḷumbú monia kobia-biag kon bonu in parigí inta noingkag bodongka binumbunan monia in batu.

OMBAḶ 3:53 ပူးပေါင်းရင်းမြစ်များ

YEREMIA 37:16

Akuoi in binonu kon tabang tobatú kon bonu in butá, bo noonggot in akuoi sinahang kon tua.

YEREMIA 37:20

Tanaa, Tuang datu inta momulia, indongogaipa kaasí in oigumku tanaa. Dikadon pokidia bui i Tuang datu in akuoi kon ponjara kon baḷoi i Yonatan tua, sin matoi in akuoi kon tua.”

YEREMIA 38:6

Bo ginamá monia in akuoi bo sinuntun monag monia in akuoi kon bonu in parigí i Malkia ki adí ḷoḷaki i datu, inta noiukat kon palas in komaḻig. Diábí in tubig kon bonu in parigí tatua, tongá yoná, bo akuoi in noibonu kon yoná tatua.

YEREMIA 38:9

“Tuang datu Inta Momulia, aid in intau mita tatua in diábí mopia. Mosia in nopobonudon kon i Nabi Yeremia kon parigí; notantú bidon kon matoi in gogoy in sia kon tua, sin kaanon kon kotá tanaa in nodaitdon.”

DANIEL 6:17

Dá imbuitnea pinarentaandon i datu sinbá ki Daniel in domokondon bo pogonag kon bubú in singa. Guman i datu kon i Daniel, “Poigumon mako ki Allahmu inta sinumbamu takin satia tua in moposaḷamat kon inimu.”

DANIEL 6:18

Nopaḷut mako kon tua batu moḷoben tobatú pinoḻingkop kon bibig in angob tatua, bo ki datu in nocap kon batu tatua nopomaké in cap in dodatuan bo cap in intau mita moḷoben, dá diádon tobatúmai in intau in mokopoḷuat kon i Daniel nongkon singa mita tatua.

YUNUS 2:1

Nongkon bonu in sian in toyá tatua, ki Yunus nosambayang kon i Tuhan Allahnea. Kainia,

MATIUS 27:60

Bodongka pinopouḻidnea kon poḷoḷobongan nobagu, inta kinaḻinea kon bonu in buḷud batu. Nopaḷut mako iḻingkopannea in batu moḷoben, bodongka minayá.

MATIUS 27:66

Mosia in minayá in poḷoḷobongan tatua bo sinilotan monia bodongka iḷukadan.