OMBAḶ 3:11 - Alkitab Singog In Mongondow Masa In Tanaa

¹¹ Dinuduran-Nea in akuoi nodapot in sinumabat kon daḷan, bo binera-berak in akuoi bodongka sinaḷáan.

OMBAḶ 3:11 ပူးပေါင်းရင်းမြစ်များ

AYUB 16:7

Ki Allah, nopobaḻí kon inakó moyoyiga; bayongan in motoḷuadíku iyopú.

MAZMUR 143:4

Akuoi in kinobuḻiandon in ibog, ginaku in totokdon in notoboḻingo.

MAZMUR 50:22

Tondudutka, moiko inta nokoḻiong kon i Allah; ḷukadai bá diá dapot in yopúon-Ku in moiko, bo diábí in moposaḷamat.

YESAYA 3:26

Kon bonawang mita in kotá intau in mononogumatoi bo mogamui, bo kotá tatua tontaní in naonda bo bobay inta pinilangan inta iḻimitú kon butá.

YEREMIA 15:3

Akuoi, ki Tuhan, ain nonantú kon hukuman opat norupa inta mokoondok in mobaḻíbí kon i monia: mosia in matoi kon poparangan, mayat monia in uguton in ungkú, kaanon in ḷagapan, bo indaitan in mahaḷuk turá.

YEREMIA 19:8

Akuoi in mopoantugbí in bodito inta motoyang kon kotá tanaa dá modapot in bayongan in intau inta moitaḻib kon tua in moitaḻikokogbí bo mokoningkim.

YEREMIA 32:43

Intau in moguman kon butá tanaa in nobaḻí naonda bo padang gurun inta diá inutunan in intau bo mahaḷuk, bo butá tanaa in noḷabúdon kon ḻima in intau in Babel. Táe Akuoi in moguman kon singgai moiduduimai gobá tudunea in buibí potaḷui kon ḻipú tanaa;

YEREMIA 5:6

Tuamai mosia in ḻimodon in singa nongkon kayuon, bo bera-berakon in serigala nongkon padang gurun. Macan tutul in maya-mayábí mako motayak kon kaanonnea kon diug in kotá mita monia, bo pomuḷoi in intau inta ḷumuai in domokonbí. Tua komintan in mobaḻí popisí in mosia umurandon mogaid kon dosa, bo mopobui-buimaidon in monoḻikud kon i Allah.

YEREMIA 6:8

Ei intau in Yerusalem, igumon mako bayongan in roriga tatua mobaḻí tompoingat kon inimu! Dika modapot in Akuoi monaḷámai kon imonimu bo baḻíon-Ku in kotámu tatua padang gurun inta diá pinogutunan in intau.”

OMBAḶ 1:13

Nongkon ḷangit pinoonag-Nea in tuḷú inta nomokak nodapot kon bonu in ginaku. Sinaannea in potait kon tayowonku inta nokopopisí kon inakó noḷabú. Bodongka pinomayá-Neadon mako in aku-akuoi mita in kinoantugan in roriga kinoouput in singgai.

OMBAḶ 3:10

Naonda bo beruang nogoḷat in Sia, naonda bo singa in Sia noḷabot kon inakó.

DANIEL 7:23

Naa in insilang inta nouḻíku, “Mahaḷuk inta inggopatnea tatua in dodatuan inta inggopatnea inta simindog kon butá bo noyoposi in dodatuan mita ibanea. Dodatuan tatua in morimumud bo mokaan kon bayongan in dunia naa bo moyuntai kon kiagatnea.

HOSEA 6:1

Intau mita in Israel in noguman, “Igai mobuidon in kita kon i Tuhan. Siabí inta nopororiga kon i naton, táe Siabí doman inta monompia. Sia in nonongkekeb, táe Siabí doman in mobakut kon kekeb mita naton.

MIKHA 5:8

Israel in monaḷowbí kon musungnea mita poḷat morimumud kon i monia komintan.

MATIUS 23:38

Tuamai in diádon takinan i Allah in moiko.

WAHYU 18:19

Dá mosia in nopoinggú in ḷobud saḷaku tanda nobaḷu. Bo mosia in nongombaḷ poḷat nogamui, “Adodoia kaasí in kobobogat in bodito in kotá moḷoben tanaa! Kaoyúonannea ain nokopobaḻí kon bayongan intau inta kokapaḷ in dagat nobiag doman nooyúon! Táe tongá kon bonu i wakutu tojam sia in kinobuḻiandon in bayongan yagi-yagi!”