OMBAḶ 3:1 - Alkitab Singog In Mongondow Masa In Tanaa

¹ Akuoibí in intau inta ain nokonanam kon roriga, popisí in kinoantugan in torú i Allah.

OMBAḶ 3:1 ပူးပေါင်းရင်းမြစ်များ

AYUB 19:21

Uḻe yobayatku mita, kotabipa in akuoi, sin ḻima i Allah nosambok kon inakó.

MAZMUR 102:11

sin Iko in nobuatdon bo nopogambat kon inakó kon bonu in torú-Mu inta sinumaga-tagab.

MAZMUR 71:20

Inogoian-Mu in akuoi in mobayong in roriga mobogat, táe poguḻíon-Mubí in ropotku bo momiag bui kon inakó nongkon pinoḷobongan.

MAZMUR 88:7

Pinogambat-Mu in akuoi kon bonu in bubú inta moonag, kon bonu in bubú poḷoḷobongan inta moonag bo sindip.

YESAYA 53:3

Kita in moningkuḻe bo yumayú kon inia, intau inta nopuḻing in roriga bo nobiasa mobaba kon takit. Diá tobatúmai in intau in moibog imindoi kon inia, bo kita in diá doman moindoimai kon inia.

YEREMIA 38:6

Bo ginamá monia in akuoi bo sinuntun monag monia in akuoi kon bonu in parigí i Malkia ki adí ḷoḷaki i datu, inta noiukat kon palas in komaḻig. Diábí in tubig kon bonu in parigí tatua, tongá yoná, bo akuoi in noibonu kon yoná tatua.

YEREMIA 43:6

Ḷoḷaki, bobay, mongoadí mita bo ki adí mita bobay i datu inta inogoi i Nebuzaradan kon i Gedalya, takin doman akuoi bo ki Barukh, komintan dinia minayá in Mesir.

YEREMIA 8:21

Ginaku in norimumud popisí in bangusaku notakit moyoyiga; akuoi in nonogumatoi bo mogagawang.