OMBAḶ 3:2 - Alkitab Singog In Mongondow Masa In Tanaa

² Koyayú-koyayúdon in popogambatan-Nea kon inakó kon bonu in tampat inta totok in mosindip.

OMBAḶ 3:2 ပူးပေါင်းရင်းမြစ်များ

AYUB 18:18

Nongkon nobayag in sia pinoguntun minayá in sindip; nongkon dunia in intau nobiag inuntun in sia.

AYUB 30:26

Akuoi in mogoḷat mako kon pia bo bayag, táe roriga bo sindipbí in namangoi.

YESAYA 59:9

Bangusa tatua in moguman kon i Allah, “Tanaa in kinotaauandon nami kon nongonu sin Iko in diábí noposaḷamat kon inami nongkon intau mita inta nondorot kon inami. Kami in mogoḷat mako kon bayag, táe tongábí oyúon in sindip.

YEREMIA 13:16

Ki Tuhan Allahmu musti poḷantudonmu kon dodai in diápa in Sia mopoangoi in sindip, bo sioḷmu in moipintud kon buḷud, kon dodai in bayag inta inoḷatmu mako baḷuiannea mobaḻí sindip.

YEREMIA 4:23

Mataku in ḷumongow monag kon butá, diá in koontongan bo noingkag, ḷumangag in akuoi kon ḷangit, uḻe, diábí in monindar.

OMBAḶ 2:1

Ki Tuhan in nogaid kon bonu in torú, Sion in inangkuban-Nea in sindip. Kamuliaan in Israel inta ná koḷantud in ḷangit, ain pinogonag-Nea kon butá. Kon dodai in ki Tuhan sinumorú, baḷoi-Nea kon Sion diá bidon pinandung-Neamai.

ULANGAN 28:29

Singgai moiko in mayá takin mongokap naonda bo intau bilog, táe diábí mokouḻí kon daḷan. Bayongan in totayakmu diábí in mangaḻenea. Moiko in tantú bidon doroton bo pogagowan, bo diábí in motuḷung kon i monimu.

YUDAS 1:13

Mosia notongkai doman in bokoḷ moropot kon dagat inta mokopomuká kon burá, natua in mosia monomburá kon oaid mita monia inta mokooyá. Mosia tua in ná doman onda bo mahaḷuk mita inta modondaḷoi magí mako bo inta ain pinosadiaan i Allah kon tampatnea kon bonu in tampat inta totok in mosindip modapot in kopaḷutannea.

YUDAS 1:6

Torop domandon in malaekat mita inta iḻimimpat kon kawasa inta inogoi kon i monia, sahingga in minayá nonaḷámaidon kon tampat pogogutunan monia. Mosia tua in sinoko togot i Allah in rante inta diá mobonto-bontow kon bonu in tampat inta mosindip kon ḻimonag in butá. Mosia in umuranpabí sinahang kon tua modapot in hukuman popoḷabúdon kon i monia kon Singgai inta ponantúandon.