OMBAḶ 3:15 - Alkitab Singog In Mongondow Masa In Tanaa

¹⁵ Tongábí inta mopait in inogoi-Nea kon inakó nobaḻí kaanon bo oinumonku.

OMBAḶ 3:15 ပူးပေါင်းရင်းမြစ်များ

YEREMIA 9:15

Tuamai, indongogaidon onu in aidan-Ku, Tuhan Inta Totok in mokawasa, Allah in Israel: umat-Ku in ogoian-Ku pinomuḷa mopait sin kaanon bo rasum sin inumon.

OMBAḶ 3:19

Morai kon binayáan bo rorigaku nádon onda bo nokaan kon rasum inta pait.

YEREMIA 25:27

Bo ki Tuhan in noguman kon inakó, “Pogumandon kon intau mita tatua kon Akuoi, ki Tuhan Inta Totok in mokawasa, Allah in Israel, nopotabá kon i monia nonginum nodapot in noḷoḷangu bo nototuka. Binaḻí-Ku in mosia noḷabú bo diádon mokobangon bui popisí in parang inta popoangoi-Ku kon i monia.

YEREMIA 23:15

Ki Tuhan Inta Totok in mokawasa in noguman, “Ogoi-Kubí kon nabi mita kon Yerusalem tatua in pinomuḷa mopait sin kaanon bo rasum sin inumon, sin mosia in nokopopisídon kon intau mita kon sinangkub in butá doí mohoromat kon i-Nakó.”

MAZMUR 60:3

Iko in nondoí kon inami, o Allah, bo nopomayá mako kon inami sinaḷow. Iko in sinumorú kon inami; tanaa in tompiadon bui in kami.

AYUB 9:18

Diábí pinomayá-Nea in akuoi mogina umpaka tongá motoyong; nodapot in pinopoumaan-Nea akuoi in inta mopait totok inta motoyang.

RUT 1:20

“Dika oiníon ki Naomi in akuoi,” guman i Naomi, “Oinídon in akuoi ki Mara, sin ki Allah Inta Totok in Mokawasa ain nopomayá mako kon inakó nobiag nopuḻing in paitnea.

MAZMUR 88:4

Akuoi naa in kinoantugan in susa mobayong; popatoi in kon ngaradon in ḷoḻingkop.

YEREMIA 4:18

Yohuda, ikobí tontaní inta nopoangoi in bodito tatua kon inimu. Kobobiagmu bo oaidmu mita in nokopopisí kon bayongan in roriga tatua tumurak kon ginamu.

YEREMIA 9:14

Mosia in pamandot bo mosumba kon berhala mita in Baal ná inta sinundú in mogoguyang monia.