OMBAḶ 2:9 - Alkitab Singog In Mongondow Masa In Tanaa

⁹ Bonawangnea mita in kinobumbunandon in butá, bayongan in bonoboinea mita noputoḷ; datu bo pojabat in pomarenta dinia kon pinoḷumbúan. Hukum i Tuhan in diádon bui sinundú; nabi in diádon notarima kon tongkoyow nongkon i Tuhan.

OMBAḶ 2:9 ပူးပေါင်းရင်းမြစ်များ

DATU MITA 2 25:7

Ki adínea mita in iḻimod kon tayowonnea. Nopaḷut mako kon tua ki Zedekia in sinurak doman kon mata, bo inumantungan poḷat dinia kon Babel.

TAWARIKH 2 15:3

Noonggot totok in Israel diá nosumba kon i Allah inta mobanar, diá kohukum mita inta musti duduian, bo diá doman ko imang mita inta motundú kon i monia.

NEHEMIA 1:3

Inouman monia kon intau mita inta nokoimontandon iḷumbú inta ain nobui kon butá tatua, tanaa in nobiag nororiga bo siningkuḻe in bangusa mita ibanea inta kon diugneamai. Apadoman, dinding mita in kotá in Yerusalem norimumudpa posiyayit bo bonawangnea mita in diápa sinompia pinangkoipa kon sinurub mako kon tungkuḷ intua.

MAZMUR 74:9

Nabi mita bo tomponuot mita inta mokoherang diádon koontongan bui, bo diádon tobatúmai in intau in nonotaau mongo dapot in toonu in nanaa.

YESAYA 24:12

Kotá ain norimumud totok, bo bonawangnea mita noumpag posiyayit.

YEREMIA 14:14

Táe ki Tuhan in notubag, “Nabi mita tatua in nopotaau in habar uboḷ pinodoyon kon tangoi-Ku; Akuoi in diábí nopotabá kon i monia, bo diábí doman nomarenta andeka noyosingog monia. Oontongon mita inta inouman monia in deemanbí nongkon i-Nakó; mosia in nonoḻindap kon soaḷ mita inta diá in mangaḻenea inta sinontuon inaidan monia tontaní.

YEREMIA 23:16

Kon intau inta nogutun kon Yerusalem, ki Tuhan Inta Totok in mokawasa noguman, “Dika indongogan in tosingogon in nabi mita inta umuran tongá mobogoi in kamang inta diá in mangaḻenea. Mosia in tongábí mopotaau in onu in inta kon raian monia tontaní bo deemanbí koyow-Ku.

YEREMIA 39:2

Kon singgai in siownea buḷan inggopatnea taong impuḷú bo mita kon pinomarentaan i Datu Zedekia, dinding in kotá dinangatan in musung,

YEREMIA 39:8

Bo intau mita in Babel nonurub kon komaḻig in datu bo baḷoi mita in rayat, poḷat nogumpag kon dinding mita in Yerusalem.

YEREMIA 51:30

Tontara in Babel in nogogaidon in noparang bo nogutun kon benteng mita. Mosia in noinggamádon in barani bo diádon kodaya. Bonawang mita in kotá dinangatandon, bo baḷoi mita in sinurub.

YEREMIA 52:14

Bo bayongan in intaunea norumbun kon dinding mita in kotá tatua.

OMBAḶ 1:3

Intau mita in Yohuda in nonaḷámaidon kon butánea, popisí in sinonggata bo totokdon in mororiga. Tanaa in mosia in nogutundon kon yua-yuak in bangusa mita takin diá in tampat inta mobogoi in kobiagan motompia. Musung mongopung kon i monia kon dodai in mosia nororiga.

OMBAḶ 4:15

Intau in moguman, “Bayádon nongkon naa! Nonajis in moiko, dika moḻiai kon i nami!” Dá minayádon in mosia bo nodondaḷoi nongkon bangusa tobatú minayá in bangusa ibanea, táe diábí inogoi i ineka in mogutun mokopotantú.

OMBAḶ 4:20

Mosia in nodomok kon datu inta piniḻí i Tuhan, intau inta pinongata nami saḷaku mobobogoi in kobiagan, bo moḷukad kon inami nongkon ḷawang.

YEHEZKIEL 12:13

Táe pogambat-Kubí in landará-Ku sin podomok kon inia. Bo diaan-Ku in sia kon kotá in Babel, bo kon tua matoi in sia takin diá bidon mokoimontanmai in mokoontong kon kotá tatua.

YEHEZKIEL 17:20

Akuoi in mobukábí kon ḷaḷa sin podomok kon inia. Diaan-Kubí in sia pobayá in Babel bo hukumon-Ku kon tua, popisí in diá motoindudui kon i-Nakó.

YEHEZKIEL 7:26

Bodito bo habar diá mopia in umuranbí mamangoi. Moiko in mopoigumbí sinbá nabi mita moibogpa monoḻindap, táe diádon kotaauan monia. Ná doman tua in imang mita diádon koonu bo onu in tundúon kon umat, bo itoi mita in kodaitandon in tonggina.

HOSEA 11:6

Parang in tumagabbí modapot kon bonu in kotá mita monia, bonawang mita in poguyaatonbí, bo umat-Ku in yopúon. Tua in mobaḻí popisí in mosia dinumudui kon ibognea tontaní,

HOSEA 3:4

Natuabí doman in bangusa in Israel; noonggotdon totok in mosia in musti mobiag takin diá in datu andeka itoi, takin diá in kuruban andeka tugu mita mokaramat, takin diádon in berhala mita andeka ajimat mita inta mopotaau in onu inta noibunipa kon singgai moidudui.

AMOS 1:5

Bonawang mita in Damsyik in poguyaaton-Kubí, bo intau in Ḷopá in Awen in simpatan-Ku kodariton nongkon pogogutunan monia. Mongongawasa in Bet-Eden in poponagon-Kubí nongkon ḷoḻitúan pomarentaannea, bo intau in Siria in dakoponbí poḷat diaan kon butá in Kir.”

ULANGAN 28:36

Moiko takin datu monimu in diaan i Tuhan mayá in butá in intau ango-angoi inta diá kinotaauan monimu bo inta diá doman kinotaauan in mogoguyangmu. Kon tua in moiko mogundoidon kon ilah mita inta pinomia nongkon kayu bo batu.

ULANGAN 28:63

Ná pia in gina i Tuhan nobogoi in kobiagan motompia kon inimu bo modugang kon kobayongmu, yo natua doman in kososanang in gina-Nea moyompat bo moyopú kon i monimu. Moiko in poḷuaiondon nongkon butá inta diádon moonggot in ḻitúan monimu.

SAMUEL 1 28:6

Bo nopoigum in sia in totundú kon i Tuhan, táe ki Tuhan in diábí notubag kon inia, pinomayá pinongin togoindop, andeka pinongin Urim bo Tumim andeka pinongin nabi mita.