OMBAḶ 3:32 - Alkitab Singog In Mongondow Masa In Tanaa

³² Mopaḷut mako in Sia mobogoi in roriga Sia in monotabibí doman, sin Sia in umuranbí motabi kon i naton pongin tabi inta diábí in sigadnea.

OMBAḶ 3:32 ပူးပေါင်းရင်းမြစ်များ

DATU MITA 2 13:23

Táe notabi in ki Tuhan kon umat-Nea bo inampungan-Nea in mosia. Doíbí in Sia mopomayá mako yopúon táe sinuḷungan-Neabí in mosia, sin monorop kon dodandian-Nea takin i Abraham, i Ishak bo i Yakub. Dapot in tanaa diábí kon dodai in onda in koḻiongan-Nea in umat-Nea.

MAZMUR 103:11

Táe ná sigad in ḷangit bo butá, natua in koḷoben in tabi-Nea kon intau inta motoguondok kon i-Nia.

MAZMUR 30:5

Podondongdon in dondong dodayow kon i Tuhan, ei umat inta motoindudui, bo posukurdon kon i Inta Totok in motusi.

MAZMUR 78:38

Táe ki Allah in notabi bo nongampung kon umat-Nea, bo diábí noyopú kon i monia. Nopobui-buimai Sia in nomondam kon torú-Nea, bo diá noponiata in yaat in gina-Nea.

IḶUAIAN 2:23

Noonggot mako kon tua ki datu in Mesir minatoidon. Táe bangusa Israel umuranpa doman mogamui popisí in mosia umuranpa doman sinonggata, nodapot in mosia nomaḷú mokituḷung. Amui monia tatua dinongogdon i Allah.

IḶUAIAN 3:7

Bo ki Tuhan noguman, “Inontong-Kudon in roriga in umat-Ku kon Mesir, bo dinongog-Ku domandon in mosia mopoigum sin poḷúat nongkon pinononggataan kon i monia. Ain bidon kinotaauan-Ku in roriga monia.

YESAYA 27:8

Ki Tuhan in nohukum kon umat-Nea pinongin noḷumbú kon i monia kon butá in intau. Inuntun-Nea in mosia pinongin tompot moraat nongkon dotá in pomukaan.

YESAYA 54:7

“Tongábí tokokiap monag Akuoi in nonaḷámai kon inimu; pinongin ḻimbatú in tabi iko in ginamá-Ku bui.

YEREMIA 31:20

Israel, iko in adí inta kinotabi-Ku totok, adí inta totok in kinotabi, batoḷ in dodob-Ku. Pomuḷoi indoyóon-Ku in iko kotoropan-Ku in iko takin tanob. Iko in pinomia-Ku takin nopuḻing in tabi.

OMBAḶ 3:22

Tabi i Tuhan in umur mononoi, totabi-Nea in diábí modai-dait,

HOSEA 11:8

Ki Tuhan in noguman, “Ei Israel, diábí doman inta pomayá-Ku mako in iko andeka taḷaan-Ku mako natua. Degá iko in yopúon-Ku naonda bo Adma? Andeka pomiaan-Ku naonda bo Zeboim? Gina-Ku in diábí modapot in mogaid kon natua, sin tabi-Ku in moḷoben totok kon inimu!

NAHUM 1:12

Dá guman i Tuhan kon Israel, umat-Nea, “Umpaka intau mita in Asyur tua moropot bo modamaḷ, táe mosia in rimumudonbí bo moinggamá. Ei bangusa-Ku, baḻíon-Ku in moiko mororiga, táe diá bidon aidan-Ku bui intua.

LUKAS 15:20

Dá nobuatdon in sia bo nobui mangoi kon i amánea. Noyayúpa in sia, inontongdon i amánea. Popisí in tabi bo tanobnea totok dá noribatuk in ki amánea bo notomu kon inia, bo ginakapannea poḷat inayokan.

HAKIM MITA 10:16

Onda intua mosia noḷumbúdon kon bayongan patong berhala, bo nosumbadon bui kon i Allah. Dá inagíandon in tabi in ki Allah nokoontong kon i monia kon bonu in roriga.